ଘରେ ବସି ରୋଜଗାର କରନ୍ତୁ ଅର୍ଥ ! କିପରି ଜାଣନ୍ତୁ
ଏହା ଜରୁରୀ ନୁହେଁ ଯେ ଖାଲି ଅଫିସରେ ବସି କାମ କରି ଆପଣ ଅର୍ଥ କମାଇ ପାରିବେ । ନିଜର ପ୍ରତିଭା ବଳରେ ଘରେ ବସି ଆପଣ ମଧ୍ୟ ଅର୍ଥ ରୋଜଗାର କରିପାରିବେ । କିଛି କାମ ଏପରି ରହିଛି କି କମ୍ ଇନଭେଷ୍ଟମେଂଟ ଏବଂ କମ୍ ଲୋକରେ ଘରେ ବସି ଅଧିକ ଅର୍ଥ କମାଇପାରିବେ । ମାତ୍ର ଏଥିପାଇଁ ଆପଣଙ୍କୁ ଆପଣଙ୍କ ପ୍ରଫେସନାଲ ନେଟୱର୍କ ବଢାଇବାକୁ ପଡିବ । ତେବେ ଆଜି ଆମେ ଆପଣଙ୍କୁ ଏଭଳି କିଛି ଉପାୟ ସଂପର୍କରେ ଜଣାଇବୁ ଯାହା ଦ୍ୱାରା କି ଆପଣ ଘରେ ବସି ରୋଜଗାରକ୍ଷମ ହୋଇପାରିବେ ।
Kanak News is now on WhatsApp
Join and get latest news updates delivered to you via WhatsApp
ଆଇସ୍ କ୍ରିମ୍ ପାର୍ଲର
ଗରମ ହେଉ ଅବା ଶୀତ ହେଉ ପ୍ରତ୍ୟେକ ବ୍ୟକ୍ତି ଆଇସ୍ କ୍ରିମ୍ ଖାଇବାକୁ ଭଲ ପାଆନ୍ତି । ତେଣୁ ଆପଣ ବିଭିନ୍ନ ଭେରାଇଟି ରଖି ଏହାକୁ ବିକ୍ରି କରିପାରିବେ ।
ଟିଫିନ୍ ସର୍ଭିସ୍
ଏହି ବ୍ୟବସାୟ ଅତ୍ୟନ୍ତ ଲାଭକାରୀ ହୋଇଥାଏ । କାରଣ,ସାଧାରଣତଃ ଅଧିକାଂଶ ବ୍ୟକ୍ତି ବା ପିଲାମାନେ ସବୁବେଳେ ଟିଫିନ ଉପରେ ନିର୍ଭର କରିଥାନ୍ତି । ତେଣୁ ଏହାକୁ ପ୍ରସ୍ତୁତ କରିବା ପାଇଁ ଅଧିକ ସମୟ ମଧ୍ୟ ଲାଗି ନଥାଏ । ସ୍ୱଳ୍ପ ସମୟ ମଧ୍ୟରେ ଏହାକୁ କରି ଆପଣ ଭଲ ଅର୍ଥ ରୋଜଗାର କରିପାରିବେ ସେ ପୁଣି ଘରେ ବସି ।
ସ୍ନାକ୍ସ
ସାଧାରଣତଃ ନମକିନ, ବିସ୍କେଟେ,ପାମ୍ପଡ ଆଦି ବିଭିନ୍ନ ଖାଦ୍ୟ ଜିନିଷ ଆପଣ ପରିବାର ପାଇଁ ତିଆରି କରିଥାନ୍ତି । ମାତ୍ର ଏହାକୁ ବ୍ୟବସାୟ କରି ଆପଣ ଅର୍ଥ ମଧ୍ୟ ରୋଜଗାର କରିପାରିବେ । ଆପଣ ଏହାକୁ ଆଖପାଖରେ ବିକ୍ରି କରି ରୋଜଗାର କରିପାରିବେ ।
ଗିଫ୍ଟ ବାସ୍କେଟ୍
ଆଜିକାଲି ବିଭିନ୍ନ ପର୍ବ ପର୍ବାଣୀ କିମ୍ବା ବିଭିନ୍ନ ଉତ୍ସବ ଖୁବ୍ ଆଡମ୍ବରେ ପାଳନ କରାଯାଉଛି । ଆଉ ଏପରିସ୍ଥଳେ ଅନେକ ଉପହାର ମଧ୍ୟ ଦିଆନିଆ ହୋଇଥାଏ । ଏଥିପାଇଁ ସାଧାରଣତଃ ଗିଫ୍ଟ ବାସ୍କେଟର ମଧ୍ୟ ଡିମାଣ୍ଡ ରହିଥାଏ । ତେଣୁ ଏହାକୁ ଆଖି ଆଗରେ ରଖି ଆପଣ ଏହି ବ୍ୟବସାୟ ମଧ୍ୟ ଘରେ ବସି ଆରମ୍ଭ କରି ରୋଜଗାରକ୍ଷମ ହୋଇପାରିବେ ।
ମହମବତୀ
ଏହି ବ୍ୟବସାୟଟି ସବୁବେଳେ ଏକ ଭଲ ଓ ସରଳ ବ୍ୟବସାୟ ଭାବରେ ଗଣିତ । ତେଣୁ ଏହାକୁ ଘରେ ପ୍ରସ୍ତୁତ କରି ଆପଣ ଲାଭବାନ ହୋଇପାରିବେ ।