କମୁନି ଚେଙ୍କ ଚିକିତ୍ସା ! କେନ୍ଦୁଝରରେ ପୁଣି ୨ ଦିନରେ ୪ ଶିଶୁଙ୍କୁ ଚେଙ୍କ ଦେଇଥିବା ଅଭିଯୋଗ
କନକ ବ୍ୟୁରୋ : ସେଚେତନାତା ଅଭାବରୁ ଏବେ ବି ଅନ୍ଧ ବିଶ୍ୱାସର ଅନ୍ଧ ଗଳିରେ ଲୋକେ । ଅନେକ ଶିଶୁଙ୍କ ପ୍ରାଣହାନୀ ପରେ ବି କମୁନି ଚେଙ୍କ ଚିକିତ୍ସା । କେତେବେଳେ ଦିଶାରୀ ଚେଙ୍କରେ ଶିଶୁ ଗୁରତର ତ ଆଉ କେତେବେଳେ ଛୁଆକୁ ସୁସ୍ଥ କରିବା ପାଇଁ ଚେଙ୍କ ଦେଉଛି ମା’ । କେନ୍ଦୁଝରରେ ଦିନକୁ ଦିନ ବଢ଼ିଚାଲିଛି ଚେଙ୍କ ଚିକିତ୍ସା । ଅନ୍ଧବିଶ୍ୱାସର ବଶବର୍ତ୍ତି ହୋଇ ୨ ଦିନରେ ୪ ଜଣ ଶିଶୁଙ୍କ ଚେଙ୍କ ଦିଆଯାଇଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଚେଙ୍କ ଖାଇ ୨ଜଣ ଶିଶୁ ଗୁରୁତର ଅବସ୍ଥାରେ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି ହୋଇଥିବା ବେଳେ ଆଜି ଆଉ ୨ଜଣ ଶିଶୁଙ୍କୁ ଚେଙ୍କ ଦିଆଯାଇଥିବା ଜଣାପଡିଛି । ଗୁରୁତର ଅବସ୍ଥାରେ ବଲାଣି ଅଂଚଳର ୨ମାସର ଶିଶୁ କନ୍ୟାକୁ କଟକ ସ୍ଥାନାନ୍ତର କରାଯାଇଛି । ସେହିପରି ବାଂଶପାଳ ଅଣସୁଆ ଗାଁରେ ୪ବର୍ଷର ଶିଶୁ ଝାଡାବାନ୍ତି ଆକ୍ରାନ୍ତ ହେବାରୁ ତା’ର ମାଆ ତାକୁ ଚେଙ୍କ ଚିକିତ୍ସା କରାଇଥିବା ସୂଚନା ମିଳିଛି । ଶିଶୁଟିକୁ ଗୁରୁତର ଅବସ୍ଥାରେ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।