କ୍ୟାନସର ଆଶଙ୍କା ଦୂର କରିବ ସାଲାଡ । ଜାଣନ୍ତୁ ଭୋଜନରେ ନିୟମିତ ବ୍ୟବହାର କରିବେ କ’ଣ
ସାଲାଡ ଖାଇବା ସ୍ୱାସ୍ଥ୍ୟ ପାଇଁ ହିତକର । ଅଧିକାଂଶ ଲୋକ ସାଲାଡ ଖାଇବାକୁ ପସନ୍ଦ କରନ୍ତି । ସାଲାଡରେ ରହିଛି ଶରୀର ପାଇଁ ଅନେକ ଉପକାରୀ ଉପାଦାନ । ତେବେ ଏହାର ଉପକାରିତା ନେଇ ଅନେକ ଥର ଗବେଷଣା କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ନିକଟରେ କରାଯାଇଥିବା ଏକ ଗବେଷଣାରୁ ଜଣାପଡିଛି ଯେ ଯେଉଁମାନେ ପ୍ରତିଦିନ ଖାଦ୍ୟରେ ସବୁଜ ପତ୍ରଯୁକ୍ତ ସାଲାଡ ବ୍ୟବହାର କରିଥାନ୍ତି, ସେମାନଙ୍କ ମସ୍ତିଷ୍କ ଅଧିକା ୧୧ବର୍ଷ ସତେଜ ରହିପାରେ । ଏହି ତଥ୍ୟ ଦେଇଛି ଆମେରିକାର ରସ ବିଶ୍ୱବିଦ୍ୟାଳୟର ବୈଜ୍ଞାନିକ । ସେମାନଙ୍କ କହିବା ଅନୁସାରେ, ଯେଉଁମାନେ ପ୍ରତିଦିନ ସବୁଜ ପତ୍ରଯୁକ୍ତ ପନିବରିବା ଖାଇଥାନ୍ତି ସେମାନଙ୍କର ସ୍ମୃତିଶକ୍ତି କ୍ଷମତା ଅଧିକ । ଏହା ଖାଉନଥିବା କିମ୍ବା ସାମୟକ ଖାଉଥିବା ଲୋକଙ୍କ ପାଖରେ ସ୍ମୃତିଶକ୍ତି ଅପେକ୍ଷାକୃତ କମ ହୋଇଥାଏ ।
ସବୁଜ ପତ୍ରଯୁକ୍ତ ସାଲାଡ ଏବଂ ପରିବା ଖାଇବା ଓଜନ ନିୟନ୍ତ୍ରଣ ତଥା ମେଦବହୁଳତା କମାଇବା ପାଇଁ ଉପଯୋଗୀ । କାରଣ, ଏଥିରେ ଖୁବ କମ୍ ପରିମାଣରେ କ୍ୟାଲୋରୀ ଥାଏ । ଫ୍ୟାଟ ପରିମାଣ କମ ହେବା ସହିତ ଅଧିକ ତନ୍ତୁ ରହିଥାଏ । ଏହା କ୍ୟାନସର ହେବାର ଆଶଙ୍କା ଦୂରକରେ । ନିଜ ଖାଦ୍ୟରେ ପ୍ରତିଦିନ ସବୁଜ ପରିବା ଅନ୍ତର୍ଭୁକ୍ତ କଲେ ହୃଦରୋଗର ଆଶଙ୍କା ୧୧ ପ୍ରତିଶତ କମ ହୋଇଥାଏ ବୋଲି ଗବେଷଣାରୁ ଜଣାପଡିଛି । ପତ୍ରଜାତୀୟ ଖାଦ୍ୟରେ ଥିବା ପ୍ରାକୃତିକ ଫାଇବର ଯୋଗୁ ପେଟ ପୂରି ରହିଥିବା ପରି ଅନୁଭବ ହୁଏ ଏବଂ ଅଧିକ ଭୋକ ଲାଗେନାହିଁ ।