ଦୃଢ଼ ଇଚ୍ଛା ଶକ୍ତି ଆଗରେ ମୁଣ୍ଡ ନୁଆଁଇଲା ଦାରିଦ୍ର୍ୟତା : ଚା’ ବାଲା ପୁଅ ହେଲେ ମିଷ୍ଟର ନ୍ୟାସନାଲ ୟୁନିଭର୍ସ ୨୦୧୮
କୁହାଯାଏ, ଯଦି ଆପଣଙ୍କ ଭିତରେ ପରିଶ୍ରମ ଓ ଦୃଢ଼ ଇଚ୍ଛା ଶକ୍ତି ଅଛି ତେବେ ଆଗକୁ ବଢ଼ିବାକୁ କେହି ଅଟକାଇ ପାରିବେ ନାହିଁ । ଭୋପାଲରେ ରହୁଥିବା ଫରହାନ କୁରୈଶୀ ମିଷ୍ଟର ନ୍ୟାସନାଲ ୟୁନିଭର୍ସ ୨୦୧୮ର ଟ୍ରଫି ହାସଲ କରି ଏହା ସାବ୍ୟସ୍ତ କରିଦେଇଛନ୍ତି । ଫରହାନ ପ୍ରାରମ୍ଭରୁ ହିଁ ମଡେଲିଂ ପ୍ରତି ଆକର୍ଷିତ ଥିଲେ । କିନ୍ତୁ ପରିବାର ଲୋକ ତାଙ୍କ ମଡେଲିଂ କରିବା ବିରୋଧରେ ଥିଲେ, ସେଥିପାଇଁ ସେ ତାଙ୍କ ପରିବାରକୁ ନଜଣାଇ ଲୁଚିଛପି ମଡେଲିଂ କରୁଥିଲେ ।
Kanak News is now on WhatsApp
Join and get latest news updates delivered to you via WhatsApp
ଏକ ସାକ୍ଷାତକାରରେ ଫରହାନ କହିଛନ୍ତି “ମୋ ବାପା ମଡେଲିଂ ବିରୋଧରେ ଥିଲେ, ମୋତେ କେବେ କୌଣସି ପ୍ରତିଯୋଗିତାରେ ଭାଗ ନେବା ପାଇଁ ଅନୁମତି ଦେଇନଥିଲେ । ୨ ବର୍ଷ ପର୍ଯ୍ୟନ୍ତ ମୁଁ ମୋର ବାପାଙ୍କ ସହ ଚା’ ଷ୍ଟଲରେ କାମ କଲି । କିନ୍ତୁ ଏହାପରେ ମୁଁ ଜିମ ଯିବା ସହ ପର୍ସନାଲିଟି ଡେଭଲପମେଂଟ କ୍ଲାସେସ ମଧ୍ୟ ଆରମ୍ଭ କଲି ।”
ତେବେ ନିଜର ଦୃଢ ଇଚ୍ଛା ଶକ୍ତି, କଠିନ ପରିଶ୍ରମ ବଳରେ ହିଁ ଫରହାନ ଅନ୍ତିମରେ ମିଷ୍ଟର ନ୍ୟାସନାଲ ୟୁନିର୍ଭସ ଶିରୋନାମା ହାସଲ କରିଛନ୍ତି । ଫରହାନଙ୍କ ବାପା ଫରିଦ କୁରୈଶୀ ଭୋପାଲରେ ଚା’ ବ୍ୟବସାୟ କରନ୍ତି । ଏହାଛଡା, ଫରହାନ ଅନ୍ତରାଷ୍ଟ୍ରୀୟ ସ୍ତରରେ ମଧ୍ୟ ଭାରତର ପ୍ରତିନିଧିତ୍ୱ କରିବେ । ମିଷ୍ଟର ନ୍ୟାସନାଲ ୟୁନିଭର୍ସ ୨୦୧୮ର ଟ୍ରଫି ଜିତିବା ପରେ ଫରହାନ ଖୁବ ଉତ୍ସାହିତ ଅଛନ୍ତି । ଭୋପାଲ ପହଂଚିବା ପରେ ସେ ତାଙ୍କ ସାଙ୍ଗସାଥି ଓ ପରିବାରଙ୍କ ସହ ଉତ୍ସବ ପାଳନ କରିଛନ୍ତି ।
ଫରହାନ କହିଥିଲେ କି ସେ କାର୍ଯ୍ୟକ୍ରମ ଆରମ୍ଭ ହେବାର ଏକ ଘଣ୍ଟା ପୂର୍ବରୁ ତାଙ୍କ ବାପା ତାଙ୍କୁ ଫୋନରେ ପ୍ରତି ମୂହୁର୍ତ୍ତରେ ତାଙ୍କ ସହିତ ରହିବେ ବୋଲି ଉତ୍ସାହିତ କରିଥିଲେ । ତାଙ୍କ ବାପାଙ୍କ ସହଯୋଗ ହିଁ ତାଙ୍କୁ ପ୍ରସ୍ତୁତିରେ ସାହାଯ୍ୟ କରିଥିଲା। ମିଷ୍ଟର ନ୍ୟାସନାଲ ୟୁନିର୍ଭସ ୨୦୧୮ ଶିରୋନାମା ହାସଲ କରିବା ପରେ ଫରହାନ ନିଜ ଖୁସିକୁ ଫେସବୁକ ଜରିଆରେ ସେୟାର କରିଛନ୍ତି ।