ମନୁଷ୍ୟ ଜୀବନରେ ଭିନ୍ନକ୍ଷମତା ହେଉଛି ସବୁଠାରୁ ବଡ ଅଭିଶାପ । ଏହା ଜଣେ ବ୍ୟକ୍ତିକୁ ଅନ୍ୟମାନଙ୍କଠାରୁ ପୃଥକ କରି ହୃଦୟ ଭିତରେ ଏକ ହୀନମନ୍ୟତାର ଭାବ ସୃଷ୍ଟି କରିଥାଏ ବୋଲି କହିଲେ କିଛି ଭୁଲ ହେବନାହିଁ ।
Kanak News is now on WhatsApp
Join and get latest news updates delivered to you via WhatsApp
ତେବେ ଏପରି ଅନେକ ପ୍ରତିଭାଶାଳୀ ବ୍ୟକ୍ତିତ୍ୱ ରହିଛନ୍ତି ଯେଉଁମାନେ ନିଜର ଭିନ୍ନକ୍ଷମତାକୁ ଶକ୍ତି କରି ଜୀବନକୁ ସଫଳ କରି ଅନ୍ୟ ପାଇଁ ଉଦାହରଣ ପାଲଟିଛନ୍ତି । ଭିନ୍ନକ୍ଷମତା ଯେ ମନୁଷ୍ୟକୁ କ୍ଷମତାଶାଳୀ ହେବାର ଏକ ଭିନ୍ନ ବାଟ ଦେଖାଏଁ ବରଂ ମନୁଷ୍ୟକୁ ଆହୁରୀ ଶ୍ରେଷ୍ଠ କରେ ଯାହା ଏମାନେ କରି ଦେଖାଇଛନ୍ତି । ଆସନ୍ତୁ ଜାଣିବା ଏମାନଙ୍କ ବିଷୟରେ . . .
ରାଣା ଦଗ୍ଗୁବତି– ବାହୁବଳୀ ସିନେମା ପାଇଁ ସମସ୍ତଙ୍କ ପ୍ରିୟପାତ୍ରର ଅଧିକାର ହୋଇଥିବା ରାଣା ଦଗ୍ଗୁବତି ଯେ ଜଣେ ଭିନ୍ନକ୍ଷମ ଅଟନ୍ତି ତାହା ପ୍ରାୟତଃ ଖୁବ୍ କମ୍ ଲୋକଙ୍କୁ ଜଣାଥିବ । ତେବେ ଆପଣ ଜାଣିଲେ ଚକିତ ହେବେ କି ତାଙ୍କର ଡାହାଣ ଆଖିକୁ କିଛି ଦେଖାଯାଏ ନାହିଁ । କିନ୍ତୁ ଏହାସବୁ ସତ୍ୱେ ବି ତାଙ୍କର ଏହି ଦୁର୍ବଳତାକୁ ସେ କେବେ ନିଜ ଜୀବନରେ ଭାରି ହେବାକୁ ଦେଇ ନାହାଁନ୍ତି ।
ହ୍ରିତିକ୍ ରୋଶନ-ହ୍ୟାଣ୍ଡସମ ଅଭିନତା ହ୍ରିତିକ୍ ରୋଶନ ନିଜର ଯୁବାବସ୍ଥାରେ ସଠିକ୍ କଥା କହିବାରେ ଅସୁବିଧା ଭୋଗୁଥିଲେ ପରବର୍ତ୍ତୀ ସମୟରେ ସେ ଏହା ପାଇଁ ଚିକିତ୍ସିତ ହୋଇଥିଲେ ।
ସୁଦ୍ଧା ଚନ୍ଦନ– ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ସୁଦ୍ଧା ଯେ କି ଘରେ ଘରେ ଅନେକ ଶାଶୂ ବୋହୂ ଧାରାବାହିକଠାରୁ ଆରମ୍ଭ କରି ସିନେମା ଦ୍ୱାରା ସମସ୍ତଙ୍କ ପ୍ରିୟ ହୋଇପାରିଛନ୍ତି । ସେ ଏକ ଦୁର୍ଘଟଣା ଯୋଗୁଁ ନିଜ ଡାହାଣ ପାଦ ହରାଇବସିଥିଲେ । ମାତ୍ର ଏହା ତାଙ୍କ ସଫଳତା ଆଗରେ ହାର ମାନିଛି ।
ସୁବାସ କପୁର– ଜଲି ଏଲଏଲବି ନିର୍ମାତା ସୁବାସ କପୁର ମାତ୍ର ୫ବର୍ଷ ବୟସରେ ନିଜର ବାମ ହାତ ହରାଇବସିଥିଲେ । ଦୁଇ ମହଲା ଛାତରୁ ପଡିଲାପରେ ତାଙ୍କର ଗୋଟିଏ ହାତ ନଷ୍ଟ ହୋଇଯିବା କାରଣରୁ କଟା ଯାଇଥିଲା । ମାତ୍ର ଏହା ସତ୍ୱେ ସୁବାସ ଆଜି ଜଣେ ଶ୍ରେଷ୍ଠ ସିନେମା ନିର୍ମାତା ।
ଅଭିଶେଷ ବଚ୍ଚନ– ବଚ୍ଚନ ପରିବାରର ଉତ୍ତରାଧିକାରୀ ଅଭିଶେଷଙ୍କୁ ପିଲାବେଳେ ଅକ୍ଷର ଚିହ୍ନିବାରେ ବହୁତ ଅସୁବିଧା ହେଉଥିଲା । ଡାକ୍ତରଙ୍କ ମତରେ ସେ ‘ଡିସ୍ଲେକ୍ସିଆ’ରୋଗରେ ଆକ୍ରାନ୍ତ ଥିଲେ ।
କଙ୍ଗନା ରଣାୱତ– ମନଖୋଲି ସବୁକଥା ବେଧଡକ କହିପାରୁଥିବା ବଲିଉଡ ଅଭିନେତ୍ରୀ କଙ୍ଗନା ରଣାୱତ ମଧ୍ୟ ନିଜ ପିଲାବେଳେ କଥା କହିବାବେଳେ ଅସୁବିଧାର ସମ୍ମୁଖୀନ ହେଉଥିଲେ ବୋଲି ମିଳିଥିବା ସୂଚନାରୁ ଜଣା ପଡିଛି ।