ଦିଲ୍ଲୀ ଏମ୍ସରେ ଆଶ୍ଚର୍ଯ୍ୟକର ଘଟଣା ସାମନାକୁ ଆସିଛି । ଏଠି ଜଣେ ଯୁବକ ପେଟ ବ୍ୟଥାର ଅଭିଯୋଗ ନେଇ ଡାକ୍ତରଙ୍କ ପାଖକୁ ଆସିଲା । ଯେତେବେଳେ ଡାକ୍ତର ତାଙ୍କ ଯାଂଚ କଲେ ହୋସ ଉଡିଗଲା । ଯାଂଚରେ ଜଣାପଡିଲା କି, ଯୁବକଙ୍କ ପେଟରେ ଟୁଥବ୍ରଶ ଫସିଯାଇଛି । ପୀଡିତଙ୍କ ନାମ ଆବିଦ୍ ଓ ସେ ଦିଲ୍ଲୀର ନିବାସୀ । ତାଙ୍କୁ ପଚାରିବାରୁ ସେ କହିଲେ କି, ପୂର୍ବରୁ ବି ତାଙ୍କୁ ପେଟ ବ୍ୟଥାର ଅଭିଯୋଗ ଥିଲା ।
Kanak News is now on WhatsApp
Join and get latest news updates delivered to you via WhatsApp
ଏଥିରୁ ମୁକ୍ତି ପାଇବା ପାଇଁ ସେ ଜଣେ ବାବାଙ୍କ ପରାମର୍ଶ ନେଲେ କି, ଟୁଥ ବ୍ରଶରେ ଗଳା ପର୍ଯ୍ୟନ୍ତ ସଫା କଲେ, ଏହି ସମସ୍ୟାର ସମାଧାନ ହୋଇଯିବ । ଏହାପରେ ନ ବୁଝି ବାବାର ପରାମର୍ଶ ମାନି ବ୍ରଶରେ ସଫା କଲେ । ତେବେ ବ୍ରଶ ତାଙ୍କ ହାତରୁ ଖସି ଆହାର ନଳୀ ଦେଇ ପେଟ ଭିତରକୁ ପହଂଚିଗଲା । ତା’ପରେ ଆବିଦଙ୍କୁ ଗମ୍ଭୀର ଅବସ୍ଥାରେ ଦିଲ୍ଲୀର ଏମ୍ସରେ ଭର୍ତ୍ତି କରାଗଲା । ଏଠି ଡାକ୍ତର ଏଣ୍ଡୋସ୍କୋପି କରି ପେଟରୁ ବ୍ରଶ ବାହାର କଲେ । ଡାକ୍ତର କହିଲେ କି, ଯଦି ବ୍ରଶ ବାହାର କରିବାରେ ବିଳମ୍ବ ହୋଇଥାଅ।।ନ୍ତା, ତେବେ ଅନ୍ତନଳୀ ଫାଟି ଯାଇଥାନ୍ତା । ଏହା ପୂର୍ବରୁ ମଧ୍ୟ ଏମିତି ମାମଲା ଶୁଣିବାକୁ ମିଳିଛି । ଆଗ୍ରା ନିବାସୀ ଗୌରବଙ୍କ ପେଟରେ ବ୍ରଶ ଫସିଯାଇଥିଲା ।