ଛାଡପତ୍ର ହୋଟେଲ : ଯେଉଁଠି ଦମ୍ପତି ପ୍ରବେଶ କରନ୍ତି ବିବାହିତ, କିନ୍ତୁ ପ୍ରସ୍ଥାନ କରିବା ବେଳକୁ ହୋଇଯାଏ ଛାଡପତ୍ର
ବିବାହ ପୂର୍ବରୁ ଦମ୍ପତି ହୋଟେଲକୁ ଯିବା କିଛି ଅସାମାନ୍ୟ ନୁହେଁ, କିନ୍ତୁ ସେମାନେ ଏବେ ଛାଡପତ୍ର ପାଇଁ ବି ହୋଟେଲକୁ ଯାଉଛନ୍ତି । ବିବାହ ପାଇଁ ସ୍ୱତନ୍ତ୍ର ହୋଟେଲ ଥିବା କଥା ଆପଣ ଶୁଣିଥିବେ । କିନ୍ତୁ ଆପଣ ଛାଡ଼ପତ୍ର ହୋଟେଲ ବିଷୟରେ ଆଗରୁ କେବେ ଶୁଣିଛନ୍ତି କି ?
Kanak News is now on WhatsApp
Join and get latest news updates delivered to you via WhatsApp
ଛାଡପତ୍ର ହୋଟେଲ ଏମିତି ଏକ ଉଦ୍ୟମ ଯେଉଁଠି ଏକ ସପ୍ତାହ ମଧ୍ୟରେ ଦମ୍ପତି ବିବାହିତ ସ୍ଥିତିରେ ହୋଟେଲ ମଧ୍ୟକୁ ପ୍ରବେଶ କରନ୍ତି ଓ ହୋଟେଲରୁ ଛାଡପତ୍ର ନେଇ ବାହାରନ୍ତି । ଯେଉଁ ଦମ୍ପତି ମାନଙ୍କ ମଧ୍ୟରେ ଭଲ ପାଇବା କମ ହୋଇ ଯାଇଥାଏ ଏବଂ ସେମାନଙ୍କ ସଂପର୍କ ଭାଙ୍ଗିବା ଉପରେ ଥାଏ, ସେମାନଙ୍କ ପାଇଁ ଏହି ହୋଟେଲ ନିର୍ମାଣ କରାଯାଇଛି । ବିବାହିତ ଥିବା ବେଳେ ଦମ୍ପତି ଏହି ହୋଟେଲକୁ ଆସିଥିବା ବେଳେ ଛାଡ଼ପତ୍ର ପରେ ଏଠାରୁ ଚାଲି ଯାଇଥାନ୍ତି । ଏଠାକୁ ଆସୁଥିବା ଦମ୍ପତିଙ୍କ ପାଇଁ ଓକିଲ ମଧ୍ୟ ରଖାଯାଇଥାଏ ।
ଯେଉଁମାନେ ଛାଡ଼ପତ୍ର ନେବା ପାଇଁ ଚିନ୍ତା କରନ୍ତି ସେମାନେ ଏହି ହୋଟେଲକୁ ଯାଇ ସପ୍ତାହେ ସମୟ ବିତାଇବା ସହ ସପ୍ତାହ ଶେଷରେ ପରସ୍ପରଠାରୁ ଛାଡ଼ପତ୍ର ନିଅନ୍ତି । ଏହି ହୋଟେଲରେ ଛାଡ଼ପତ୍ର ପାଇଁ ଅନଲାଇନ୍ ଏବଂ ଅଫଲାଇନ୍ ବ୍ୟବସ୍ଥା ମଧ୍ୟ ରହିଛି । ଦମ୍ପତିମାନେ ଯେଉଁ ମାଧ୍ୟମ ବାଛିଥାନ୍ତି ସେହି ମାଧ୍ୟମରେ ଛାଡ଼ପତ୍ର ହୋଇଥାଏ । ଏହି ହୋଟେଲ ପ୍ରଥମେ ନେଦରଲାଣ୍ଡରେ ଖୋଲା ଯାଇଥିବା ବେଳେ ଏହାର ଏକ ଶାଖା ନ୍ୟୁୟର୍କରେ ମଧ୍ୟ ଖୋଲା ଯାଇଛି ।