୫୮ ବର୍ଷ ପରେ ଦିଲ୍ଲୀର ରାସ୍ତାରେ ଦୌଡିବ ଟ୍ରାମ୍ : ଏହି ଯୋଜନାକୁ ସରକାରଙ୍କ ସବୁଜ ସଙ୍କେତ
ଦେଶର ରାଜଧାନୀ ଦିଲ୍ଲୀର ସଡକରେ ୫୮ ବର୍ଷ ପରେ ପୁଣି ଥରେ ଟ୍ରାମ୍ ଚାଲିବ ।
ଦେଶର ରାଜଧାନୀ ଦିଲ୍ଲୀର ସଡକରେ ୫୮ ବର୍ଷ ପରେ ପୁଣି ଥରେ ଟ୍ରାମ୍ ଚାଲିବ । ଦିଲ୍ଲୀର କେଜ୍ରିୱାଲ ସରକାର ଟ୍ରାମ୍ ଚଲାଇବାର ଏହି ଯୋଜନାକୁ ସବୁଜ ସଙ୍କେତ ଦେଇଛନ୍ତି । ଦିଳ୍ଲୀର ରାସ୍ତାରେ ଅତି ଶୀଘ୍ର ଇଲେକ୍ଟ୍ରିକ୍ ଟ୍ରାମ୍ ଚଲାଇବାର ଘୋଷଣା ହୋଇଯାଇଛି । ପୁନଃନିର୍ମାଣ ପ୍ରକଳ୍ପ ଅଧିନରେ ଚାନ୍ଦନୀ ଚୌକରେ ଲାଲକିଲ୍ଲାରୁ ଫତେହପୁରୀ ମସଜିଦ୍ ପର୍ଯ୍ୟନ୍ତ ରୋଡର ସେଣ୍ଟ୍ରାଲ ଭର୍ଜରେ ୩.୫ ମିଟର ଚଉଡା କରାଯିବ । ଏତିକି ଚଉଡାରେ ସେଣ୍ଟ୍ରାଲ ଭର୍ଜରେ ଯେତେ ବି ବିଜୁଳି ଖମ୍ବ ଅଛି, ସେଗୁଡାକୁ ମଝିକୁ ସ୍ଥାନାସ୍ତରିତ କରାଯିବ । ଏହା ବ୍ୟତୀତ ରାସ୍ତାର ଉଭୟ ପାଶ୍ୱର୍ରେ ରିକ୍ସା ପାଇଁ ୫.୫ ମିଟର ଚଉଡାର କେରିଜୱେ ନିର୍ମାଣ ହେବ ।
Kanak News is now on WhatsApp
Join and get latest news updates delivered to you via WhatsApp
ଚାନ୍ଦନୀ ଚୌକରେ ବୁଲିବା, କିଣାବିକା କରିବା କିମ୍ବା ଜିନିଷ ବିକ୍ରି କରୁଥିବା ଲୋକଙ୍କ ପାଇଁ ଏବେ ଟ୍ରାଫିକ୍ ସମସ୍ୟା ଦେଇ ଗତି କରିବାକୁ ପଡିବନି । ଭଲ ପୁନର୍ବିକାଶ ପାଇଁ ଲୋକଙ୍କୁ ଏବେ ଟ୍ରାଫିକ୍ ଜାମ୍ ପାଇଁ ହଇରାଣ ହେବାକୁ ପଡିବନି । ପର୍ଯ୍ୟଟନକୁ ପ୍ରୋତ୍ସାହନ ମିଳିବ । ଟ୍ରାମ୍ ଦିଲ୍ଲୀର ପୁରୁଣା ଅଂଚଳ ଯେମିତିକି ଜାମା ମସଜିଦ୍, ଗୁରୁଦ୍ୱାରା ଶିଶ୍ ଗଂଜ, ପୁରୁଣା ଦିଲ୍ଲୀ ରେଲୱେ ଷ୍ଟେସନ, ଲାଲକିଲ୍ଲା ଅନ୍ୟ ସ୍ଥାନକୁ ଯୋଡିବ ।