ବିଏସଏନଏଲର ‘ବିଜୟ ଦଶହରା’ ଅଫର୍ ! ରିଚାର୍ଜ ଉପରେ ମିଳିବ ୫୦ ପ୍ରତିଶତ କ୍ୟାସବ୍ୟାକ୍
ଆରମ୍ଭ ହେଲା ପାର୍ବଣ ଋତୁ । ଆଉ ଏହି ପାର୍ବଣ ଋତୁ ସହ ଆରମ୍ଭ ହୋଇଛି ଅଫର୍ ଋତୁ । ଦଶହରାକୁ ଆଖି ଆଗରେ ବିଏସଏନଏଲ୍ ଆଣିଛି ଦମଦାର୍ ଅଫର୍ । କମ୍ପାନୀର ଏହି ଅଫର୍ ନାଁ ହେଉଛି ‘ବିଜୟ ଦଶହରା’ । ବିଏସଏନଏଲର ଏହି ନୂଆ ପ୍ଲାନରେ ରିଚାର୍ଚ୍ଚ କଲେ ମିଳିବ ୫୦ ପ୍ରତିଶତ କ୍ୟାସବ୍ୟାକ୍ । ତେବେ ଏହି ଅଫର୍ ପାଇବାକୁ ହେଲେ ଗ୍ରାହକଙ୍କ ବିଏସଏନଏଲ୍ ଆପ୍ କିମ୍ବା ୱେବସାଇଟରେ ରିଚାର୍ଜ କରିବାକୁ ପଡିବ । ୨୫ ସେପ୍ଟେମ୍ବରରୁ ଏହି ଅଫର୍ ପୁରା ଦେଶରେ ଲାଗୁ ହେବ ।
Kanak News is now on WhatsApp
Join and get latest news updates delivered to you via WhatsApp
ବିଏସଏନଏଲର ‘ବିଜୟ ଦଶହରା’ ଅଫର୍ ଅନୁଯାୟୀ, ୨୫ ସେପ୍ଟେମ୍ବରରୁ ୨୫ ଅକ୍ଟୋବର ମଧ୍ୟରେ ରିଚାର୍ଜ କଲେ ୫୦ ପ୍ରତିଶତ କ୍ୟାସବ୍ୟାକ୍ ମିଳିବ । ତେବେ ଏହି କ୍ୟାସବ୍ୟାକ୍ କେବଳ ୪୨, ୪୪, ୬୫ ୬୯, ୮୮ ଏବଂ ୧୨୨ ଟଙ୍କାର ରିଚାର୍ଜ ଉପରେ ଉପଲବ୍ଧ ଅଛି । ଏହା ବ୍ୟତୀତ ୨୫ ୨୫ ସେପ୍ଟେମ୍ବରରୁ ୨ ଅକ୍ଟୋବର ମଧ୍ୟରେ ୩୦ଟଙ୍କା ରିଚାର୍ଜ କଲେ ଫୁଲ୍ ଟକଟାଇମ୍ ଦେବ କମ୍ପାନୀ । ତେବେ ଜଣେ ଗ୍ରାହକ କେତେ ଥର ଏହି ପ୍ୟାକ୍ ରିଚାର୍ଜ କରି ଲାଭ ଉଠାଇପାରିବ ସେନେଇ କମ୍ପାନୀ ତରଫରୁ କୌଣସି ସ୍ପଷ୍ଟ ସୂଚନା ମିଳିନି ।
ଏହା ପୂର୍ବରୁ ଜିଓକୁ ଟକ୍କର ଦେବାକୁ ନିଜ ଗ୍ରାହକଙ୍କ ପାଇଁ ଦୁଇଟି ମନଲୋଭା ଅଫର୍ ଆଣିଛି ବିଏସଏନଏଲ୍ । କମ୍ପାନୀ ନିଜ ପ୍ରିପେଡ୍ ଗ୍ରାହକଙ୍କ ପାଇଁ ୨୪୯ ଏବଂ ୪୨୯ ଟଙ୍କାର ଅଫର୍ ଜାରି କରିଛି । ୨୪୯ ଟଙ୍କାର ରିଚାର୍ଜ କଲେ ପ୍ରତିଦିନ ୧ ଜିବି (୨ଜି /୩ଜି)ଡାଟା ସହ ବିଏସଏନଏଲରୁ ବିଏସଏନଏଲ୍ ମିଳିବ ଅସୀମିତ କଲ୍ ସୁବିଧା । ଯାହାର ବୈଧତା ୨୮ ଦିନ । ଗ୍ରାହକ ଏହି ଅଫରର ଲାଭ କେବଳ ୨୫ ଅକ୍ଟୋବର ପର୍ଯ୍ୟନ୍ତ ଉଠାଇପାରିବେ ।
ଭୋଡାଫୋନ୍ ନିଜ ପ୍ରିପେଡ୍ ଗ୍ରାହକଙ୍କ ପାଇଁ ଏକ ଆଣିଛି ଦମଦାର୍ ଅଫର । ଅଫର ଅନୁଯାୟୀ, ଲାଭା ଫିଚର୍ ଫୋନ୍ କିଣିଲେ ୯୦୦ଟଙ୍କାର ମାଗଣା ଟକଟାଇମ୍ ଦେଉଛି ଭୋଡାଫୋନ୍ । ହେଲେ ଏହି ଅଫର୍ କେବଳ ପ୍ରିପେଡ୍ ଉପଭୋକ୍ତାଙ୍କ ପାଇଁ । ଏହି ଅଫରର ଫାଇଦା ଉଭୟ ନୂଆ ଏବଂ ପୁରୁଣା ଭୋଡାଫୋନ୍ ଗ୍ରାହକ ଉଠାଇପାରିବେ । ଯଦି ଆପଣଙ୍କର ପୂର୍ବରୁ ଲାଭା ଫୋନ୍ ଅଛି ତେବେ ନୂଆ ଭୋଡାଫୋନ୍ ସିମ୍ କିଣି ଅଫରର ଲାଭ ଉଠାଇପାରିବେ । ସେହିପରି ଯଦି ଆପଣ ଭୋଡାଫୋନର ପୁରୁଣା ଗ୍ରାହକ ଏବଂ ଆପଣଙ୍କ ପାଖରେ ଭୋଡାଫୋନ୍ ସିମ୍ ଅଛି ତେବେ ଲାଭା ଫୋନ୍ କିଣି ଏହି ଅଫର ପାଇପାରିବେ । ତେବେ ଏହି ଅଫର୍ କେବଳ ୩୧ ଅକ୍ଟୋବର ପର୍ଯ୍ୟନ୍ତ ରହିଛି ।
ତେବେ ଏହି ଅଫର୍ ପାଇବା ପାଇଁ ହେଲେ ଗ୍ରାହକଙ୍କୁ ପ୍ରତି ମାସରେ ୧୦୦ ଟଙ୍କା କିମ୍ବା ତାଠାରୁ ଅଧିକ ରିଚାର୍ଜ କରିବାକୁ ପଡିବ । ଏହି ରିଚାର୍ଜ ପରେ ଭୋଡାଫୋନ୍ ତରଫରୁ ଅତିରିକ୍ତ ୫୦ଟଙ୍କା ଟକଟାଇମ୍ ମିଳିବ । ଏହିପରି ୧୮ ମାସ ପର୍ଯ୍ୟନ୍ତ ପ୍ରତିମାସରେ ୧୦୦ଟଙ୍କା ରିଚାର୍ଜ କରି ୫୦ ହିସାବରେ ୯୦୦ଟଙ୍କା କ୍ୟାସବ୍ୟାକ୍ ପାଇପାରିବେ ଗ୍ରାହକ । ତେବେ ପୂର୍ବରୁ କମ୍ପାନୀ ଏହି ଅଫର୍ ଆଇଟେଲ୍ ଫୋନ୍ ଉପରେ ଦେଇଥିଲା । ପ୍ରାୟ ୮୦୦ଟଙ୍କାରୁ ଆରମ୍ଭ ହୋଇଥାଏ ଆଇଟେଲ୍ ମୋବାଇଲ୍ ଦାମ୍ । ଏବେ ଏହି ୮୦୦ଟଙ୍କାର ଆଇଟେଲ୍ ମୋବାଇଲ୍ କିଣିଲେ ଭୋଡାଫୋନ୍ ତରଫରୁ ଗ୍ରାହକଙ୍କୁ ମିଳିବ ୯୦୦ଟଙ୍କା କ୍ୟାସବ୍ୟାକ୍ । ତେବେ ଏହି କ୍ୟାସବ୍ୟାକ୍ ଉପରୋକ୍ତ ଟକଟାଇମ୍ ଜରିଆରେ ମିଳିବ ।
ଯଦି ଆପଣ ଭୋଡାଫୋନର ପ୍ରିପେଡ୍ ଗ୍ରାହକ ତେବେ ଆପଣ ମଧ୍ୟ ଏହି ଅଫରର ଲାଭ ଉଠାଇ ପାରିବେ । ତେବେ ଲାଭାର କିଛି ବଛା ବଛା ଫୋନ୍ କିଣିଲେ ଏହି ଅଫର ପାଇପାରିବେ । ଏବେ ନଜର ପକାନ୍ତୁ କେଉଁ ମଡେଲ୍ କିଣିଲେ ଏହି ଲାଭ ଆପଣ ଉଠାଇପାରିବେ । ଏଆରସି ୧୦୧, ଏଆରସି ୧୦୫, ଏଆରସି ୱାନ୍ ପ୍ଲସ୍, କେକେଟି ୯ଏସ୍, କେକେଟି ପର୍ଲ, କେକେଟି ୩୪ ପାୱାର୍, କେକେଟି ୪୦ ପାୱାର୍ ପ୍ଲସ୍, କ୍ୟାପଟେନ୍ କେ୧, ଏବଂ କ୍ୟାପଟେନ୍ ଏନ୧ ।