ଟ୍ରେନର ଏସି ବଗିରେ ଯାଉଥିବା ଯାତ୍ରୀଙ୍କ ପାଇଁ ଖୁସିଖବର ! ଏଣିକି ଆଉ ମିଳିବିନି ମଇଳା କମ୍ବଳ, ରେଳବିଭାଗ ନେଲା ବଡ଼ ନିଷ୍ପତି
ରେଳଯାତ୍ରୀଙ୍କ ପାଇଁ ଖୁସିଖବର । ଖାସକରି ଯେଉଁମାନେ ଟ୍ରେନର ଏସି ବଗିରେ ଯାତ୍ରା କରୁଛନ୍ତି । ଏଣିକି ଟ୍ରେନର ଏସି କୋଚରେ ଯାତ୍ରା କରୁଥିବା ଯାତ୍ରୀଙ୍କୁ ମଇଳା କମ୍ବଳ ଦିଆଯିବ ନାହିଁ । ଏସି କୋଚରେ ଯାତ୍ରୀ ମାନଙ୍କୁ ଦିଆଯାଉଥିବା କମ୍ବଳକୁ ଏଣିକି ମାସକୁ ଦୁଇଥର ଲେଖାଏଁ ସଫା କରାଯିବ । ପୂର୍ବରୁ ଏହା ଦୁଇ ମାସରେ ଥରେ ଲେଖାଏଁ ସଫା କରାଯାଉଥିଲା । ଏହାଛଡ଼ା ରେଳୱେ କମ୍ବଳର ମାନରେ ମଧ୍ୟ ପରିବର୍ତନ କରାଯିବ । ଏପରିକି ଯେଉଁ କମ୍ବଳକୁ ଏବେ ଚାରି ବର୍ଷ ଲେଖାଏଁ ବ୍ୟବହାର କରାଯାଉଛି ତାହାକୁ ୨ ବର୍ଷ ଲେଖାଏଁ ବ୍ୟବହାର କରାଯିବ । ଯାତ୍ରୀଙ୍କୁ ଦିଆଯାଉଥିବା ମଇଳା ଚାଦର, ତକିଆ ଓ କମ୍ବଳକୁ ନେଇ ରେଲୱେ ଉପରେ ବର୍ଷିଥିଲେ ସିଏଜି ।
Kanak News is now on WhatsApp
Join and get latest news updates delivered to you via WhatsApp
ରେଲୱେ ବୋର୍ଡ଼ ଦ୍ୱାରା ଏକ ନିର୍ଦ୍ଦେଶାନାମା ଜାରି କରି କୁହାଯାଇଛି ଯେ, ଏସି ବଗିରେ ଯାତାୟତ କରୁଥିବା ଯାତ୍ରୀଙ୍କୁ ଦିଆଯାଉଥିବା କମ୍ବଳ ସମ୍ପୂର୍ଣ୍ଣ ଭାବେ ସଫା ଓ କୀଟାଣୁ ମୁକ୍ତ ହେବା ଆବଶ୍ୟକ । ଉଲ ଓ ନାଇଲନ କପଡ଼ାରେ ତିଆରି ହୋଇଥିବା କମ୍ବଳ ଏଣିକି ବ୍ୟବହାର କରାଯିବ । ଏହାର ମୂଲ୍ୟ ଏବେ ବ୍ୟବହାର କରାଯାଉଥିବା କମ୍ବଳ ମୂଲ୍ୟର ଦୁଇଗୁଣ । ଏହି ନୂଆ କମ୍ବଳଟି ୬୦ ପ୍ରତିଶତ ଉଲ ଓ ୧୫ ପ୍ରତିଶତ ନାଇଲନ କପଡ଼ାରେ ତିଆରି ହେବ । ଏହି ନୂଆ କମ୍ବଳର ଓଜନ ମାତ୍ର ୪୫୦ ଗ୍ରାମ ରହିବ ।
ମଇଳା କମ୍ବଳକୁ ନେଇ ରେଲୱେ ନିକଟରେ ବାରମ୍ବାର ଅଭିଯୋଗ କରୁଥିଲେ ଯାତ୍ରୀ । ତେଣୁ ବାଧ୍ୟ ହୋଇ ରେଳ ବିଭାଗ ଏଭଳି ନିଷ୍ପତି ନେଇଛି । ଦେଶରେ ଚାଲୁଥିବା ସମସ୍ତ ଟ୍ରେନର ଏସି ବଗିର ଯାତ୍ରୀଙ୍କ ପାଇଁ ପ୍ରତ୍ୟେକ ଦିକ ୩.୯୦ ଲକ୍ଷ କମ୍ବଳ ଆବଶ୍ୟକ । ଫାଷ୍ଟ କ୍ଲାସ ଏସିରେ ଯାତ୍ରୀ ମାନେ ବ୍ୟବହାର କରୁଥିବା କମ୍ବଳ ଥରେ ବ୍ୟବହାର କରିବା ପରେ ଏହାର କଭର ବଦଳାଯାଇଥାଏ । କିନ୍ତୁ ଟାୟାର-୨ ଏସି ଓ ଟାୟାର-୩ ଏସି କ୍ଲାସ ପାଇଁ ଏଭଳି ସୁବିଧା ଉପଲବ୍ଧ ନଥାଏ । ତେଣୁ ଏହି ବଗିରେ ଅଧିକାଂଶ ସମୟ ମଇଳା କମଳ ଦେଖିବାକୁ ମିଳିଥାଏ । କମ୍ବଳର ଗୁଣବତ୍ତାରେ ସୁଧାର ଆଣିବା ପରେ ଏହି କମ୍ବଳକୁ ମାସକୁ ୨ ଥର ଲେଖାଏଁ ଧୁଆଯିବ । ଗୋଟିଏ ବର୍ଷ ପରେ ଏହି ପକ୍ରିୟାର ସମୀକ୍ଷା କରାଯିବ ବୋଲି ରେଳ ବିଭାଗ କହିଛି ।