ଖସିପଡିଲା ବଦ୍ରିନାଥରୁ ହରିଦ୍ୱାର ଆସୁଥିବା ହେଲିକପଟର ! ଚିଫ ଇଂଜିନିୟର ମୃତ, ୨ ପାଇଲଟ ଓ ୫ ଯାତ୍ରୀ ସୁରକ୍ଷିତ
କନକ ବ୍ୟୁରୋ : ଖସିପଡିଲା ହେଲିକପ୍ଟର । ତୀର୍ଥଯାତ୍ରୀଙ୍କୁ ନେଇ ବଦ୍ରିନାଥରୁ ହରିଦ୍ୱାର ଆସୁଥିବା ହେଲିକପ୍ଟର ଦୁର୍ଘଟଣାଗ୍ରସ୍ତ । ହେଲିକପ୍ଟର କ୍ରାସ ହେବା ଯୋଗୁଁ ଘଟଣାସ୍ଥଳରେ ଜଣେ ଚିଫ୍ ଇଞ୍ଜିନିୟରଙ୍କ ମୃତ୍ୟୁ ହୋଇଛି । ଯାତ୍ରୀକ ତ୍ରୁଟି ଯୋଗୁଁ ହେଲିକପ୍ଟରଟି ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି । ପୁଲିସ ଦୁର୍ଘଟଣାସ୍ଥଳରେ ପହଂଚି ଆହତଙ୍କୁ ଉଦ୍ଧାର କରି ଡାକ୍ତରଖାନାରେ ଭର୍ତ୍ତି କରିଛି । ଆଜି ସକାଳେ ତୀର୍ଥ ଯାତ୍ରୀଙ୍କୁ ନେଇ ବଦ୍ରିନାଥରୁ ଟେକ୍ ଅଫ କରିବା ମାତ୍ରେ ହେଲିକପ୍ଟରଟି ତଳକୁ ଖସି ପଡିଥିଲା ।
Kanak News is now on WhatsApp
Join and get latest news updates delivered to you via WhatsApp
ଦୁର୍ଘଟଣା ପରେ ହେଲିକପ୍ଟରରୁ ବାହାରିବା ସମୟରେ ବ୍ଲେଡରେ ଆଘାତ ଯୋଗୁ ଚିଫ୍ ଇଞ୍ଜିନିୟର ବିକ୍ରମ ଲାମ୍ବାଙ୍କ ମୃତ୍ୟୁ ହୋଇଥିବା ଏସ୍ପି ସୂଚନା ଦେଇଛନ୍ତି । ତେବେ ଦୁଇ ପାଇଲଟ ସାମାନ୍ୟ ଆହତ ହୋଇଥିବାବେଳେ ପାଂଚ ଜଣ ଯାତ୍ରୀ ସୁରକ୍ଷିତ ଅଛନ୍ତି । ଗଢୱାଲ କମିଶନର ବିନୋଦ ଶର୍ମାଙ୍କୁ ଘଟଣାର ତଦନ୍ତ କରିବା ପାଇଁ ନିର୍ଦ୍ଦେଶ ଦେଇଛନ୍ତି ଉତରାଖଣ୍ଡ ମୁଖ୍ୟ ସଚିବ ଏସ୍ ରାମସ୍ୱାମୀ । ଦୁର୍ଘଟଣାଗ୍ରସ୍ତ ହେଲିକପ୍ଟରଟି ମୁମ୍ବାଇର କ୍ରିଷ୍ଟାଲ ଏଭିଏସନ କମ୍ପାନୀର ବୋଲି ଜଣାପଡିଛି ।