ଅଗ୍ନିକାଣ୍ଡ ନେଇ ଆପୋଲୋ ସିଇଓଙ୍କ ସୂଚନା: କହିଲେ, ଦିନ ୧୦ଟାରେ ପ୍ରଥମେ ବ୍ୟାଟେରୀ ରୁମରୁ ବାହାରିଥିଲା ଧୂଆଁ
କର୍ମଚାରୀ, ରୋଗୀ ସଂପର୍କୀୟ ଓ ଅଗ୍ନିଶମ ବିଭାଗ ସହାୟତାରେ ସ୍ଥାନାନ୍ତର ହେଲେ ରୋଗୀ
କନକ ବ୍ୟୁରୋ : ଆପୋଲୋ ହସ୍ପିଟାଲରେ ଅଗ୍ନିକାଣ୍ଡ ନେଇ ସୂଚନା ଦେଲେ ସିଇଓ । କହିଲେ, ଦିନ ୧୦ଟାରେ ପ୍ରଥମେ ବ୍ୟାଟେରୀ ରୁମରୁ ସର୍ଟ ସର୍କିଟରୁ ବାହାରିଥିଲା ଧୂଆଁ । ଏହା ପରେ ବିଜୁଳି ସଂଯୋଗ କାଟି ଦମକଳ ବାହିନୀକୁ ଖବର ଦିଆଯାଇଥିଲା ।ପଂଚମ ମହଲାରେ ଆଇସିୟୁ ଥିବାରୁ ରୋଗୀଙ୍କୁ ତଳ ଫ୍ଲୋରକୁ ସ୍ଥାନାନ୍ତର କରାଯାଇଥିଲା । ଡାକ୍ତର, ହସ୍ପିଟାଲ କର୍ମଚାରୀ, ରୋଗୀଙ୍କ ସଂପର୍କୀୟ ଓ ଅଗ୍ନିଶମ ବାହିନୀ ସହାୟତାରେ ରୋଗୀ ମାନଙ୍କୁ ସୁରକ୍ଷିତ ସ୍ଥାନାନ୍ତର କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ଘଟଣାରେ କେହି ଗୁରୁତର ହୋଇନାହାନ୍ତି । ତଥାପି ୧୫ ଜଣ ରୋଗୀଙ୍କୁ ଭୁବନେଶ୍ୱରର ଆର୍ମି, କଳିଙ୍ଗ ହସ୍ପିଟାଲ,କେୟାର ହସ୍ପିଟାଲ ଓ ସ୍ପର୍ଶ ହସ୍ପିଟାଲକୁ ସ୍ଥାନାନ୍ତର କରାଯାଇଛି । ।ରୋଗୀଙ୍କୁ ସ୍ଥାନାନ୍ତର କରିବାରେ ସମସ୍ତ ସହଯୋଗ କରିଛନ୍ତି । ତେବେ କେଉଁ କାରଣରୁ ସଟସର୍କିଟ ହେଲ ତାହାର ଯାଂଚ କରାଯିବ । ଏପରିକି ଅଗ୍ନି ନିର୍ବାପକ ନିୟମକୁ ହସ୍ପିଟାଲ କଡାକଡି ପାଳନ କରୁଥିବା ସେ ଗଣମାଧ୍ୟମକୁ ସୂଚନା ଦେଇଛନ୍ତି ।
ଆଜି ଠିକ ଦିନ ୧୦ଟାରେ ଭୁବନେଶ୍ୱର ଆପୋଲୋ ହସ୍ପିଟାଲର ପଂଚମ ମହଲାରେ ଥିବା ବ୍ୟାଟେରୀ ରୁମରେ ନିଆଁ ଲାଗିବା ପରେ ପ୍ରବଳ ଧୂଆଁ ବାହାରିଥିଲା । ଏଥିରେ ରୋଗୀ ଓ ରୋଗୀଙ୍କ ସଂପର୍କ;ୀୟ ମାନେ ଭ୍ରୟଭୀତ ହୋଇପଡିଥିବା ବେଳେ ତୁରନ୍ତ ଅଗ୍ନିଶମ ବାହିନୀକୁ ଖବର ଦିଆଯାଇଥିଲା । ପ୍ରଥମେ ପଂଚମ ମହଲାରେ ଥିବା ଆଇସିୟୁରୁ ରୋଗୀ ମାନଙ୍କୁ ସ୍ଥାନାନ୍ତର ପ୍ରକିୟା ଆରମ୍ଭ ହୋଇଥିଲା । ହୁଇଲ ଚେୟାର ଓ ଷ୍ଟ୍ରେଚର ମାଧ୍ୟମରେ ଏମରଜେନ୍ସ ଏକଜିଟ ଦେଇ ରୋଗୀଙ୍କୁ ବାହାରକୁ ଅଣାଯାଇଥିଲା । ଏଥିସହ ଅନ୍ୟ ରୋଗୀଙ୍କୁ ଉପରକୁ ଛଡାଯାଇନଥିଲା । ଧୂଆଁ ବାହର କରିବାକୁ ପଂଚମ ମହଲାର କାଚ ଭାଙ୍ଗିବାକୁ ପଡିଥିଲା ।
ନିଆଁ ଲାଗିବା ଖବର ପାଇ ଘଟଣାସ୍ଥଳରେ ପହଁଚି ସ୍ଥିତି ଅନୁଧ୍ୟାନ କରିଛନ୍ତି ପୁଲିସ କମିଶନର ସତ୍ୟଜିତ ମହାନ୍ତି । ପଂଚମ ମହଲାରେ ବ୍ୟାଟେରୀ ରୁମରୁ ଧୂଆଁ ବାହାରିଥିଲା । ଧୂଆଁ ଯୋଗୁଁ କେହି ଗୁରୁତର ହୋଇନାହାଁନ୍ତି । ତେବେ ରୋଗୀଙ୍କ ସୁରକ୍ଷା ପ୍ରତି ଧ୍ୟାନ ଦିଆଯିବ । ଏବଂ ହସ୍ପିଟାଲରେ ନିୟମିତ ଫାୟାର ଅଡିଟ୍ ହେଉଛି କି ନାହଁ ଯାଂଚ ହେବ ବୋଲି ପୋଲିସ୍ କମିଶନର କହିଛନ୍ତିି ।