ମୁହଁ ଖୋଲିଲେ ରାହୁଲ ! ସଂସଦରେ ଅନାସ୍ଥା ଆଲୋଚନା ବେଳେ ବିଭିନ୍ନ ପ୍ରସଙ୍ଗରେ ମୋଦିଙ୍କୁ ଟାର୍ଗେଟ୍ କଲେ କଂଗ୍ରେସ ହାଇକମାଣ୍ଡ ।
ଲୋକସଭାରେ ଚାଲିଥିବା ଅନାସ୍ଥା ପ୍ରସ୍ତାବ ବୈଠକରେ କଂଗ୍ରେସ ଅଧ୍ୟକ୍ଷ ରାହୁଲ ଗାନ୍ଧୀ ମୋଦି ସରକାରଙ୍କ ଉପରେ ବାକ୍ୟବାଣର ବର୍ଷା କରିଥିଲେ । ରାହୁଲଙ୍କ କହିବାନୁସାରେ, ‘ମୋଦି ସରକାର ଭାରତରେ ଦୁଇ କୋଟି ବୋରୋଜଗାରଙ୍କୁ ଚାକିରୀ ଦେବାକୁ ପ୍ରତିଶୃତି ଦେଇ ମାତ୍ର ୪ ଲକ୍ଷ ଯୁବକଙ୍କୁ ଚାକିରୀ ଦେଇଛନ୍ତି ।’ ସେ କହିଥିଲେ, ‘ଏହି ସରକାର କେବଳ ଲୋକଙ୍କୁ ଭୁଆଁ ବୁଲାଉଛି । ମିଛ କଥା କହି ଜନତାଙ୍କ ମତି ଭ୍ରମ କରୁଛି ।’
Kanak News is now on WhatsApp
Join and get latest news updates delivered to you via WhatsApp
ରାଫେଲ ପ୍ରସଙ୍ଗକୁ ନେଇ ମୋଦିଙ୍କୁ ଟାର୍ଗେଟ୍ କଲେ ରାହୁଲ୍ ।
ରାଫେଲ ବିମାନ ପ୍ରସଙ୍ଗକୁ ନେଇ ରାହୁଲ ଅଙ୍ଗୁଳି ଉଠାଇ କହିଥିଲେ ଯେ,ଯେବେଠାରୁ ପ୍ରଧାନମନ୍ତ୍ରୀ ମୋଦି ଫ୍ରାନ୍ସ ଗଲେ ସେବେଠାରୁ ହଠାତ୍ ଉଡାଜାହାଜ ପ୍ରତି ୧୬୦୦ କୋଟି ଟଙ୍କା ହୋଇଗଲା । ପ୍ରଥମେ ରାଫେଲ ୫୪୦ କୋଟି ଟଙ୍କାର ଥିଲା । କେବଳ ଏତିକି ନୁହଁ, ପିଏମଙ୍କ ଚାପରେ ରକ୍ଷାମନ୍ତ୍ରୀ ନିର୍ମଳା ସୀତାରମଣ୍ ମଧ୍ୟ ଦେଶକୁ ମିଛ କହିଥିବାର କଥା ସେ କହିଥିଲେ । ରାହୁଲଙ୍କ ଏହି ବିଷୟ ଉପରେ ରକ୍ଷାମନ୍ତ୍ରୀ ରାଗିଯାଇ ଏହି ପ୍ରସଙ୍ଗ ଉପରେ ନିଜର ମତ ରଖିବା ପାଇଁ ସମୟ ମାଗିଥିଲେ । ଏଥିରେ ବାଚସ୍ପତି ରକ୍ଷାମନ୍ତ୍ରୀଙ୍କୁ ନିଜର କଥା ରଖିବା ପାଇଁ ଅନୁମତି ଦେଇଥିଲେ ।
ପୁଞ୍ଜୀପତିଙ୍କୁ ୪୫ ହଜାର କୋଟି ଟଙ୍କାର ଫାଇଦା ଯୋଗାଇଦେଲେ ।
ରାହୁଲ ପିଏମ୍ ମୋଦିଙ୍କ ଉପରେ ବାକ୍ୟବାଣ ମାରି କହିଥିଲେ ଯେ,ମୋଦି ୧୦ ରୁ ୨୦ ପୁଞ୍ଜୀପତିଙ୍କ ପାଇଁ ସବୁ କିଛି କରୁଛନ୍ତି । ବଡ ବଡ ପୁଞ୍ଜୀପତିଙ୍କ ସହ ମୋଦିଙ୍କର ଭଲ ସଂପର୍କ ରହିଅଛି । ମୋଦି ଜଣେ ପୁଞ୍ଜୀପତିଙ୍କୁ ୪୫ ହଜାର କୋଟି ଟଙ୍କାର ଫାଇଦା ଯୋଗାଇଥିଲେ । ଏହି ବିଷୟ ପରେ ରାହୁଲ କହିଥିଲେ, “ପିଏମ୍ ମୋଦି ନର୍ଭସ୍ ଦେଖାଯାଉଛନ୍ତି ତେଣୁ ମୋ ଆଖିରେ ଆଖି ମିଶାଇ ଦେଖି ପାରୁନାହାନ୍ତି ।” ମୋଦି କହିଥିଲେ ସେ ଦେଶର ଚୌକିଦାର,ସେ ଚୌକିଦାର ନୁହଁନ୍ତି ଦେଶର ଭାଗୀଦାର ।
ଭାରତରେ ଯେତେବେଳେ ଚୀନ୍ ଆକ୍ରମଣ କରିବା ପାଇଁ ପଶିଲା,ପିଏମ୍ ମୋଦି ସେତେବେଳେ ଦୋଳି ଖେଳୁଥିଲେ ।
ରାହୁଲ କହିଥିଲେ, “ପିଏମ୍ ମୋଦି ଯେତେବେଳେ ଚୀନ୍ ରାଷ୍ଟ୍ରପତୀଙ୍କ ସହ ଦୋଳି ଖେଳୁଥିଲେ ସେତେବେଳେ ଚୀନ୍ ସେନା ଭାରତରେ ପ୍ରବେଶ କରିଯାଇଥିଲେ । କିନ୍ତୁ ଭାରତୀୟ ସୈନ୍ୟଙ୍କ ଶକ୍ତି ଆଗରେ ଚୀନ୍ ସୈନ୍ୟ ହାରିଯାଇଥିଲେ । କିଛି ଦିନ ପୂର୍ବରୁ ପିଏମ୍ ଚୀନ୍ ଯାଇଥିଲେ ପୁଣି ବିନା ଏଜେଣ୍ଡାରେ । ସେଠାରେ ସେ ଘୁସଠ୍ରେ କଥା ଉଠାଇ ନଥିଲେ । ଏହାର ଅର୍ଥ ପିଏମ୍ ଦେଶର ସୈନ୍ୟମାନଙ୍କୁ ଧୋକା ଦେଇଛନ୍ତି ।”
ରାହୁଲଙ୍କ ଅଭିଭାଷଣରେ ଥିଲା ସମସ୍ତଙ୍କ ନଜର ।
ରାହୁଲ ଜୋର୍ କରି କହିଥିଲେ ଯେ,ତାଙ୍କୁ ଯଦି ସଂସଦରେ ୧୫ ମିନିଟ୍ ସମୟ ଦିଆଯାଏ ତେବେ ଭୁମିକମ୍ପ ଆସିଯିବ । ରାହୁଲ କହିଥିଲେ ଯଦି ସେ କହିବା ଆରମ୍ଭ କରିବେ ତେବେ ମୋଦି ସିଟରେ ଠିକରେ ବସି ପାରିବେ ନାହିଁ ।