ଅଗ୍ନିପଥ ଯୋଜନାକୁ ବିରୋଧ ଭିତରେ ମୁହଁ ଖୋଲିଲେ ପ୍ରଧାନମନ୍ତ୍ରୀ। ସ୍ଥଳସେନାରେ ଅଗ୍ନିବୀର ନିଯୁକ୍ତି ପାଇଁ ପ୍ରକାଶ ପାଇଲା ବିଜ୍ଞପ୍ତି।
କନକ ବ୍ୟୁରୋ : ସାରା ଦେଶରେ ଅଗ୍ନିପଥ ଯୋଜନାକୁ ନେଇ ବିରୋଧ ଜାରି ରହିଥିବା ବେଳେ ମୁହଁ ଖୋଲିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଅଗ୍ନିପଥ ଯୋଜନାର ନାଁ ନନେଇ ମୋଦୀ କହିଛନ୍ତି ଅନେକ ଯୋଜନା ପ୍ରଥମରୁ ଠିକ୍ ଲାଗିନପାରେ କିନ୍ତୁ ଭବିଷ୍ୟତରେ ଏହା ଦେଶ ନିର୍ମାଣରେ ସାହାଯ୍ୟ କରେ ।
Kanak News is now on WhatsApp
Join and get latest news updates delivered to you via WhatsApp
ସୋମବାର ମହିନ୍ଦ୍ରା କମ୍ପାନୀର ପ୍ରତିଷ୍ଠାତା ତଥା ଶିଳ୍ପପତି ଆନନ୍ଦ ମହିନ୍ଦ୍ରା, ଆରପିଜିି ଏଣ୍ଟରପ୍ରାଇଜେସର ସିଇଓ ହର୍ଷ ଗୋୟେଙ୍କା ଏବଂ ଶ୍ରୀଶ୍ରୀ ରବିଶଙ୍କରଙ୍କ ଟୁଇଟ କରିଛନ୍ତି । ଏ ସମସ୍ତ ବ୍ୟକ୍ତି କେନ୍ଦ୍ରର ଅଗ୍ନିପଥ ଯୋଜନାକୁ ସମର୍ଥନ କରିଛନ୍ତି । ଆଉ ୪ ବର୍ଷ ଚାକିରି ଶେଷ ପରେ ନିଜ ନିଜ କମ୍ପାନୀରେ ଚାକିରି ପାଇଁ ସୁଯୋଗ ଦେବେ ବୋଲି କହିଛନ୍ତି । ଅନ୍ୟପଟେ ରବିଶଙ୍କର କହିଛନ୍ତି, ସିଙ୍ଗାପୁରର ଏବଂ ସୁଇଜରଲ୍ୟାଣ୍ଡରେ ଏପରି ବ୍ୟବସ୍ଥା ରହିଛି । ସେଠାରେ ଦେଶ ପାଇଁ ବର୍ଷେ କି ଦୁଇ ବର୍ଷ ସେନାରେ କାମ କରିବା ଅନିର୍ବାଯ୍ୟ ରହିଥିବା ବେଳେ ଭାରତର ଏହି ବ୍ୟବସ୍ଥା ତାଠୁ ଭଲ ବୋଲି କହି ଅଗ୍ନିପଥ ଯୋଜନାକୁ ସମର୍ଥନ କରିଛନ୍ତି ।
ଅଗ୍ନିପଥ ଯୋଜନାକୁ ବିରୋଧ କରି ସୋମବାର ଭାରତ ବନ୍ଦ ଡାକରା ଦେଇଥିଲେ ବିଭିନ୍ନ ସଂଗଠନ । ଓଡିଶାରେ ଏହାର ବିଶେଷ ପ୍ରଭାବ ପଡିନଥିବା ବେଳେ ଦେଶରେ ପାଖାପାଖି ୫ ଶହ ଟ୍ରେନ ବାତିଲ ହୋଇଛି । ଅନ୍ୟପଟେ ଇଏ ହେଉଛି ଦିଲ୍ଲୀରେ ଟ୍ରାଫିକ ଜାମର ଚିତ୍ର ମଧ୍ୟ ସାମ୍ନାକୁ ଆସିଛି । ଯେଉଁଠି ଅଗ୍ନିପଥ ପାଇଁ ରାସ୍ତାଜାମ ସହିତ ଟ୍ରାଫିକରେ ଭିଡ ଦେଖିବାକୁ ମିଳିଛି ।
ଏହାରି ଭିତରେ ସୋମବାର ଇଣ୍ଡିଆନ୍ ଆର୍ମି ନିଯୁକ୍ତି ପାଇଁ ବିଜ୍ଞପ୍ତି ପ୍ରକାଶ କରିଛନ୍ତି । ବିଜ୍ଞପ୍ତି ଅନୁଯାୟୀ ଜୁଲାଇରୁ ଅନଲାଇନ ପଞ୍ଜିକରଣ ଆରମ୍ଭ ହେବ । ଯେଉଁଥିରେ ଅଷ୍ଟମ, ଦଶମ ଏବଂ ଦ୍ୱାଦଶ ଶ୍ରେଣୀ ପାସ କରିଥିବା ପିଲା ବିଭିନ୍ନ ପଦ ପାଇଁ ଆବେଦନ କରିପାରିବେ ।