ବିରୋଧୀଙ୍କ ଉପରେ ବର୍ଷିଲେ ଶାହା । କହିଲେ କଂଗ୍ରେସ ଜିତିପାରିବନି ୪୦ ବି ସିଟ୍ । ମୋଦୀ ୩ୟ ଥର ପାଇଁ ହେବେ ପ୍ରଧାନମନ୍ତ୍ରୀ ।
କନକ ବ୍ୟୁରୋ: ଦେଶରେ ୫ମ ଚରଣ ନିର୍ବାଚନ ସୁଦ୍ଧା ମୋଦୀ ୩୧୦ ସିଟ୍ ଜିତିସାରିଥିଲେ,୬ଷ୍ଠ ଚରଣ ବେଳକୁ ଏହି ସଂଖ୍ୟା ୪ ଶହ ପାର୍ କରିସାରିଛି । ଏଥର ଇଣ୍ଡିଆ ମେଣ୍ଟ ସଫା ହେବାକୁ ଯାଉଛି । କଂଗ୍ରେସ ପାର୍ଟି ଏଥର ୪୦ ସିଟ୍ ବି ଜିତିପାରିବନି । ଏପଟେ ଅଖିଳେଖ ଯାଦବ ମଧ୍ୟ ୪ ସିଟ୍ ଜିତିପାରିବେନି । ସୋମବାର ଉତ୍ତରପ୍ରଦେଶ ବଲିୟାରେ ନିର୍ବାଚନୀ ସଭା କରି ଏଭଳି କିଛି କଥା କହିଛନ୍ତି କେନ୍ଦ୍ର ଗୃହମନ୍ତ୍ରୀ ତଥା ବିଜେପି ଚାଣକ୍ୟ ଅମିତ ଶାହା ।
Kanak News is now on WhatsApp
Join and get latest news updates delivered to you via WhatsApp
ଶାହା କହିଛନ୍ତି ଯେ, ଏଥର ଇଣ୍ଡିଆନ୍ ମେଣ୍ଟ ସଫା ହେବାକୁ ଯାଉଛି । ତେବେ ଭ୍ରଷ୍ଟାଚାର କରୁଥିବା ସମାଜବାଦୀ ପାର୍ଟି ଏବଂ ୟୁପିଏ ସରକାର ୧୨ ଲକ୍ଷ କୋଟି ଟଙ୍କାର ଘୋଟାଲା କରିଥିଲେ । ହେଲେ ୨୫ ବର୍ଷ ଧରି ସାମ୍ବିଧାନିକ ପଦ ପଦବୀରେ ଥିଲେ ମଧ୍ୟ ମୋଦୀଙଅକ ନାଁରେ ୨୫ ପଇସାର ମଧ୍ୟ ଭ୍ରଷ୍ଟାଚାର ଅଭିଯୋଗ ନାହିଁ । ଖାଲି ସେତିକି ନୁହେଁ, ଅଖିଳେଶଙ୍କ ଉପରେ ବର୍ଷିବା ସହ ସମାଜବାଦୀ ପାର୍ଟି ଶାସନରେ ୬ ହଜାର କୋଟିର ପିଏଫ୍ ଘୋଟାଲା, ୧୫ ଶହ କୋଟିର ଗୋମତୀ ରିଭର ଫ୍ରଣ୍ଟ ଘୋଟାଲା, ଲ୍ୟାପଟପ୍ ଘୋଟାଲା, ନୋଏଡା ଭୂମି ଆବଣ୍ଟନ ଘୋଟାଲା ହେଇଥିବା କହିଛନ୍ତି ଗୃହମନ୍ତ୍ରୀ ଅମିତ ଶାହା ।
ଅନ୍ୟପଟେ ବିରୋଧୀଙ୍କ ଉପରେ ବର୍ଷି ଶାହା କହିଛନ୍ତି, ତାଙ୍କର ଜିତିବା ନେଇ ଦୂର ଦୂର ପର୍ଯ୍ୟନ୍ତ କୌଣସି ସମ୍ଭାବନା ନାହିଁ । କାହିଁକି ନା, ମୋଦୀ ଜୀ ୩ୟ ଥର ପାଇଁ ପ୍ରଧାନମନ୍ତ୍ରୀ ହେବାକୁ ଯାଉଛନ୍ତି । ତେବେ ବିରୋଧୀଙ୍କୁ ପ୍ରଶ୍ନ କରି ଶାହା କହିଛନ୍ତି, ଦେଶବାସୀ ଜାଣିବାକୁ ଚାହୁଁଛନ୍ତି ଯେ, ଯଦି ବିରୋଧୀ ମେଣ୍ଟ ବିଜୟ ଲାଭ କରେ, ତେବେ ତାଙ୍କ ପ୍ରଧାନମନ୍ତ୍ରୀ କିଏ ହେବ?