କନକ ବ୍ୟୁରୋ : ଗୁଜୁରାଟ ମୌରବୀ ଠାରେ ଏକ ମର୍ମନ୍ତୁଦ ଦୁର୍ଘଟଣା ଘଟିଛି । ଏଠାରେ ଥିବା ଏକ ଲୁଣ ଫ୍ୟାକ୍ଟ୍ରିର କାନ୍ଥ ଭାଙ୍ଗିଯିବାରୁ କାନ୍ଥତଳେ ଚାପି ହୋଇ ୧୨ ଜଣ ଶ୍ରମିକ ମୃତ୍ୟୁବରଣ କରିଛନ୍ତି । ଏହାସହ ୨୦ ଜଣରୁ ଅଧିକ ଶ୍ରମିକଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ଅନୁମାନ କରାଯାଉଛି କି କାନ୍ଥତଳେ ଆହୁରି କିଛି ଶ୍ରମିକଙ୍କ ମୃତଦେହ ରହିଛି ।
Kanak News is now on WhatsApp
Join and get latest news updates delivered to you via WhatsApp
Gujarat | At least 12 people died after a wall of a salt factory in Morbi’s Halvad GIDC collapsed
12 people have died after an incident happened at Sagar Salt Factory in Halvad GIDC. Government stands with the families of the deceased: State Minister Brijesh Merja pic.twitter.com/lSBAaw2jJB
— ANI (@ANI) May 18, 2022
ଆହୁରି କିଛି ଶ୍ରମିକ କାନ୍ଥତଳେ ରହିଥିବା ଅନୁମାନ କରି ଜେସିବି ସହାୟତାରେ କାନ୍ଥକୁ ଖଣ୍ଡ ଖଣ୍ଡ କରି ବାହାର କରାଯାଉଛି । ଏହି ଦୁର୍ଘଟଣା ପରେ ମୌରବୀ ଜିଲ୍ଲାପାଳ ଘଟଣା ସ୍ଥଳରେ ପହଂଚିଛନ୍ତି । ତାଙ୍କ ସୂଚନା ମୁତାବକ ମୌରବୀ ଜିଲ୍ଲା ହଲବଦ ଠାରେ ସାଗର ସଲ୍ଟ କମ୍ପାନୀରେ ଲୁଣ ପ୍ୟାକିଂ କାମ ଚାଲୁଥିଲା । ଏହି ସମୟରେ ହଠାତ ଫ୍ୟାକ୍ଟ୍ରିର କାନ୍ଥ ଭାଙ୍ଗିଯାଇଥିଲା । କାନ୍ଥ ତଳେ ଅନେକ ଶ୍ରମିକ ଚାପି ହୋଇଯାଇଥିଲେ । ସେମାନଙ୍କ ମଧ୍ୟରୁ ୧୨ ଜଣଙ୍କର ମୃତଦେହ ଉଦ୍ଧାର କରାଯାଇଛି ଓ ୨୦ ଜଣ ଶ୍ରମିକଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ମେଡିକାଲକୁ ପଠାଯାଇଛି ।