ଚିକିତ୍ସା ବିଜ୍ଞାନରେ ବିରଳ ଉପଲବ୍ଧି । ମଧୁମେହ ରୋଗୀଙ୍କୁ ସମ୍ପୂର୍ଣ୍ଣ ସୁସ୍ଥ କରିଥିବା ଚାଇନିଜ୍ ବୈଜ୍ଞାନିକଙ୍କ ଦାବି । ସେଲ ଟ୍ରାନ୍ସପ୍ଲାଣ୍ଟ ପଦ୍ଧତିରେ ଚିକିତ୍ସା ।
କନକ ବ୍ୟୁରୋ: ଚିକିତ୍ସା ବିଜ୍ଞାନରେ ଅଭୂତପୂର୍ବ ସଫଳତା । ମଧୁମେହ ରୋଗକୁ ସମ୍ପୂର୍ଣ୍ଣ ଠିକ୍ କରିପାରୁ ଥିବା ଦାବି କଲେ ଚାଇନିଜ୍ ବୈଜ୍ଞାନିକ । ଏହାକୁ ନେଇ ଜାତୀୟ ଗଣମାଧ୍ୟମରେ ଏକ ରିପୋର୍ଟ ପ୍ରକାଶ ପାଇଛି । ସୂଚନା ଅନୁସାରେ, ସାଂଘାଇ ହସ୍ପିଟାଲ, ଚାଇନିଜ୍ ଏକାଡେମିକ୍ ଅଫ୍ ସାଇନ୍ସେସ୍ ଏବଂ ରେଞ୍ଜିି ହସ୍ପିଟାଲର ମିଳିତ ଅନୁଧ୍ୟାନରେ କରାଯାଇଥିବା ଏକ ପରୀକ୍ଷଣରେ ମଧୁମେହ ରୋଗର ଚିକିତ୍ସା ପଦ୍ଧତି ବିକଶିତ କରାଯାଇଛି । ଯେଉଁଥିରେ ଜଣେ ରୋଗୀ ମଧୁମେହ ରୋଗରୁ ସମ୍ପୂର୍ଣ୍ଣ ସୁସ୍ଥ ହୋଇଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ସାଉଥ ଚାଇନା ମର୍ଣ୍ଣିଂର ରିପୋର୍ଟ ଅନୁସାରେ ସେଲ ଟ୍ରାନ୍ସପ୍ଲାଣ୍ଟ ବା କୋଷ ପ୍ରତିରୋପଣ ଜରିଆରେ ମଧୁମେହ ରୋଗୀଙ୍କୁ ଚିକିତ୍ସା ଦିଆଯାଇଥିଲା । ଯେଉଁଥିରୁ ତାଙ୍କୁ ଉପଚାର ମିଳିଛି । ମଧୁମେହ ଏକ ପୁରୁଣା ରୋଗ । ଦୀର୍ଘଦିନ ଧରି ଏହା ରୋଗୀ ଶରୀରେ ବିଭିନ୍ନ ଅଙ୍ଗକୁ ପ୍ରଭାବିତ କରିଥାଏ । ଇନ୍ସୁଲିନ୍ ଚିକିତ୍ସା ଦ୍ୱାରା ମଧୁମେହକୁ କେବଳ ନିୟନ୍ତ୍ରଣ କରାଯାଏ । ଏହାର ପୂର୍ଣ୍ଣ ଚିକିତ୍ସା ଏପର୍ଯ୍ୟନ୍ତ ବିକଶିତ କରାଯାଇ ପାରି ନାହିଁ । ମାତ୍ର ଚାଇନାର ବୈଜ୍ଞାନିକ ଏବେ ଦାବି କରୁଛନ୍ତି ଯେ, ସେ ମଧୁମେହ ରୋଗର ଚିକିତ୍ସା ବାହାର କରିଦେଇଛନ୍ତି ।
ମଧୁମେହ ରୋଗର ଚିକିତ୍ସା ସମ୍ଭବ!
– ଚିକିତ୍ସା ବିଜ୍ଞାନରେ ବିରଳ ଉପଲବ୍ଧି
– ଚାଇନାରେ ସୁସ୍ଥ ହେଲେ ମଧୁମେହ ରୋଗୀ
– ସେଲ ଟ୍ରାନ୍ସପ୍ଲାଣ୍ଟଜରିଆରେ କରାଯାଇଛି ଚିକିତ୍ସା
– ଜୁଲାଇ, ୨୦୨୧ରେ ମଧୁମେହ ରୋଗୀଙ୍କ ହୋଇଥିଲା ସେଲ ଟ୍ରାନ୍ସପ୍ଲାଂଟ୍
– ବର୍ଷକ ପରେ ୨୦୨୨ ତାଙ୍କ ଶରୀରେ ଅନେକ ପରିବର୍ତନ ପରୀଲକ୍ଷିତ
– ରୋଗୀଙ୍କୁ ବାହ୍ୟ ଇନ୍ସୁଲିନ୍ର ଆବଶ୍ୟକ ପଡିନଥିଲା
– ୨୦୨୩ରେ ତାଙ୍କ ଶରୀରରେ ମଧୁମେହ ମାତ୍ରା ଉପରେ ନଜର ରଖିଥିଲେ ଡାକ୍ତର
– ଚଳିତ ଏପ୍ରିଲ ମାସରେ ତାଙ୍କୁ ସମ୍ପୂର୍ଣ୍ଣ ମଧୁମେହ ମୁକ୍ତ ଘୋଷଣା କଲେ ଡାକ୍ତର