ପୁଣି ସାମ୍ନାକୁ ଆସିଲା ଚୀନର ଦୋମୁହାଁ ନୀତି: ଗନ୍ ପଏଣ୍ଟରେ ଟାରୋନକୁ ଅପହରଣ କରିଥିଲା ପିଏଲଏ
କନକ ବ୍ୟୁରୋ: ପୁଣି ସାମ୍ନାକୁ ଆସିଲା ଚୀନର ଦୋମୁହାଁ ନୀତି । ପ୍ରଥମେ ବନ୍ଧୁତା ଦେଖାଇବା ଆଚରଣ କରିବା ପରେ ଏବେ ସାମ୍ନାକୁ ଆସିଛି ଚୀନର ଅସଲ ଚେହେରା । ଅରୁଣାଚଲ ପ୍ରଦେଶ ସୀମାରୁ ନିଖୋଜ ହୋଇଥିବା ମିରାମ ଟାରୋନଙ୍କୁ ସରକାତ୍ମକ ଭାବେ ଫେରାଇବା ପରେ ଚୀନର ପିପୁଲ ଲିବରେସନ୍ ଆର୍ମିର କରାଯାଉଥିଲା ପ୍ରଶଂସା । ହେଲେ ମିରାମ୍ ଭାରତ ଫେରିବା ପରେ ସତ କଥା ସାମ୍ନାକୁ ଆସିଛି । ଚୀନ୍ ଆର୍ମି ମିରାମ୍ଙ୍କ ଉପରେ ଅକଥନୀୟ ଅତ୍ୟାଚାର କରିଥିବା ତାଙ୍କ ବାପା ଓପାଙ୍ଗ ଟାରୋନ କହିଛନ୍ତି । ଯାହାକୁ ନେଇ ମିରାମଙ୍କୁ ଲାଗିଛି ମାନସିକ ଆଘାତ । ଚୀନ ସୀମାରେ ବିତାଇଥିବା ଦିନ ଗୁଡିକ ଆଜିବି ତାଙ୍କ ସ୍ୱପ୍ନରେ ଆସି ତାଙ୍କୁ ଭବବୀତ କରୁଛି ।
Kanak News is now on WhatsApp
Join and get latest news updates delivered to you via WhatsApp
ମିରାମଙ୍କ ବାପା କହିଛନ୍ତି, ତାଙ୍କ ପୁଅ ନିଖୋଜ ନୁହେଁ, ବରଂ ଚୀନର ପିଏଲଏ ଆର୍ମି ଭାରତୀୟ ସୀମା ଭିତରକୁ ପ୍ରବେଶ କରି ଉଠେଇ ନେଇଥିଲେ । କେବଳ ସେତିକି ନୁହେଁ ଚୀନ ସୀମାରେ କାଟିଥିବା ଦିନ ଗୁଡିକରେ ମିରାମଙ୍କ ହାତ ଗୋଡ ବାନ୍ଧି ତାଙ୍କୁ ଇଲେକ୍ଟ୍ରିକ୍ ସକ୍ ଦିଆଯାଉଥିବା କହିଛନ୍ତି ମିରାମଙ୍କ ବାପା । ଜାନୁଆରୀ ୧୮ ତାରିଖ ସଂନ୍ଧ୍ୟା ୬ ବେଳେ ଗନ ପଏଂଟ ରଖି ଆଖିରେ କଳା ପଟି ଘୋଡାଇ ତାଙ୍କୁ ଚୀନର ପିଏଲଏ ଆର୍ମି ମିରିଆମକୁ ଚୀନ ନେଇ ଯାଇଥିଲେ । ଆଉ ସେତେବେଳେ ଛାଡି ଦେବା ପାଇଁ ସେ ବହୁତ କାକୁତି ମିନତି ମଧ୍ୟ କରିଥିଲେ । ୧୨ରୁ ଅଧିକ ପିଏଲଏ ସୋଲଜର ମିରାମାଙ୍କୁ ଉଠାଇ ନେଇଯାଇଥିବା କହିଛନ୍ତି ତାଙ୍କ ବାପା ।