ମ୍ୟାଚରେ କମେଣ୍ଟ୍ରି କରୁଥିବା ବେଳେ ଅସୁସ୍ଥ ହୋଇପଡିଲେ ରିକି ପଣ୍ଟିଂ, ମେଡିକାଲରେ ଭର୍ତ୍ତି
କନକ ବ୍ୟୁରୋ : ଅଷ୍ଟ୍ରେଲିଆ କ୍ରିକେଟ ଟିମର ପୂର୍ବତନ କ୍ୟାପଟେନ ତଥା ବ୍ୟାଟ୍ସମ୍ୟାନ ରିକି ପଣ୍ଟିଂ ହଠାତ ଅସୁସ୍ଥ ହୋଇପଡିଛନ୍ତି । ଶୁକ୍ରବାର ଦିନ ସେ ଅଷ୍ଟ୍ରେଲିଆ ଓ ୱେଷ୍ଟଇଣ୍ଡିଜ ମ୍ୟାଚର ତୃତୀୟ ଦିନରେ କମେଣ୍ଟ୍ରି କରୁଥିବା ବେଳେ ହଠାତ୍ ଅସୁସ୍ଥ ହୋଇପଡିଥିଲେ । ଏହାପରେ ତାଙ୍କୁ ତୁରନ୍ତ ମେଡିକାଲ ନିଆଯାଇଛି । ଏନେଇ କମେଣ୍ଟ୍ରି କରୁଥିବା ଅନ୍ୟ ସଦସ୍ୟମାନେ ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟିମ୍ ତରଫରୁ ସୂଚନା ଦିଆଯାଇଛି କି ରିକି ପଣ୍ଟିଂଙ୍କ ଦେହ ହଠାତ ଅସୁସ୍ଥ ହୋଇପଡିବାରୁ ତାଙ୍କୁ ମେଡିକାଲରେ ଭର୍ତ୍ତି କରାଯାଇଛି । ଏହି କାରଣରୁ ସେ ଆଗାମୀ ମ୍ୟାଚରେ କମେଣ୍ଟ୍ରି କରିପାରିବେ ନାହିଁ । ଏବେ ତାଙ୍କର ସ୍ୱାସ୍ଥ୍ୟାବସ୍ଥା ସ୍ଥିର ରହିଛି, ତେଣୁ ତାଙ୍କ ସ୍ୱାସ୍ଥ୍ୟକୁ ନେଇ ଚିନ୍ତା କରିବାର କୌଣସି କାରଣ ନଥିବା କଥା ଟିମ୍ କହିଛି ।
ପଣ୍ଟିଂ ଅଷ୍ଟ୍ରେଲିଆ ଓ ୱେଷ୍ଟଇଣ୍ଡଇଜ ମଧ୍ୟରେ ପର୍ଥରେ ଖେଳାଯାଉଥିବା ଟେଷ୍ଟ ମ୍ୟାଚର ତୃତୀୟ ଦିନରେ ଅସୁସ୍ଥ ହୋଇପଡିଛନ୍ତି । ତାଙ୍କୁ ହୃଦଘାତ ହୋଇଥିବା କଥା ସୂଚନା ରହିଛି । ପଣ୍ଟିଂ କମେଣ୍ଟ୍ରି କରୁଥିବା ବେଳେ ହଠାତ ଅସୁସ୍ଥ ହୋଇପଡିଥିଲେ । ଏହାପରେ କମେଣ୍ଟେଟର ଟିମ୍ ସହାୟତା ମାଗିଥିଲା । ଏହାପରେ ପର୍ଥର ଏକ ହସ୍ପିଟାଲରେ ତାଙ୍କୁ ଆଡମିଶନ କରାଯାଇଛି ।
ଅଷ୍ଟ୍ରେଲିଆ ଓ ୱେଷ୍ଟଇଣ୍ଡିଜ ମଧ୍ୟରେ ଦୁଇଟି ଟେଷ୍ଟ ମ୍ୟାଚ ଖେଳାଯିବ । ଏହା ମଧ୍ୟରେ ପ୍ରଥମ ଟେଷ୍ଟ ମ୍ୟାଚ ନଭେମ୍ବର ୩୦ ତାରିଖରୁ ଆରମ୍ଭ ହୋଇଛି ।