ତାମିଲନାଡୁରେ ତେଜିଲା ଓଡିଶା ରାଜନୀତି । ପ୍ରଧାନମନ୍ତ୍ରୀଙ୍କୁ ମୁଖ୍ୟମନ୍ତ୍ରୀ ଷ୍ଟାଲିନଙ୍କ ଟାର୍ଗେଟ ,ଟୁଇଟ୍ କରି କହିଲେ, ଓଡିଶାରେ ଭୋଟ୍ ପାଇଁ ତାମିଲ ଲୋକଙ୍କୁ ବଦନାମ କରୁଛନ୍ତି ମୋଦୀ ।
କନକବ୍ୟୁରୋ:ତାମିଲନାଡୁରେ ଓଡିଶା ରାଜନୀତି । ଓଡିଶାରେ ନିର୍ବାଚନ ପ୍ରଚାରବେଳେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ତାମିଲ ଲୋକଙ୍କୁ ବଦ୍ନାମ କରୁଥିବା ନେଇ ଆକ୍ଷେପ କରିଛନ୍ତି ତାମିଲନାଡୁ ମୁଖ୍ୟମନ୍ତ୍ରୀ ଏମ୍.କେ ଷ୍ଟାଲିନ୍ । ସୋସିଆଲ ମିଡିଆରେ ପୋଷ୍ଟ କରି ଷ୍ଟାଲିନ୍ କହିଛନ୍ତି, ଅନ୍ୟ ରାଜ୍ୟରେ ଭୋଟ୍ ହାତେଇବା ପାଇଁ ପ୍ରଧାନମନ୍ତ୍ରୀ ମୋଦୀ ତାମିଲ ଲୋକଙ୍କୁ ବଦ୍ନାମ କରୁଛନ୍ତି । ଶ୍ରୀମନ୍ଦିର ରତ୍ନଭଣ୍ଡାର ଚାବି ହଜିବା ନେଇ ତାମିଲ ଲୋକଙ୍କୁ ମିଛରେ ଦୋଷାରୋପ କରୁଛନ୍ତି ପ୍ରଧାନମନ୍ତ୍ରୀ ।
Kanak News is now on WhatsApp
Join and get latest news updates delivered to you via WhatsApp
ପୂର୍ବ ରାଜ୍ୟରେ ତାମିଲ ଲୋକଙ୍କ ବିରୋଧରେ ମନ୍ତବ୍ୟ ଦେଇ ରାଜ୍ୟ ରାଜ୍ୟ ମଧ୍ୟରେ ମୋଦୀ, ବିଭେଦ ସୃଷ୍ଟି କରୁଥିବା ଅଭିଯୋଗ କରିଛନ୍ତି ଷ୍ଟାଲିନ୍ । ଭୋଟ୍ ପାଇଁ ପ୍ରଧାନମନ୍ତ୍ରୀ ଦିନକୁ ଦିନ ଏଭଳି ଦରିଦ୍ର ଭଳି ବ୍ୟବହାର ଦେଖାଇବା ବନ୍ଦ କରିବା ଉଚିତ୍ ବୋଲି ନିଜ ପୋଷ୍ଟରେ ଉଲ୍ଲେଖ କରିଛନ୍ତି ଷ୍ଟାଲିନ୍ ।
ତାଙ୍କର ଏଭଳି ଟୁଇଟ୍ର ଉତର ରଖିଛନ୍ତି, ତାମିଲନାଡୁ ବିଜେପି ସଭାପତି ଅନ୍ନାମଲାଇ । ନିଜ ରାଜ୍ୟରେ ପ୍ରତ୍ୟେକ ଦିନ ଅନେକ ଘଟଣା ଘଟୁଥିବାବେଳେ ଏହାକୁ ଅଣଦେଖା କରି ମୁଖ୍ୟମନ୍ତ୍ରୀ ଷ୍ଟାଲିନ୍ ଅନ୍ୟ ରାଜ୍ୟ ପ୍ରସଙ୍ଗରେ ମନ୍ତବ୍ୟ ରଖୁଛନ୍ତି । ଆଉ ଏହାକୁ ନେଇ ପ୍ରଧାନମନ୍ତ୍ରୀ ମୋଦୀଙ୍କୁ ଆକ୍ଷେପ କରିବା ହାସ୍ୟାସ୍ପଦ ବୋଲି ଆନ୍ନାମଲାଇ ଏକ ଭିଡିଓ ବାର୍ତା ଜାରି କରି କହିଛନ୍ତି ।