ଧୋଇଗଲା ସରକାରଙ୍କ ‘ସ୍ୱଚ୍ଛ ଭାରତ ଅଭିଯାନ’ ! ସର୍ବସାଧାରଣ ସ୍ଥାନରେ ପରିସ୍ରା କରି ବିବାଦରେ ବିଜେପି ମନ୍ତ୍ରୀ ରାଧାମୋହନ
ପରିବେଶକୁ ସ୍ୱଚ୍ଛ ରଖିବା ପାଇଁ ସାରା ଦେଶରେ ମୋଦି ସରକାର ସଚେତନତା ସୃଷ୍ଟି କରୁଛନ୍ତି । ଯାହାର ଏକ ଅଂଶ ହେଉଛି ସ୍ୱଚ୍ଛ ଭାରତ ଅଭିଯାନ । ତେବେ ଏଭଳି ସମୟରେ ବିଜେପିର ଏକ ଅସ୍ୱଚ୍ଛ ରୂପ ସାମ୍ନାକୁ ଆସିଛି । କେନ୍ଦ୍ରୀୟ କୃଷି ମନ୍ତ୍ରୀ ରାଧାମୋହନ ସିଂ ସର୍ବସାଧାରଣ ସ୍ଥାନରେ ପରିସ୍ରା କରି ସରକାରଙ୍କ ଏହି ‘ସ୍ୱଚ୍ଛ ଭାରତ ଅଭିଯାନ’କୁ ସଂପୂର୍ଣ୍ଣ ରୂପେ ଧୋଇଦେଇଉନ୍ତି । ରାଧାମୋହନଙ୍କ ବାହାରେ ପରିସ୍ରା କରିବା ସମୟରେ କ୍ୟାମେରାରେ ଧରା ପଡିଯାଇଛି । ଯାହାକୁ ନେଇ ଏବେ ଅନେକ ପ୍ରଶ୍ନ ସୃଷ୍ଟି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ଫଟୋରେ ଦେଖିବାକୁ ମିଳିଛି ରାଧାମୋହନ ଏକ କାନ୍ଥ ପାଖରେ ଛିଡା ପରିସ୍ରା କରିବା ବେଳେ ତାଙ୍କ ସୁରକ୍ଷାକର୍ମୀ ଅନ୍ୟଆଡକୁ ଚାହିଁ ଛିଡାହୋଇଛନ୍ତି । ସୂଚନା ଅନୁସାରେ, ଫଟୋଟି ହେଉଛି ରାଧାମୋହନ ମୋତିହାରୀ ଯିବା ସମୟର । ତେବେ ଏହା ପ୍ରଥମ ଥର ନୁହେଁ ଯେତେବେଳେ ରାଧାମୋହନ କୌଣସି ବିବାଦୀୟ କାମ କରି ଚର୍ଚ୍ଚାକୁ ଆସିଛନ୍ତି । ଏହା ପୂର୍ବରୁ ଯେତେବେଳେ ମଧ୍ୟପ୍ରଦେଶରେ ପୁଲିସ୍ ଫାୟାରିଂରେ ୫ଜଣ ଚାଷୀଙ୍କ ମୃତ୍ୟୁରେ ସମଗ୍ର ରାଜ୍ୟରେ ବିକ୍ଷୋଭ ଚାଲିଥିଲା ସେତେବେଳେ ରାଧାମୋହନ ,ରାମଦେବଙ୍କ ଏକ ଯୋଗ ଇଭେଂଟରେ ଯୋଗ ଦେଇ ବିବାଦୀୟ ହୋଇପଡିଥିଲେ ।