କନକ ବ୍ୟୁରୋ: ବିହାରର ବୈଶାଳୀ ଜିଲ୍ଲାରେ ଦିଲ୍ଲୀଗାମୀ ସୀମାଞ୍ଚଳ ଏକ୍ସପ୍ରେସର ୯ଟି ଡବା ଧାରଣାରୁ ବାହାରି ଯିବାରୁ ୬ ଜଣ ଲୋକଙ୍କର ମୃତ୍ୟୁ ଘଟିଛି। ଏଥିଯୋଗୁଁ ଅନେକ ଲୋକ ଆହତ ହୋଇଥିବା କୁହାଯାଉଛି।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ମେହନାର ରୋଡ୍ ଅତିକ୍ରମ କରିବା ପରେ ପାହାନ୍ତା ପ୍ରାୟ ୩:୫୮ ମିନିଟରେ ସହଦାଇ ବୁଜୁର୍ଗ ଠାରେ ରେଳଗାଡ଼ିଟି ଦୁର୍ଘଟଣାଗ୍ରସ୍ତ ହୋଇଛି।ଗୋଟିଏ ଜେନେରାଲ୍ କୋଚ୍, ଗୋଟିଏ ଏସି କୋଚ୍ (୩ବି), ତିନୋଟି ସ୍ଲିପର୍ କୋଚ୍ (ଏସ୮, ଏସ୯, ଏସ୧୦) ଏବଂ ଆଉ ଚାରିଟି କୋଚ୍ ଧାରଣାଚ୍ୟୁତ ହୋଇଥିବା କଥା ପୂର୍ବ କେନ୍ଦ୍ରୀୟ ରେଳବାଇର ମୁଖପାତ୍ର ରାଜେଶ କୁମାର କହିଛନ୍ତି।
#SpotVisuals: 9 coaches of #SeemanchalExpress derailed in Bihar’s Sahadai Buzurg, earlier this morning. 6 people have lost their lives in the incident. pic.twitter.com/wQgNwiieSD
— ANI (@ANI) February 3, 2019
ରେଳ ଦୁର୍ଘଟଣା ଯୋଗୁଁ ୬ ଜଣ ଲୋକଙ୍କର ମୃତ୍ୟୁ ଘଟିଥିବା କଥା ରେଳବାଇ କହିଛି। ଦୁର୍ଘଟଣା ଘଟିବା ସମୟରେ ୧୨୪୮୭ ଯୋଗବାଣୀ-ଆନନ୍ଦ ବିହାର ସୀମାଞ୍ଚଳ ଏକ୍ସପ୍ରେସ ଦ୍ରୁତ ବେଗରେ ଗତି କରୁଥିଲା।ସୋନପୁର ଏବଂ ବରାଉନିରୁ ଦଳେ ଡାକ୍ତର ଘଟଣାସ୍ଥଳକୁ ଯାଇଛନ୍ତି। ଉଦ୍ଧାର କାର୍ୟ୍ୟ ଲାଗି ଗୋଟିଏ ଆକ୍ସିଡେଣ୍ଟ୍ ରିଲିଫ୍ ଟ୍ରେନ୍ ମଧ୍ୟ ପଠାଯାଇଛି। ଦୁର୍ଘଟଣା ସ୍ଥଳରେ ଉଦ୍ଧାର ଓ ରିଲିଫ୍ କାର୍ୟ୍ୟ ଚାଲିଥିବା କଥା ରେଳବାଇ ମନ୍ତ୍ରୀ ପୀୟୂଷ ଗୋଏଲ୍ କହିଛନ୍ତି।
ରେଳବାଇ ତରଫରୁ ହେଲ୍ପ୍ଲାଇନ୍ ନମ୍ବର ମଧ୍ୟ ଜାରି କରାଯାଇଛି- ସୋନପୁର ୦୬୧୫୮୨୨୧୬୪୫, ହାଜିପୁର ୦୬୨୨୪୨୭୨୨୩୦ ବରାଉନି ୦୬୨୭୯୨୩୨୨୨୨।