ଭୂଷୁଡି ପଡିବ କି ଜୋଶୀମଠ ! ବିପଦ ସଂକୁଳ ଅବସ୍ଥାରେ ୫୬୦ ଘର, ମାଟି ଫଟାଇ ବାହାରୁଛି ପାଣି
କନକ ବ୍ୟୁରୋ : ଉତ୍ତରାଖଣ୍ଡର ଐତିହାସିକ ସହର ଜୋଶୀମଠ ଅଞ୍ଚଳ କୁ ବିପଦ ମାଡିଆସୁଛି । ଏଠାରେ ୯ଟି ଅଞ୍ଚଳରେ ଥିବା ୫୬୧ଟି ଦୋକାନ ଘରେ ଫାଟ ଦେଖିବାକୁ ମିଳିଛି । ଏଭଳି ବିପଦକୁ ନଜରରେ ରଖି ଆଜି ମୁଖ୍ୟମନ୍ତ୍ରୀ ପୁଷ୍କରସିଂ ଧାମୀ ଏକ ବୈଠକ ଡାକିଛନ୍ତି । ସୂଚନା ଥାଉକି ପାହାଡ ଧସିବାକୁ କାରଣରୁ ଦିନକୁ ଦିନ ଏହି ଐତିହାସିକ ସହର ବିପଦ ମୁହଁକୁ ଠେଲି ହୋଇଯାଉଛି । ଏଠାରେ ଅନେକ ସ୍ଥାନରେ ପାହାଡରୁ ମାଟି ଅତଡା ଖସିବା ଫଳରେ ସ୍ଥାନୀୟ ଘରଗୁଡିକରେ ଫାଟ ଦେଖାଯାଉଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଏଭଳି ବିପଦକୁ ନଜରରେ ରଖି ଅନେକ ହୋଟେଲକୁ ବନ୍ଦ କରିଦେବା ସହ ୩୮ରୁ ଅଧିକ ପରିବାରକୁ ସୁରକ୍ଷିତ ସ୍ଥାନକୁ ନିଆଯାଇଛି । ଏହାସହ ସେଠାରେ ଏନଟିପିସି ତରଫରୁ ଚାଲିଥିବା କାମକୁ ମଧ୍ୟ ବନ୍ଦ କରିଦିଆଯାଇଛି ।
ଅନ୍ୟପଟେ ଗତବର୍ଷ ମଧ୍ୟ ଏଭଳି ସମସ୍ୟା ଦେଖିବାକୁ ମିଳିଥିଲା । ପାହାଡରୁ ମାଟି ଅତଡା ଖସିବା ଫଳରେ ଅନେକ ଘରେ ଫାଟ ଦେଖାଦେଇଥିଲା । ହେଲେ ଚଳିତବର୍ଷ ପ୍ରଥମଥର ପାଇଁ ଜୋଶୀମଠ ସହରର ବିଭିନ୍ନ ସ୍ଥାନରେ ମାଟି ଫଟାଇ ପାଣି ବାହାରୁଛି । ଏହାକୁ ନେଇ ଲୋକମାନେ ଭୟଭୀତ ହୋଇପଡିଛନ୍ତି ।
ବୈଜ୍ଞାନିକଙ୍କ କହିବା କଥା କି ଏହି ପାହାଡରେ ମାଟି, ଗଛ ଓ ପଥର ରହିଛି । ହେଲେ ପାହାଡଟି ବହୁ ପୁରୁଣା ହୋଇଥିବାରୁ ଏଥିରେ ବାନ୍ଧି ରଖିôବାର କ୍ଷମତା ହ୍ରାସ ପାଇଛି । ସେପଟେ ଏନଟିପିସି ଦ୍ୱାରା କରାଯାଇଥିବା ଟର୍ନେଲ ଫଳରେ ଏବେ ମାଟି ଅତଡା ଖସୁଛି ।