ବାଲେଶ୍ୱର ସାଂସଦ ପ୍ରାର୍ଥୀ ପ୍ରତାପ ଷଡଙ୍ଗୀକୁ ବିଜେଡି ପ୍ରାର୍ଥୀ ଲେଖାଶ୍ରୀ ପଚାରିଲେ ତିନି ପ୍ରଶ୍ନ । କହିଲେ, କାହିଁକି ଗଲା ମନ୍ତ୍ରୀ ପଦ …
କନକ ବ୍ୟୁରୋ: ବାଲେଶ୍ୱରରେ ଜମୁଛି ନିର୍ବାଚନ ପ୍ରଚାର । ଜୁନ ୧ରେ ଏହି ଲୋକସଭା ଆସନରେ ଭୋଟ୍ ପଡିବ । ଏହା ପୂର୍ବରୁ ବିଜେଡିର ଲୋକସଭା ପ୍ରାର୍ଥୀ ଲେଖାଶ୍ରୀ ସାମନ୍ତସିଂହାର ଏବଂ ବିଜେପିର ସାଂସଦ ତଥା ପ୍ରାର୍ଥୀ ପ୍ରତାପ ଷଡଙ୍ଗୀଙ୍କ ମଧ୍ୟରେ ବୟାନବାଜି ତେଜିିଛି । ନୀଳଗିରି ବିଜେଡି ପକ୍ଷରୁ ଈଶ୍ୱରପୁର ଖେଳପଡିଆରେ ଅନୁଷ୍ଠିତ ଏକ ସଭାରେ ସ୍ଥାନୀୟ ବିଧାୟକ ସୁକାନ୍ତ ନାୟକ ବର୍ଷିଥିବା ବେଳେ ଲେଖାଶ୍ରୀ ଖୋଲାମଞ୍ଚରେ କହିଛନ୍ତି ଓଡିଶାର ବିକାଶ ପାଇଁ ଡବଲ ଇଞ୍ଜିନ ନୁହେଁ ନବୀନ ଇଞ୍ଜିନ ଦରକାର ।
Kanak News is now on WhatsApp
Join and get latest news updates delivered to you via WhatsApp
କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ଲେଖାଶ୍ରୀଙ୍କୁ ଟାର୍ଗେଟ କରି ତିନୋଟି ପ୍ରଶ୍ନ ପଚାରିଥିବା ବେଳେ ନୀଳଗିରି ମଞ୍ଚରେ ଏହାର ଜବାବରେ ସ୍ମୃତି ଇରାନୀଙ୍କୁ ତିନୋଟି ପ୍ରଶ୍ନ ପଚାରିଛନ୍ତି ଲେଖାଶ୍ରୀ । ବାଲେଶ୍ୱରରେ ମହିଳା ଟିକଟ କାହିଁ, କ’ଣ ମହିଳାଙ୍କୁ ଯୋଗ୍ୟ ଭାବୁନି ବିଜେପି, ନନାଙ୍କୁ କାହିଁକି ମନ୍ତ୍ରୀ ପଦରୁ ଗୋଟିଏ ବର୍ଷରେ ବାହାର କରିଦିଆଗଲା । ପ୍ରତାପ ଷଡଙ୍ଗୀ ଏମପି ଲ୍ୟାଡ ଟଙ୍କା କାହିଁକି ଖର୍ଚ୍ଚ କରିପାରିନାହାନ୍ତି ବୋଲି ପ୍ରଶ୍ନ କରିଛନ୍ତି ଲେଖାଶ୍ରୀ ।