କନକ ବ୍ୟୁରୋ : ଚୀନରେ ସଂକ୍ରମଣ ବୃ୍ଦ୍ଧି ପରେ ଭାରତରେ ପୁଣି ଦେଖାଦେଇଛି ଭୟର ବାତାବରଣ । ଏହା ଭିତରେ ସ୍ୱାସ୍ଥ୍ୟମନ୍ତ୍ରାଳୟର ଏକ ରିପୋର୍ଟ କହୁଛି ଆଗାମୀ ୪୦ଦିନ ଦେଶ ପାଇଁ ବେଶ ଗୁରୁତ୍ୱପୂର୍ଣ୍ଣ । ଜାନୁଆରୀ ମାସରେ ପିକ୍ ଛୁଇଁପାରେ ସଂକ୍ରମଣ ।
Kanak News is now on WhatsApp
Join and get latest news updates delivered to you via WhatsApp
କଣ କହୁଛନ୍ତି ସ୍ୱାସ୍ଥ୍ୟ ବିଶେଷଜ୍ଞ?
ସ୍ୱାସ୍ଥ୍ୟ ବିଶେଷଜ୍ଞ ଏକଥାର ଆକଳନ କରୁଛନ୍ତି ଯେ ଦେଶରେ ୪ର୍ଥ ଲହର ଆସିବା ଆଶଙ୍କା କମ ରହିଛି । କାରଣ ଟିକା ଓ ବୁଷ୍ଟର ଡୋଜ ନେବା ପରେ, ୯୦ପ୍ରତିଶତ ଲୋକଙ୍କ ଶରୀରରେ ହାଇବ୍ରିଡ ଇମ୍ୟୁନିଟି ସୃଷ୍ଟି ହୋଇସାରିଛି । ଶରୀରରେ ଥିବା ଇମ୍ୟୁନିଟି ଓ ଟିକାକରଣ ପରେ ସୃଷ୍ଟି ହୋଇଥିବା ଇମ୍ୟୁନିଟିର ମିଶ୍ରଣକୁ କୁହାଯାଏ ହାଇବ୍ରିଡ ଇମ୍ୟୁନିଟି । ତେଣୁ ନୂଆ ଭାଇରସ ସହ ଲଢିବା ପାଇଁ ଏହା ବେଶ ଉପଯୋଗୀ ହେବ । ତେଣୁ ଚୀନ ପରି ସ୍ଥିତି ଭାରତରେ ଦେଖାଯିବା ସମ୍ଭାବନା ବେଶ କମ ରହିଥିବା କହିଛନ୍ତି କୋଭିଡ ଟାକ୍ସ ଫୋର୍ସ ମୁଖ୍ୟ ଏନ କେ ଆରୋଡା । ଜୁଲାଇ ମାସରେ ଦେଶରେ ଓମିକ୍ରନ ସବଭ୍ୟାରିଆଂଟ ଆସିସାରିଛି ଓ ଏହା ଦୀର୍ଘ ଦିନ ଧରି ରହିପାରେ । ତଥାପି କରୋନା ସ୍ଥିତି ଉପରେ ନଜର ରଖିବା ସହ ଆମକୁ ସଜାଗ ଓ ସତର୍କ ରହିବାକୁ ପଡିବ ।
ଗୋଟେ ପଟେ ସରକାର ଓ ସ୍ୱାସ୍ଥ୍ୟମନ୍ତ୍ରାଳୟ ଏହି କଥା କହୁଛନ୍ତି । ଅନ୍ୟପଟେ ବର୍ତମାନ ଦେଶରେ ସଂକ୍ରମଣ ଦିନକୁ ଦିନ ବୃଦ୍ଧି ପାଉବା ଯୋଗୁଁ ବିପଦ ସମ୍ପୂର୍ଣ୍ଣ ଟଳିଥିବା କୁହାଯାଇପାରିବନି । କାରଣ:
୨ମାସ ପରେ ଦେଶରେ ସଂକ୍ରମଣ ବୃଦ୍ଧି:
• ଗୋଟିଏ ସପ୍ତାହରେ ୨୧ ପ୍ରତିଶତ ଅଧିକ ମାମଲା ସାମ୍ନାକୁ ଆସିଛି
• ୨ ମାସ ଭିତରେ ସଂକ୍ରମଣ ୧୧ ପ୍ରତିଶତ ବୃଦ୍ଧି ପାଇଛି
• ଡିସେମ୍ବର ୧୪ରୁ ୨୦ ଭିତରେ ଦେଶରେ ୧୮ଜଣ ସଂକ୍ରମିତଙ୍କ ମୃତ୍ୟୁ ହୋଇଛି
• ଡିସେମ୍ବର ୨୦ରୁ ୨୬ ଭିତରେ ଦେଶରେ ୧୬ଜଣ ସଂକ୍ରମିତଙ୍କ ମୃତ୍ୟୁ ହୋଇଛି
• ଡିସେମ୍ବର ୨୨ରେ ଦେଶରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୩୩୮୦ ରହିଥିଲା
• ଡିସେମ୍ବର ୨୭ରେ ଦେଶରେ ସକ୍ରିୟ ସଂକ୍ରମିତଙ୍କ ସଂଖ୍ୟା ୩୪୬୮ରେ ପହଁଚିଛି
କଣ କହୁଛି କରୋନାର ପୂର୍ବ ୩ଟି ଲହର ଟ୍ରେଣ୍ଡ୍?
• ଯେବେ ପୂର୍ବ ଏସିଆ ସଂକ୍ରମଣ ବଢିଛି ଏହାର ଠିକ ୩୫ରୁ ୪୦ଦିନ ଭିତରେ ଭାରତରେ ସଂକ୍ରମଣ ବୃଦ୍ଧି ପାଇଛି
• ସମସ୍ତ ପ୍ରକାର କଟକଣା ଓ ପଦକ୍ଷେପ ସତ୍ୱେ ଦେଶରେ ସଂକ୍ରମଣ ରୋକିବାକୁ ବିଫଳ ହୋଇଥିଲେ ସରକାର
• ୩ଟି କରୋନା ଲହର ଟ୍ରେଣ୍ଡ କହୁଛି ପ୍ରାରମ୍ଭିକ ପର୍ଯ୍ୟାୟରେ ସଂକ୍ରମଣ କମ ରୁହେ ।
• କିଛି ଦିନ ପରେ ଧିରେ ଧିରେ ସଂକ୍ରମଣ ବୃଦ୍ଧି ପାଇ ଦ୍ରୁତ ଗତିରେ ମାଡିଚାଲେ
ପ୍ରଥମ ଲହର ସମୟରେ ଅର୍ନ୍ତରାଷ୍ଟ୍ରୀୟ ବିମାନ ସେବା ବନ୍ଦ କରିବା ପାଇଁ ସରକାର ୨୦୨୦ରେ ବିଳମ୍ବରେ ପଦକ୍ଷେପ ନେଇଥଇଲେ । ଏହା ଯୋଗୁଁ ସଂକ୍ରମଣ ବେଶ ବୃଦ୍ଧି ପାଇଥିଲା । ୨ୟ ଓ ୩ୟ ଲହର ସମୟରେ ମଧ୍ୟ ସରକାରଙ୍କ ଦାୟିତ୍ୱହୀନତା ପାଇଁ ସଂକ୍ରମଣ ବୃଦ୍ଧି ପାଇଥିଲା ଓ ମୃତ୍ୟୁ ମଧ୍ୟ ହୋଇଥିଲା
କରୋନାର ପ୍ରଥମ ଲହର ଟ୍ରେଣ୍ଡ:
ଦେଶରେ ପ୍ରଥମ ସଂକ୍ରମିତ ୨୦୨୦ ଜାନୁଆରୀ ୩୦ ରେ କେରଳରୁ ଚିହ୍ନଟ ହୋଇଥିଲେ । ଫେବ୍ର୍ରୁଆରୀ ମାସରେ ଏହା ପିକ୍ ଛୁଇଁଥିଲା । ଏହି ଦିନ ଦେଶରେ ଦୈନିକ ସଂକ୍ରମଣ ରେକର୍ଡ ସ୍ତରରେ ୯୮ହଜାର ଛୁଇଁଥିଲା । ପ୍ରାୟ ୩୭୭ ଦିନ ଧରି ଦେଶରେ ଚାଲିଛି କରୋନା ସଂକ୍ରମଣ ଓ ମୃତ୍ୟୁର ତାଣ୍ଡବ । ଏହି ସମୟରେ ପ୍ରାୟ ଏକ କୋଟି ୧୦ଲକ୍ଷ ମାମଲା ସାମ୍ନାକୁ ଆସିଥିଲା । ଦୈନିକ ପ୍ରାୟ ୪ଶହ ସଂକ୍ରମିତଙ୍କ ସହ ପ୍ରଥମ ଲହରରେ ୧ଲକ୍ଷ ୫୫ହଜାର ମୃତ୍ୟୁ ହୋଇଥିଲା ।
କରୋନା ଦିତ୍ୱୀୟ ଲହର ଟ୍ରେଣ୍ଡ:
୨୦୨୧ ମସିହା ଫେବ୍ରୁଆରୀ ୧୦ ପର୍ଯ୍ୟନ୍ତ ଦେଶର ସ୍ଥିତିରେ ସୁଧାର ଦେଖାଦେଇଥିଲା କିନ୍ତୁ ମାର୍ଚ୍ଚ ମାସରେ ପୁଣି ହୁ ହୁ ହୋଇ ସଂକ୍ରମଣ ବୃଦ୍ଧି ପାଇଥିଲା । ଏପ୍ରିଲ ୧ରୁ ମେ ୩୧ ଯାଏଁ ଦେଶରେ ତାଣ୍ଡବ କରିଥିଲା ଦ୍ୱିତୀୟ ଲହର । ଏହି ସମୟରେ ଦେଢକୋଟିରୁ ଅଧିକ ସଂକ୍ରମିତ ଚିହ୍ନଟ ହୋଇଥିଲେ । ଏକ ଲକ୍ଷ ୭୦ହଜାର ଲୋକଙ୍କ ମୃତ୍ୟୁ ହୋଇଥିଲା । ଦୈନିକ ୨୮୦୦ ଶହ ଲୋକଙ୍କ ମୃତ୍ୟୁ ହୋଇଥିଲା । ମେ ୬ ତାରିଖରେ ୨ୟ ଲହର ପିକ୍ ଛୁଇଁବା ସହ ଗୋଟିଏ ଦିନରେ ୪ଲକ୍ଷ ୧୪ହଜାର ସଂକ୍ରମିତ ଚିହ୍ନଟ ହୋଇଥିଲା ।
କରୋନାର ତୃତୀୟ ଲହର ଟ୍ରେଣ୍ଡ:
ଓମିକ୍ରନ ଯୋଗୁଁ ବର୍ଷ ୨୦୨୧ ଡିସେମ୍ବର ମାସରୁ ଦେଶରେ କରୋନାର ୩ୟ ଲହର ଆରମ୍ଭ ହୋଇଥିଲା । ଡିସେମ୍ବ ୨୭ରୁ ତୃତୀୟ ଲହର ଆରମ୍ଭ ହେବ ଜାନୁଆରୀ ୨୧ରେ ଏହା ପିକ୍ ଛୁଇଁଥିଲା । ଏହି ଦିନ ୩ଲକ୍ଷ ୪୭ହଜାର ସଂକ୍ରମିତ ଚିହ୍ନଟ ହୋଇଥିଲେ । ଯଦିଓ ସଂକ୍ରମଣ ଅଧିକ ରହିଥିଲା । କିନ୍ତୁ ପୂର୍ବ ଦୁଇଟି ଲହର ଅପେକ୍ଷା ୩ୟ ଲହରରେ ମୃତ୍ୟୁ ସଂଖ୍ୟା ବେଶ କମ ରହିଥିଲା । ୩ୟ ଲହରରେ ଦେଶରୁ କେବଳ ୫୦ଲକ୍ଷ ୫ହଜାର ପଜିଟିଭ ଚିହ୍ନଟ ଓ ୧୦ହଜାର ୪୬୫ ଲୋକଙ୍କ ମୃତ୍ୟୁ ହୋଇଥିଲା ।
ଏହି ୩ଟି ରେକର୍ଡ ଗୋଟିଏ କଥା କହୁଛି କି କରୋନା ସଂକ୍ରମଣ ପ୍ରାୟତଃ ଜାନୁଆରୀ ମାସରେ ହୋଇଥାଏ । ପିକ୍ ଛୁଇଁବା ପୂର୍ବରୁ ଧିରେ ଧିରେ ସଂକ୍ରମଣ ବୃଦ୍ଧି ପାଏ ଓ ପରେ ଦ୍ରୁତ ଗତିରେ ମାଡି ଚାଲେ । ବର୍ତମାନ ମଧ୍ୟ ଦେଶରେ ଠିକ୍ ସେମିତି କିଛି ଦେଖିବାକୁ ମିଳୁଛି । ସ୍ୱାସ୍ଥ୍ୟବିଶେଷଜ୍ଞ ଯଦିଓ କହୁଛନ୍ତି ବିଏଫ ଡଟ ସେଭେନ ବିଶେଷ ଘାତକ ନୁହେଁ । ସଂକ୍ରମଣ ଓ ମୃତ୍ୟୁ ଆଶଙ୍କା କମ ରହିଛି ତଥାପି ଚୀନର ସ୍ଥିତି ଦେଖି ଆମକୁ ସଜାଗ ଓ ସତର୍କ ରହିବା ଜରୁରୀ ।