କନକ ବ୍ୟୁରୋ : ଡ. ଭୀମରାଓ ଆମ୍ବେଦକରଙ୍କ ଫଟୋକୁ ନେଇ ମାଡ୍ରାସ ହାଇକୋର୍ଟ ଏକ ବଡ ଟିପ୍ପଣୀ ଦେଇଛନ୍ତି । କୋର୍ଟ କହିଛନ୍ତି କି ତାମିଲନାଡୁ ଓ ପୁଡୁଚେରୀ କୋର୍ଟରେ କେବଳ ମହାତ୍ମା ଗାନ୍ଧୀ ଓ ତାମିଲ କବି ତିରୁବଲ୍ଲୁବରଙ୍କ ଫଟୋ ଲାଗି ପାରିବ । ହାଇକୋର୍ଟ ରେଜିଷ୍ଟାରଙ୍କ ତରଫରୁ ଜୁଲାଇ ୭ ତାରିଖରେ ଏନେଇ ଏକ ସର୍କୁଲର ଜାରି କରାଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
କୋର୍ଟ ପରିସରର ପ୍ରବେଶ ଦ୍ୱାରରୁ ଆମ୍ବେଦକରଙ୍କ ଫଟୋ ହଟାଇବାକୁ କାଞ୍ଚିପୁରମ୍ ମୁଖ୍ୟ ଜିଲ୍ଲା ଜଜଙ୍କ ସମେତ ସମସ୍ତ ଜିଲ୍ଲା ଅଦାଲତକୁ ଏକ ସର୍କୁଲାର ଜାରି କରାଯାଇ ଆଲାନ୍ଦୁରସ୍ଥିତ ବାର ଆସୋସିଏସନକୁ ନିର୍ଦ୍ଦେଶ ଦିଆଯାଇଛି । ବାସ୍ତବରେ ଆମ୍ବେଦକର ଓ ସଂପୃକ୍ତ ସଂଘର ବରିଷ୍ଠ ଆଇନଜୀବିଙ୍କ ଫଟୋ ଉନ୍ମୋଚନ ପାଇଁ ଅନେକ ଓକିଲ ସଂଘ ଅନୁମତି ମାଗିଛନ୍ତି । ଏପ୍ରିଲ ୧୧ ତାରିଖରେ ଅନୁଷ୍ଠିତ ଏକ ବୈଠକରେ ହାଇକୋର୍ଟର ପୂର୍ଣ୍ଣ ଖଣ୍ଡପୀଠ ଏଭଳି ସମସ୍ତ ଅନୁରୋଧକୁ ଖାରଜ କରିଦେଇଥିଲେ ।
ପୂର୍ବ ଆଦେଶକୁ ଉଲ୍ଲେଖ କରି ସର୍କୁଲାରରେ କୁହାଯାଇଛି ଯେ, ଜାତୀୟ ନେତାଙ୍କ ପ୍ରତିମୂର୍ତ୍ତି ନଷ୍ଟ ହେବା ଭଳି ଘଟଣା ଘଟିଥିବାରୁ ବିଭିନ୍ନ ସ୍ଥାନରେ ଆଇନଶୃଙ୍ଖଳା ପରିସ୍ଥିତି ସୃଷ୍ଟି ହୋଇଛି । ୨୦୧୦ରେ ମଧ୍ୟ କୋର୍ଟ ପରିସରରେ ଆଉ କୌଣସି ପ୍ରତିମୂର୍ତ୍ତି ନିର୍ମାଣ ପାଇଁ ଅନୁମତି ଦିଆଯିବ ନାହିଁ ବୋଲି କୋର୍ଟ ନିଷ୍ପତ୍ତି ନେଇଥିଲେ ।
ସେହିଭଳି ୨୦୧୩ ଏପ୍ରିଲ ୨୭ ତାରିଖରେ ଆମ୍ବେଦକରଙ୍କ ଫଟୋ ହଟାଇବା ପାଇଁ ଅଲାନ୍ଦୁର କୋର୍ଟ ଓକିଲ ସଂଘକୁ ରାଜି କରାଇବା ପାଇଁ କାଞ୍ଚିପୁରମର ପ୍ରଧାନ ଜିଲ୍ଲା ଜଜ୍ ନିର୍ଦ୍ଦେଶ ଦେଇଥିଲେ । ଏହାସହ ନବ ଗଡିତ ସ୍ୱତନ୍ତ୍ର ଅଦାଲତରେ ତାଙ୍କ ପ୍ରତିମୂର୍ତ୍ତି ସ୍ଥାପନ କରିବାକୁ କୁଡ୍ଡାଲୋର ବାରର ଅନୁରୋଧକୁ ଖାରଜ କରିଦେଇଥିଲେ ।
ନିକଟରେ ଏପ୍ରିଲ ୧୧ ତାରିଖରେ ମାଡ୍ରାସ ହାଇକୋର୍ଟ ସମାନ ଅନୁରୋଧକୁ ବିଚାର କରି ପୂର୍ବର ସମସ୍ତ ସଂକଳ୍ପକୁ ଦୋହରାଇବା ସହ ସର୍ବ ସମ୍ମତିକ୍ରମେ ନିଷ୍ପତ୍ତି ନେଇଥିଲେ ଯେ ଗାନ୍ଧୀଜୀ ଓ ତିରୁବଲ୍ଲୁବରଙ୍କ ପ୍ରତିମୂର୍ତ୍ତି ବ୍ୟତୀତ ଅଦାଲତ ପରିସରରେ ଅନ୍ୟ କୌଣସି ମହାପୁରୁଷଙ୍କର ଫଟୋ ଲଗାଯାଇପାରିବ ନାହିଁ ।