ଦିନେ ସାଇକେଲ ଚଳାଇ୩୦ କି.ମି ଯାଉଥିଲେ ସ୍କୁଲ । ଛୋଟ ସହରରେ ରହି ଦେଖୁଥିଲେ ବଡ ସ୍ୱପ୍ନ । ଆଜି ହଜାରେ କୋଟିର ମାଲିକ ମଧୁ କେଲା
କନକ ବ୍ୟୁରୋ : ସଫଳତାର ଅନ୍ୟନାମ ସଂଘର୍ଷ । ପ୍ରତ୍ୟେକ ସଫଳ ବ୍ୟକ୍ତିଙ୍କ ସଫଳତା ପଛରେ ରହିଛି ଏକ ଦୀର୍ଘ ଦିନର ସଂଘର୍ଷର କାହାଣୀ । ପଙ୍କରୁ ପଦ୍ମ ଫୁଟିବା ପରି ଦୀର୍ଘ ବର୍ଷର ସଂଘର୍ଷ ପରେ ସଫଳତା ପାଏ ମଣିଷ । ଆମେ ଦେଶରେ ଏମିତି ଅନେକ ବ୍ୟକ୍ତିତ୍ୱ ଅଛନ୍ତି , ଯେଉଁମାନଙ୍କର ରହିଛି ଏକ ସଫଳ କାହାଣୀ । ସେ ନେତା ହୁଅନ୍ତୁ କି, ଅଭିନେତା କିମ୍ବା ଶିଳ୍ପପତି, ଏମାନଙ୍କ ସଫଳ କାହାଣୀ ଅନେକ ଯୁବପିଢିଙ୍କ ପାଇଁ ପ୍ରେରଣା । ଏହି ତାଲିକାରେ ଆଜି ଆମେ ଆପଣଙ୍କୁ ଏମିତି ଏକ ବ୍ୟକ୍ତିଙ୍କ ବିଷୟରେ କହିବୁ ଯାହାଙ୍କ କାହାଣି ଶୁଣିଲେ ଆପଣ ମଧ୍ୟ ଆଶ୍ଚର୍ଯ୍ୟ ହୋଇଯିବେ । ଛୋଟ ସହରରୁ ବଡ଼ ସହରରେ ସଫଳତା , ଜୀବନର ସଂଘର୍ଷତା ତାଙ୍କ ଏହି କାହାଣୀ ଅନେକଙ୍କ ପାଇଁ ପ୍ରେରଣା ସଦୃଶ । ମଧୁସୁଦନ କେଲା କିମ୍ବା ମଧୁ କେଲା, ଏହି ଭେଟେରାନ୍ ନିବେଶକଙ୍କ କାହାଣୀ କୌଣସି ଚଲଚ୍ଚିତ୍ରର ଅଭିନେତାଙ୍କ କାହାଣୀଠାରୁ କମ୍ ନୁହେଁ । ଜୀବନରେ ଅନେକ ବିଫଳତା ପରେ ଆର୍ଥିକ ବଜାରରେ ସଫଳତାର ଶୀର୍ଷରେ ମଧୁକେଲା ।
Kanak News is now on WhatsApp
Join and get latest news updates delivered to you via WhatsApp
ଛତିଶଗଡ଼ର ଏକ ଛୋଟ ଗାଁରେ ମଧୁକେଲା ନିଜର ପିଲାଦିନ ଏବଂ ପ୍ରାଥମିକ ଶିକ୍ଷା ହାସଲ ପରେ ସେ ସିଧା ମୁମ୍ବାଇ ଆସି ଷ୍ଟକ୍ ମାର୍କେଟରେ ନିଜର ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ଆସନ୍ତୁ ନଜର ପକାଇବା ମଧୁକେଲାଙ୍କ ସଂଘର୍ଷ ଏବଂ ସଫଳତା ଉପରେ..
ଛତିଶଗଡ଼ର ଏକ ଛୋଟ ଗାଁରୁ ଆସିଥିବା ମଧୁସୁଦନ କେଲା, ଜଣେ ଭେଟେରାନ୍ ଷ୍ଟକ ମାର୍କେଟର ନିବେଶକ ଏବଂ ଏମ୍ .କେ ଭେଞ୍ଚରର ପ୍ରତିଷ୍ଠାତା । ଛତିଶଗଡ଼ର ଏକ ଛୋଟ ସହରରୁ ଆସିଥିବା ମଧୁକେଲା ମୁମ୍ବାଇର ଆର୍ଥିକ ବଜାରରେ ନିଜ ପାଇଁ ଏକ ସ୍ୱତନ୍ତ୍ର ସ୍ଥାନତିଆରି କରିବା ସହ ନିଜର ଏକ ବଡ଼ ପରିଚୟ ମଧ୍ୟ ସୃଷ୍ଟି କରିଥିଲେ । ଛତିଶଗଡ଼ର କୁଋଦରେ ଏକ ଗରିବ ପରିବାରରେ ଜନ୍ମ ଗ୍ରହଣ କରିଥିବା ମଧୁକେଲା ପ୍ରତିଦିନ କଲେଜ ଯିବା ପାଇଁ ୩୦କିମି ସାଇକେଲ ଚଳାଉଥିଲେ । ଆର୍ଥିକ ଅନାଟନରେ ବଢିଥିବା ମଧୁକେଲା ନିଜର ବି.କମ୍ ସାରିବା ପରେ ମୁମ୍ବାଇରେ ଆସି ପହଞ୍ଚିଥିଲେ । ଆଉ ଏଇଠୁ ବଦଳିଥିଲା ତାଙ୍କ ଭାଗ୍ୟ । ହିନ୍ଦୀ ମିଡିୟମରେ ପାଠ ପଢିଥିବା ମଧୁ କେଲା ମୁମ୍ବାଇର ପ୍ରତିଷ୍ଠିତ କେଜେ ସୋମାୟା ମ୍ୟାନେଜମେଣ୍ଟ କଲେଜରୁ ମାଷ୍ଟର ଅଫ୍ ମ୍ୟାନେଜମେଣ୍ଟ ଡିଗ୍ରୀ ହାସଲ କରିଥିଲେ । ଏମବିଏ ପରେ ସେ ସିଫକୋ ଏବଂ ଶରେଖାନଙ୍କ ସହ ଇକ୍ୱିଟି ରିସର୍ଚ୍ଚରେ କାର୍ଯ୍ୟ କରିଥିଲେ । ପରେ ପରେ ବିଭିନ୍ନ ଦଲାଲ୍ ଏବଂ ଫଣ୍ଡ ହାଉସ୍ ସହ କାମ କରି ସେ ନିବେଶକମାନଙ୍କୁ ଷ୍ଟକ୍ ମାର୍କେଟରେ ବିପୁଳ ମାତ୍ରାରେ ଲାଭ ଯୋଗାଇଛନ୍ତି । ସେ ସାଧାରଣତଃ ଛୋଟ ଏବଂ ମିଡ୍ କ୍ୟାପ୍ କମ୍ପାନୀଗୁଡ଼ିକରେ ବିନିଯୋଗ କରନ୍ତି ଏବଂ ବିପୁଳ ଅର୍ଥ ରିଟର୍ଣ୍ଣ ଅର୍ଜନ କରିଥାନ୍ତି । ଛୋଟ ଛୋଟ କ୍ଷେତ୍ରରେ ବିନିଯୋଗ କରି ଷ୍ଟକ୍ ମାର୍କେଟରେ ସେ ନିଜର ସାମ୍ରାଜ୍ୟ ବିସ୍ତାର କରିବା ଆରମଯବ କରିଥିଲେ । ୨୦୦୯, ପରେ ସେ ଫାର୍ମା କ୍ଷେତ୍ରରେ ମନନିବେଶ କରିଥିଲେ । ଏବଂ ସେଠାରେ ମଧ୍ୟ ସେ ଅନେକ ସଫଳତାର ସିଢି ଚଢିଥିଲେ । ମନି କଣ୍ଟ୍ରୋଲ୍ ର ତଥ୍ୟ ଅନୁଯାୟୀ ମଧୁକେଲାଙ୍କ ସମ୍ପତ୍ତିର ମୂଲ୍ୟ ୮୮୨ କୋଟି ଏବଂ ତାଙ୍କର ୬ଟି ହୋଲଡିଂ କମ୍ପାନୀ ବି ରହିଛି । ଏହାସହ ନିକଟରେ ମଧୁକେଲା ରେପ୍ରୋ ଇଣ୍ଡିଆର ୪.୭୫ଲକ୍ଷ ସେୟାର କିଣିଛନ୍ତି ।