କନକ ବ୍ୟୁରୋ : ଆଗକୁ କର୍ଣ୍ଣାଟକ ବିଧାନସଭା ନିର୍ବାଚନ ରହିଛି । ଏହି ସମୟରେ ଶାସନ କ୍ଷମତାରେ ଥିବା ବିଜେପି ତାର ସେବା ମନୋବୃତ୍ତି ଓ କାମକୁ ନେଇ ଜୋରଦାର ପ୍ରଚାର ଆରମ୍ଭ କରିଥିବା ବେଳେ ଜଣେ ବିଜେପି ବିଧାୟକଙ୍କ ପୁଅ ନିକଟରୁ ଏତେ ପରିମାଣର ନଗଦ ଟଙ୍କା ମିଳିଛି କି ଯାହା କର୍ଣ୍ଣାଟକ ବିଜେପିର ସ୍ୱଚ୍ଛ ଚେହେରା ଉପରେ ଦାଗ ଲଗାଇ ଦେଇଛି ।
Kanak News is now on WhatsApp
Join and get latest news updates delivered to you via WhatsApp
କର୍ଣ୍ଣାଟକ ବିଜେପିର ବିଧାୟକ ଥିବା ମଦଲ ବିରୁପକ୍ଷପ୍ପାଙ୍କ ପୁଅ ପ୍ରଶାନ୍ତ ମଦଲଙ୍କ ଘରେ ଦୁର୍ନୀତି ବିରୋଧୀ ଶାଖା ପକ୍ଷରୁ ଯେତେବେଳେ ଚଢାଉ କରାଗଲା ସେତେବେଳେ ଅଧିକାରୀମାନଙ୍କ ଆଖି ଖୋସିହୋଇଯାଇଥିଲା । ଅଧିକାରୀଙ୍କ କହିବା ମୁତାବକ ପ୍ରଥମେ ପ୍ରଶାନ୍ତ ଲାଞ୍ଚ ନେଉଥିବା ବେଳେ ଧରାପଡିଥିଲେ । ଏହାପରେ ତାଙ୍କ ଘର ଉପରେ ଚଢାଉ କରାଯିବା ବେଳେ ୬କୋଟିରୁ ଅଧିକ ନଗଦ ଟଙ୍କା ମିଳିଛି । ସେପଟେ ମଦଲ ବରୁପକ୍ଷପ୍ପା କର୍ଣ୍ଣାଟକ ସାବୁନ ଓ ଡିଟରଜେଣ୍ଟ ଲିମିଟେଡର ଅଧ୍ୟକ୍ଷ ରହିଛନ୍ତି । ତାଙ୍କ କମ୍ପାନୀ ମୈସୁର ସ୍ୟାଣ୍ଡେଲ ସାବୁନ ପ୍ରସ୍ତୁତ କରିଥାଏ । ଅନ୍ୟପଟେ ତାଙ୍କ ପୁଅ ପ୍ରଶାନ୍ତ ବେଙ୍ଗାଲୋର ଜଳ ଯୋଗାଣ ବିଭାଗର ମୁଖ୍ୟ ଲେଖାକାର ରହିଛନ୍ତି ।
ଲୋକାୟୁକ୍ତ ଅଧିକାରୀ ଗୁରୁବାର ଦିନ ବିଜେପି ବିଧାୟକ ଏମ୍ ବିରୁପାକ୍ଷପ୍ପାଙ୍କ ପୁଅ ପ୍ରଶାନ୍ତ ୪୦ ଲକ୍ଷ ଟଙ୍କା ଲାଂଚ ନେଉଥିବା ବେଳେ ଗିରଫ କରିଥିଲେ । ତାଙ୍କୁ ତାଙ୍କ ବାପାଙ୍କ ଫ୍ୟାକ୍ଟ୍ରି କର୍ଣ୍ଣାଟକ ସୋପ ଆଣ୍ଡ ଡିଟରଜେଣ୍ଟ ଲିମିଟେଡ କାର୍ଯ୍ୟାଳୟରୁ ଗିରଫ କରାଯାଇଥିଲା ।
ସୂତ୍ର ସୂଚନା ମୁତାବକ ପ୍ରଶାନ୍ତଙ୍କ ଘରୁ ନଗଦ ଟଙ୍କାର ୩ଟି ବ୍ୟାଗ ଜବତ ହୋଇଛି । ୨୦୦୮ବ୍ୟାଚର ଅଧିକାରୀ ପ୍ରଶାନ୍ତଙ୍କୁ ସାବୁନ ଓ ଡିଟରଜେଣ୍ଟ ପ୍ରସ୍ତୁତ ପାଇଁ ବ୍ୟବହାର ହେଉଥିବା କଞ୍ଚାମାଲର ଠିକା ଦେବାକୁ ଜଣେ ଠିକାଦାର ସହିତ ଡିଲ କରି ଏହି ଲାଂଚ ନେଉଥିବା ବେଳେ ଧରାପଡିଛନ୍ତି ।