‘ଚାଷୀଙ୍କୁ ୧୦ ହଜାର ଦେବେ କହି ୪ ହଜାର ଟଙ୍କା ଦେଇ ଠକିଦେଲେ ନବୀନ ସରକାର’: ପ୍ରେସମିଟରେ ବିଜେଡିକୁ ଟାର୍ଗେଟ କଲେ ପ୍ରଦୀପ ପୁରୋହିତ ।
କନକ ବ୍ୟୁରୋ: ନବୀନ ସରକାର ଚାଷୀ ବିରୋଧୀ, କେବଳ ଚାଷୀ ଭୋଟ ବ୍ୟାଙ୍କ ରାଜନୀତି କରୁଛନ୍ତି ନବୀନ । ବିଜେଡି ଧୋକା ଏବଂ ପ୍ରତାରଣା ଦେବାରେ ଏକ ନମ୍ବର ଦଳ । ଚାଷୀ ସମସ୍ୟାକୁ ନେଇ ରାଜ୍ୟ ସରକାରଙ୍କ ଉପରେ ବର୍ଷିଛି ବିଜେପି ।
Kanak News is now on WhatsApp
Join and get latest news updates delivered to you via WhatsApp
ପ୍ରଦୀପ ପୁରୋହିତ କହିଛନ୍ତି, ’୨୪ ବର୍ଷ ଭିତରେ ମୁଖ୍ୟମନ୍ତ୍ରୀ ଚାଷୀଙ୍କ ଆୟ ବଢାଇପାରିନେଲନି । ଚାଷୀଙ୍କ ଆୟକୁ ବିଚାର କଲେ ଓଡିଶା ଅନ୍ୟ ରାଜ୍ୟଙ୍କ ଠାରୁ ବହୁ ପଛରେ । କାଳିଆ ଯୋଜନାରେ ଚାଷୀଙ୍କୁ ୧୦ ହଜାର ଟଙ୍କା ଦେବେ କହି ଶାସନକୁ ଆସିଲେ କିନ୍ତୁ ଶାସନକୁ ଆସିବା ପରେ ଚାଷୀଙ୍କୁ ମାତ୍ର ୪ ହଜାର ଟଙ୍କା ଧରାଇଦେଇ କାମ ସାରିଦେଲେ । ରାଜ୍ୟର ଚାଷୀଙ୍କ ସହ ବିଶ୍ୱାସଘାତକତା କରିଛନ୍ତି ନବୀନ । ଯେଉଁ ବୋନସ୍ ଦେବା କଥା କହିଥିଲେ ତାହା ବି ଦେଲେନି ।
‘ବିଜେଡି ପୁଣି ଚାଷୀଙ୍କୁ ପ୍ରଭାବିତ କରିବାକୁ ୨୦୨୪ ପାଇଁ ଝିଅ ବାହାଘରରେ ୨୫ ହଜାର ଟଙ୍କା ଦେବା କଥା କହୁଛି । ଠିକ ଏଭଳି ପ୍ରତଶ୍ରୁତି ୨୦୧୯ରେ ବି ଦେଇଥିଲେ ହେଲେ ସତ୍ତାକୁ ଆସିବା ପରେ ଭୁଲିଗଲେ । ହେଲେ ବିଜେପି ସରକାର କଲେ ଚାଷୀଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିବ । ଚାଷୀଙ୍କ ଆୟକୁ ଦୁଇଗୁଣା କରିବ ବୋଲି କହିଛନ୍ତି ବିଜେପି ନେତା ପ୍ରଦୀପ ପୁରୋହିତ ।