କନକ ବ୍ୟୁରୋ : ଜିବିଟି ଘୋଟାଲା ପଡିଲା ମହଙ୍ଗା । ଏବେ ହରିୟାଣାର ପୂର୍ବତନ ମୁଖ୍ୟମନ୍ତ୍ରୀ ଓମ୍ ପ୍ରକାଶ ଚୌତାଲାଙ୍କୁ କୋର୍ଟ ଦୋଷୀ ସାବ୍ୟସ୍ତ କରିବା ସହ ୪ ବର୍ଷ ଜେଲଦଣ୍ଡରେ ଦଣ୍ଡିତ କରିଛନ୍ତି । ଦିଲ୍ଲୀର ଏକ ଅଦାଲ ଏହି ମାମଲାର ଶୁଣାଣି କରି ଚୌତାଲାଙ୍କୁ ୪ ବର୍ଷ ଜେଲ ଦଣ୍ଡ ସହ ୫୦ ଲକ୍ଷ ଟଙ୍କା ଜରିମାନା ଦେବାକୁ କହିଛନ୍ତି । ଏହାସହ ଚୌତାଲାଙ୍କର ୪ ଟି ସମ୍ପତ୍ତି ଜବତ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କହିରଖୁ କି ୨୦୦୮ ମସିହାରେ ପୂର୍ବତନ ମୁଖ୍ୟମନ୍ତ୍ରୀ ଓମ୍ ପ୍ରକାଶ ଚୌତାଲାଙ୍କ ସମେତ ୫୩ ଜଣଙ୍କ ନାମରେ ମାମଲା ରୁଜୁ ହୋଇଥିଲା । ଏହି ମାମଲାରେ କୁହାଯାଇଥିଲାକି ୧୯୯୯ ମସିହାରୁ ୨୦୦୦ ମସିହା ମଧ୍ୟରେ ରାଜ୍ୟରେ ୩,୨୦୬ ଜୁନିୟର ବେସୟିକ ପ୍ରଶିକ୍ଷିତ ଶିକ୍ଷକ ନିଯୁକ୍ତିରେ ଏମାନଙ୍କର ସଂପୃକ୍ତି ଥିଲା ।
ସେପଟେ ଏହି ମାମଲାରେ ଚୌତାଲା ଜାମିନ ପାଇବାକୁ ଦିଲ୍ଲୀ ହାଇକୋର୍ଟରେ ଆବେଦନ କରିପାରିବେ । ସିବିଆଇ ଦ୍ୱାରା ଦାଖଲ କରାଯାଇଥିବା ଅଭିଯୋଗ ମୁାବକ ୧୯୯୩ ଓ ୨୦୦୬ ରେ ଚୌତାଲା ବେଆଇନ ଭାବେ ୬.୦୯ କୋଟି ଟଙ୍କାର ସମ୍ପତ୍ତି ଠୁଳ କରିଥିଲେ । ୨୦୧୯ ମେ ମାସରେ ଇଡି ତରଫରୁ ଚୌତାଲାଙ୍କର ବିଭିନ୍ନ ବାସସ୍ଥାନରେ ଚଢାଉ କରି ୩.୬ କୋଟିରୁ ଅଧିକ ଟଙ୍କାର ସମ୍ପତ୍ତି ଜବତ କରିଥିଲା ।
ସେପଟେ ୨୦୧୩ ମସିହାରେ ଓମ୍ ପ୍ରକାଶ ଚୌତାଲା ଓ ତାଙ୍କ ପୁଅ ଅଜୟ ସିଂ ଚୌତାଲାଙ୍କୁ ଦୁର୍ନିତୀ ନିବାରଣ ଅଧିନିୟମ ଆଧାରରେ ୧୦ ବର୍ଷ ଜେଲଦଣ୍ଡରେ ଦଣ୍ଡିତ କରଯାଇଥିଲା । ଏହି ଘୋଟାଲରେ ୩୦୦୦ ରୁ ଅଧିକ ଅଯୋଗ୍ୟ ବ୍ୟକ୍ତିଙ୍କୁ ଶିକ୍ଷକ ଭାବେ ନିଯୁକ୍ତ କରାଯାଇଥିଲା ।