ଚିଲିକା ବ୍ଲକ୍ ବାଲୁଗାଁ ହାଇସ୍କୁଲରେ ‘ମୋ ସ୍କୁଲ’ ଅଭିଯାନ କାର୍ଯ୍ୟକ୍ରମ । ସ୍କୁଲକୁ ଲକ୍ଷେ ଟଙ୍କାର ସହାୟତା ଦେଲେ ୧୯୯୨ ବ୍ୟାଚର ଛାତ୍ରଛାତ୍ରୀ
କନକ ବ୍ୟୁରୋ : ରାଜ୍ୟ ସରକାରଙ୍କ ମୋ ସ୍କୁଲ ଅଭିଯାନର ଏକ କାର୍ଯ୍ୟକ୍ରମ ଚିଲିକା ବ୍ଲକ୍ ବାଲୁଗାଁ ହାଇସ୍କୁଲ ପରିସରରେ ରବିବାର ଦିନ ଆୟୋଜିତ ହୋଇଛି । ୧୯୯୨ ବ୍ୟଚ୍ର ପୁରାତନ ଛାତ୍ରଛାତ୍ରୀମାନେ ଏ ଅବସରରେ ସ୍କୁଲକୁ ଏକଲକ୍ଷ ଟଙ୍କାର ଚେକ୍ ପ୍ରଦାନ କରିଛନ୍ତି । ପୁରୁଣା ଶିକ୍ଷକମାନଙ୍କୁ ସମ୍ମାନପତ୍ର, ଉପଢୌକନ, ପୁଷ୍ପଗୁଚ୍ଛ ସହ ସମ୍ବର୍ଦ୍ଧିତ କରାଯାଇଛି । ଦୀର୍ଘ ୩୦ ବର୍ଷ ପରେ ସ୍କୁଲ ପରିସରରେ ଗୁରୁ- ଶିଷ୍ୟ ମିଳନର ଏକ ଭାବବିହ୍ୱଳ ପରିବେଶ ସୃଷ୍ଟି ହୋଇଥିଲା । ଦିବଂଗତ ଶିକ୍ଷକ ଓ ଛାତ୍ରଛାତ୍ରୀଙ୍କ ଉଦେଶ୍ୟରେ ଏକ ମିନିଟର ନିରବ ପ୍ରାର୍ଥନା କରାଯାଇଥିଲା । ଆମେରିକା, ଲଂଣ୍ଡନ, ମୁମ୍ବାଇ, ବେଙ୍ଗଳୁରୁରେ ରହୁଥିବା ଛାତ୍ରଛାତ୍ରୀମାନେ ଭର୍ଚୁଆଲ ମାଧ୍ୟମରେ କାର୍ଯ୍ୟକ୍ରମରେ ଯୋଡି ହୋଇଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଭିନ୍ନ କ୍ଷେତ୍ରରେ ପ୍ରତିଷ୍ଠା ଲାଭ କରିଥିବା ପୁରୁଣା ଛାତ୍ରଛାତ୍ରୀମାନେ ବିଦ୍ୟାଳୟଗୁଡିକର ବିକାଶ ଦିଗରେ ନିଜ ଅବଦାନ ଜାରି ରଖିବାକୁ ମତ ପ୍ରକାଶ ପାଇଥିଲା । ୭୦-୮୦ ବର୍ଷ ବୟସରେ ବି ଖୁବ୍ ଆଗ୍ରହର ସହ କାର୍ଯ୍ୟକ୍ରମରେ ଯୋଗ ଦେଇ ଅବସରପ୍ରାପ୍ତ ପ୍ରାକ୍ତନ ଶିକ୍ଷକମାନେ ଛାତ୍ରଛାତ୍ରୀଙ୍କୁ ଆଶୀର୍ବାଦ କରି ଅନେକ ଉପାଦେୟ ପରାମର୍ଶ ପ୍ରଦାନ କରିଛନ୍ତି । ସଂଗ୍ରାମ କେଶରୀ ଷଡଙ୍ଗୀ ଉଦଘାନୀ ଅଭିଭାଷଣ ଦେଇଥିବା ବେଳେ ଭଗତ ବେହେରା ଧନ୍ୟବାଦ ଅର୍ପଣ କରିଥିଲେ । ଶ୍ରୀପତି ପ୍ରହରାଜ, ନିରଂଜନ ବିଶ୍ୱାଳ, ବ୍ରଜସୁନ୍ଦର ବେହେରା, ସଂଜିତ ନାୟକ, ଜୟଦେବ ପାତ୍ର, ମଧୁସ୍ମିତା ହୋତା, କବିତା ବୈରୀଗଂଜନ ଆଦି ପୁରାତନ ଛାତ୍ରଛାତ୍ରୀ କାର୍ଯ୍ୟକ୍ରମକୁ ସଫଳ କରିବାରେ ପ୍ରମୁଖ ଭୂମିକା ନିର୍ବାହ କରିଥିଲେ ।