ଗୁଜରାଟ ଉପକୂଳରୁ ଜବତ ହେଲା ୨୦୦ କୋଟି ଟଙ୍କାର ଡ୍ରଗ୍ସ, ୬ ପାକିସ୍ତାନୀ ଗିରଫ
କନକ ବ୍ୟୁରୋ : ଗୁଜରାଟର ଆତଙ୍କବାଦୀ ନିରୋଧୀ ସ୍କ୍ୱାର୍ଡକୁ ଏକ ବଡ ସଫଳତା ମିଳିଛି । ଏଠାରେ କୋଷ୍ଟଗାର୍ଡ ଓ ଆତଙ୍କବାଦୀ ନିରୋଧୀ ସ୍କ୍ୱାର୍ଡର ମିଳିତ ଅପରେସନ ବେଳେ ଡ୍ରଗ୍ସ କାରବାରର ଏକ ବଡ ରାକେଟ ଧରାପଡିଛି । ସେମାନଙ୍କ ଠାରୁ ୪୦ କିଲୋ ଓଜନର ୨୦୦ କୋଟି ଟଙ୍କାର ଡ୍ରଗ୍ସ ଜବତ କରାଯାଇଛି । ବୁଧବାର ଦିନ ଗୁଜରାଟ ଉପକୂଳରେ ଏକ ବୋଟ ସହାୟତାରେ ୬ ଜଣ ପାକିସ୍ତାନୀ ନାଗରିକ ଏହି ଡ୍ରଗ୍ସ ନେଇ ଭାରତ ଭିତରକୁ ପଶିବାକୁ ଉଦ୍ୟମ କରୁଥିବା ବେଳେ ତାଙ୍କୁ ଧରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଆତଙ୍କବାଦୀ ନିରୋଧୀ ସ୍କ୍ୱାର୍ଡର ଜଣେ ଅଧିକାରୀ କହିଛନ୍ତି କି କଚ୍ଛ ଜିଲ୍ଲାର ଜାଖୌ ବନ୍ଦର ନିକଟରେ ତଟରକ୍ଷୀ ବାହିନୀ ଏବଂ ଏଟଏସର ଏକ ମିଳିତ ଦଳ ଡ୍ରଗ୍ସ ନେଇଯାଉଥିବା ଏକ ମାଛଧରା ଡଙ୍ଗାକୁ ମଝି ସମୁଦ୍ରରେ ଅଟକାଇଥିଲା । ଏହି ଡ୍ରଗ୍ସକୁ ପଞ୍ଜାବ ସପ୍ଲାଏ କରିବାର ଯୋଜନା ଥିବା କଥା ଜଣାପଡିଛି । ଏହି ଡଙ୍ଗାରୁ ୪୦ କିଲୋ ଡ୍ରଗ୍ସ ଜବତ କରାଯାଇଛି । ଜାହାର ଆନୁମାନିକ ବଜାର ମୂଲ୍ୟ ୨୦୦ କୋଟି ଟଙ୍କା ହେବ ବୋଲି କୁହାଯାଇଛି ।