ବନ୍ୟାରେ ଅସ୍ତବ୍ୟସ୍ତ ଜନଜୀବନ : ଉଜୁଡିଛି ଚାଷଜମି, ଚାଷୀ ମୁଣ୍ଡରେ ଚଡ଼କ
କନକ ବ୍ୟୁରୋ : ଲଗାଣ ବର୍ଷା ଆଉ ବନ୍ୟାରେ ଅସ୍ତବ୍ୟସ୍ତ ହୋଇପଡ଼ିଛି ଜନଜୀବନ । ବିଭିନ୍ନ ସ୍ଥାନ ଜଳମଗ୍ନ ହୋଇପଡ଼ିଥିବା ବେଳେ ପାଣି ଘେରରେ ବନ୍ଦୀ ହୋଇ ରହିଛନ୍ତି ଲୋକେ । ଅନ୍ୟ ସ୍ଥାନ ଭଳି ବଡ଼ମ୍ବା ନୂଆବାଙ୍ଗେରୀସିଂହା, ନରଣପୁର ଓ ଯୋଡୁମୁ ଗାଁ ବନ୍ୟା ଯୋଗୁଁ ବାହ୍ୟ ଜଗତରୁ ବିଚ୍ଛିନ୍ନ ହୋଇପଡ଼ିଛି । ଯୋଡୁମୁ ଅଞ୍ଚଳରେ ପାଣି ଜମି ରହିଥିବା ବେଳେ ଲୋକେ ଜଳବନ୍ଦୀ ହୋଇରହିଛନ୍ତି । ସେଠାରେ ଥିବା ବିଦ୍ୟାଳୟ ଘରେ ୫ଫୁଟର ପାଣି ଜମି ରହିଥିବା ବେଳେ ସ୍କୁଲ ବି ବନ୍ଦ ହୋଇପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ମହାନଦୀରେ ବନ୍ୟା ଆସିବା ସହିତ ହେକ୍ଟର ହେକ୍ଟର ଚାଷ ଜମିରେ ୧୦ରୁ ୧୨ଫୁଟ ଯାଏ ବନ୍ୟା ଜଳ ପ୍ରବେଶ କରିଛି । ବନ୍ୟା ପାଣି ଯୋଗୁ ବାଙ୍ଗରିସିଙ୍ଗା, ନରଣପୁର ଭଳି ଅଞ୍ଚଳ ଏବେ ବି ଜଳବନ୍ଦୀରେ ରହିଛନ୍ତି ଲୋକେ । ଜଳବନ୍ଦୀରେ ଲୋକେ ରହୁଥିବା ବେଳେ ଚାଷଜମି ବି ଉଜୁଡି ଯାଇଛି । ଯାହା ଫଳରେ ଚାଷୀ ମୁଣ୍ଡରେ ପଡ଼ିଛି ଚଡ଼କ । ଏଥିପ୍ରତି ଗୁରୁତ୍ୱ ଦିଆଯାଇ ପ୍ରଶାସନ ପକ୍ଷରୁ ସହାୟତା ଯୋଗାଇବାକୁ ସାଧାରଣ ଲୋକ ଦାବି କରିଛନ୍ତି ।