ଟ୍ୱିଟର କିଣିବା ନେଇ ଡିଲକୁ ବାତିଲ କଲେ ଏଲନ ମସ୍କ : ୪୪ ବିଲିୟନ ଡଲାରରେ କିଣିବାକୁ ଏପ୍ରିଲରେ ହୋଇଥିଲା ଚୁକ୍ତି
କନକ ବ୍ୟୁରୋ : ମଗାଯାଇଥିବା ଆବଶ୍ୟକ ତଥ୍ୟ ଟ୍ୱିଟର ଦେଇପାରିଲାନି ତେଣୁ ଡିଲକୁ ବାତିଲ କରୁଛନ୍ତି ବୋଲି ଟେସଲାର ସିଇଓ ତଥା ବିଶ୍ୱର ସବୁଠୁ ଧନୀ ବ୍ୟକ୍ତି ଏଲନ ମସ୍କ କହିଛନ୍ତି । ଶୁକ୍ରବାର ମସ୍କ କହିଛନ୍ତି ଯେ ସେ ଟ୍ୱିଟରକୁ କିଣିବା ପାଇଁ ତାଙ୍କର ୪୪ ବିଲିୟନ ଡଲାରର ଚୁକ୍ତିକୁ ସମାପ୍ତ କରୁଛନ୍ତି । ସୋସିଆଲ ମିଡିଆ କମ୍ପାନୀ ଟ୍ୱିଟର ଫେକ୍ ଆକାଉଣ୍ଟ ବିଷୟରେ ସୂଚନା ପ୍ରଦାନ କରିବାରେ ବିଫଳ ହୋଇଛି । ତେଣୁ ସେ ଡିଲ୍ ବାତିଲ କରୁଛନ୍ତି ବୋଲି କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏବେ ଟ୍ରେଡିଂରେ ଟ୍ୱିଟରର ସେୟାର ୭% ହ୍ରାସ ପାଇଛି । ମସ୍କ ଏପ୍ରିଲରେ ପ୍ରତି ସେୟାର ପିଛା ୫୪.୨୦ ଡଲାର ଅଫର କରିଥିଲେ । ଅନ୍ୟପଟେ ମାଇକ୍ରୋ ବ୍ଲଗିଂ ପ୍ଲାଟଫର୍ମରେ ଟ୍ୱିଟରର ଅଧ୍ୟକ୍ଷ ବ୍ରେଟ୍ ଟେଲୋ କହିଛନ୍ତି ଯେ, ବୋର୍ଡ ଏହି ମିଶ୍ରଣ ଚୁକ୍ତିକୁ କାର୍ଯ୍ୟକାରୀ କରିବା ପାଇଁ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯୋଜନା କରିଛି । ମସ୍କଙ୍କ ସହ ସହମତି ହୋଇଥିବା ମୂଲ୍ୟ ଏବଂ ସର୍ତାବଳୀ ଉପରେ କାରବାର ବନ୍ଦ କରିବା ପାଇଁ ପ୍ରତିଶ୍ରୁତିବଦ୍ଧ । ମସ୍କଙ୍କ ଓକିଲମାନେ କହିଛନ୍ତି ଯେ ଟ୍ୱିଟର ପ୍ଲାଟଫର୍ମରେ ଫେକ୍ କିମ୍ବା ସ୍ପାମ ଆକାଉଣ୍ଟ ବିଷୟରେ ସୂଚନା ପାଇଁ ଏକାଧିକ ଅନୁରୋଧର ଉତ୍ତର ଦେବାରେ ବିଫଳ ହୋଇଛି ।