ବଢ଼ୁଛି ସୋମାଲିକା-ବିଜୟଶଙ୍କର ବିବାଦ : ଥାନାରେ ପୁଣି ଅଭିଯୋଗ କଲେ ସୋମାଲିକା; ଫୋନରେ ଧମକ ଦିଆଯାଉଥିବା ଆଣିଲେ ଅଭିଯୋଗ
କନକ ବ୍ୟୁରୋ : ତିର୍ତ୍ତୋଲ ବିଧାୟକ ବିଜୟ ଶଙ୍କର ଦାସ ଓ ତାଙ୍କ ବାନ୍ଧବୀ ସୋମାଲିକା ଦାସଙ୍କ ବିବାଦ ଲାଗି ରହିଥିବା ବେଳେ ଜଗତସିଂହପୁର ଥାନାରେ ଆଉ ଏକ ଅଭିଯୋଗ କରିଛନ୍ତି ସେ।।ମଲିକା । ସେ ଏହି ଲିଖିତ ଅଭିଯୋଗରେ ଦର୍ଶାଇଛନ୍ତି ଯେ, ବିଧାୟକ ତାଙ୍କ ସହଯୋଗୀଙ୍କ ସହାୟତାରେ ତାଙ୍କୁ ଫୋନ ଯୋଗେ ଧମକ ଦେଉଛନ୍ତି । ଏହା ସହ ବୁଝାମଣା କରିବାକୁ ତାଙ୍କ ଉପରେ ଚାପ ପ୍ରୟୋଗ କରାଯାଉଥିବା ସେ କହିଛନ୍ତି । ଏହା ସହ ତାଙ୍କ ବନ୍ଧୁଙ୍କ ଫଟୋକୁ ଭାଇରାଲ କରିବା ଓ ମାନସିକ ନିର୍ଯାତନା ଦେଉଥିବା ନେଇ ସୋମଲିକା ବିଜୟ ଶଙ୍କରଙ୍କ ନିକଟରେ ଅଭିଯୋଗ କରିଛନ୍ତି । ନିକଟରେ ଏକ ଅଡିଓ କ୍ଲିପ୍ ସାମ୍ନାକୁ ଆସିଥିଲା । ଏଥିରେ ନିଜକୁ ବିଧାୟକଙ୍କ ସହଯୋଗୀ ବୋଲି ଦର୍ଶାଉଥିବା ଜଣେ ବ୍ୟକ୍ତି ସୋମାଲିକାଙ୍କୁ ଫୋନ କରି ବୁଝାମଣା କରିବାକୁ କହୁଥିବା ଶୁଣିବାକୁ ମିଳିଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ଅଜଣା ବ୍ୟକ୍ତି ଜଣକ ସୋମାଲିକାଙ୍କ ପାଖକୁ ଫୋନ୍ କରି ମାମଲାକୁ ରଫାଦଫା କରିଦେବା ସହ କ’ଣ ଗୋଟେ ସମାଧାନ ବାହାର କରିବାକୁ କହିଥିଲେ । ପରୋକ୍ଷ ଚେତାବନୀ ବି ଦେଇଥିଲେ । ସୋମାଲିକା ସେହି ଫୋନ୍କଲ୍ ସଂକ୍ରାନ୍ତରେ ଆଜି ଥାନାରେ ଲିଖିତ ଅଭିଯୋଗ କରିଛନ୍ତି। ଗୋଟିଏପଟେ ସୋମାଲିକା ଥାନାରେ ବସି ଏତଲା ଦେଉଥିବା ବେଳେ ତାଙ୍କ ଫେସବୁକ୍ ଆଇଡିରୁ ଭିଡିଓ ଓ ଫଟୋ କାଢ଼ି ଏହାକୁ ଏଡିଟିଂ କରି ଜଣେ ଯୁବକ ନିଜ ଫେସ୍ବୁକ୍ରେ ଭିଡିଓ ଭାଇରାଲ୍ କରୁଥିବା ସେ ଅଭିଯୋଗ କରିଛନ୍ତି। ଏ ନେଇ ଥାନା ଅଧିକାରୀଙ୍କୁ ସେ କାନ୍ଦିକାନ୍ଦି ଜଣାଇବା ସହ ଘଟଣାରେ ସମ୍ପୃକ୍ତ ଅଭିଯୁକ୍ତଙ୍କୁ ଧରିବାକୁ ନିବେଦନ କରିଛନ୍ତି । ଜଣେ ଯୁବକଙ୍କ ସହ ଫଟୋକୁ ଯୋଡ଼ି ଭାଇରାଲ୍ କରାଯାଉଥିବା ସେ କହିଛନ୍ତି । ଭାଇରାଲ୍ କରୁଥିବା ଯୁବକ ତିର୍ତ୍ତୋଲ ନିର୍ବାଚନମଣ୍ଡଳୀ ଅଞ୍ଚଳର ଓ ୨୦୧୯ର ଫଟୋକୁ ଭାଇରାଲ୍ କରାଯାଉଛି। ପୁଲିସ କାର୍ଯ୍ୟାନୁଷ୍ଠାନ ନେଉ ନ ଥିବାରୁ ଏବେ ସେ ସାଂଘାତିକ ମାନସିକ ଚାପରେ ଥିବା କହିଛନ୍ତି ।