ସକାଳୁ ସକାଳୁ ପ୍ରବଳ ତାତି । ସାଢ଼େ ୮ଟା ସୁଦ୍ଧା ୭ଟି ସହରରେ ତାପମାତ୍ରା ଡେଇଁଲା ୩୦ ଡିଗ୍ରୀ । କେନ୍ଦୁଝରରେ ସର୍ବାଧିକ ତାପମାତ୍ରା।
କନକ ବ୍ୟୁରୋ: ଅସହ୍ୟ ଗରମ ଓ ଗୁଳୁଗୁଳିରେ ଆଉଟୁପାଉଟୁ ହେଉଛି ସାରା ଓଡିଶା । ଉପକୂଳରୁ ଉପାନ୍ତ, ସକାଳୁ ଜଳିଲାଣି । ପ୍ରବଳ ଗରମ ସାଙ୍ଗକୁ ଗୁଳୁଗୁଳି ସ୍ୱାଭାବିକ ଜୀବନ ଯାତ୍ରାକୁ ପ୍ରଭାବିତ କରିଛି ।
Kanak News is now on WhatsApp
Join and get latest news updates delivered to you via WhatsApp
ପାଣିପାଗ ବିଭାଗର ସୂଚନା ଅନୁସାରେ, ସକାଳ ସାଢେ ୮ଟା ସୁଦ୍ଧା ୭ଟି ସହରରେ ତାପମାତ୍ରା ୩୦ ଡିଗ୍ରୀ ଅତିକ୍ରମ କରିଛି । କେନ୍ଦୁଝରରେ ସର୍ବାଧିକ ତାପମାତ୍ରା ୩୨.୬ ଡିଗ୍ରୀ ରେକର୍ଡ କରାଯାଇଛି । ଚାନ୍ଦବାଲିରେ ୩୧.୬ ଡିଗ୍ରୀ, ୩୧.୨ ଡିଗ୍ରୀ ଉପରେ ପାରଦ ରହିଥିବା ବେଳେ ବାଲେଶ୍ୱର, ଝାରସୁଗୁଡା, ସମ୍ବଲପୁର, ପୁରୀରେ ୩୦ ଡିଗ୍ରୀ ଉପରେ ରହିଛି ତାପମାତ୍ରା । ସେହିଭଳି ରାଉରକେଲା ଓ ପାରାଦୀପରେ ୩୦ ଡିଗ୍ରୀ ଛୁଇଁଛି ତାତି । ହୀରାକୁଦ ଓ ଗୋପାଳପୁରରେ ୨୯ ଡିଗ୍ରୀ ଯାଏଁ ପାଦର ଚଢିଛି । ଗତକାଲି ମାଲକାନଗିରି ଓ ବୌଦ୍ଧ ଜିଲ୍ଲାରେ ଦିନର ସର୍ବାଧିକ ତାପମାତ୍ରା ୪୨ ଡିଗ୍ରୀ ରେକର୍ଡ କରାଯାଇଥିଲା । ଆହୁରି ଦୁଇଦିନ ଯାଏଁ ତାତିରୁ ନିସ୍ତାର ମିଳିବ ନାହିଁ ବୋଲି ଆକଳନ କରିଛି ଆଂଚଳିକ ପାଣିପାଗ ବିଜ୍ଞାନ କେନ୍ଦ୍ର ।