କନକ ବ୍ୟୁରୋ: ସନାତନ ଧର୍ମକୁ ଉଦୟନିଧୀ ଷ୍ଟାଲିନ୍ ଡେଙ୍ଗୁ, ମାଲେରିଆ ସହ ତୁଳନା କରିବା ପରେ ଅସନ୍ତୋଷ ପ୍ରକାଶ କରିଛନ୍ତି ସନ୍ଥ । ଉତ୍ତ୍ୟକ୍ତ ହୋଇଛନ୍ତି ଅଯୋଧ୍ୟା ସ୍ଥିତ ଛାନବି ମନ୍ଦିରର ମୁଖ୍ୟ ପୂଜାରୀ ପରମହଂସ ଆଚାର୍ଯ୍ୟ । ‘ଉଦୟନିଧୀଙ୍କ ମୁଣ୍ଡ କାଟିଆଣିଲେ ୧୦ କୋଟି ଦେବେବୋଲି ଘୋଷଣା କରିଛନ୍ତି ।ଏହାକୁ ନେଇ ପ୍ରତିକ୍ର୍ରିୟା ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ତାମିଲନାଡୁ ମୁଖ୍ୟମନ୍ତ୍ରୀ ଏମ କେ ଷ୍ଟାଲିନଙ୍କ ପୁଅ ତଥା ତାମିଲନାଡୁ କ୍ୟାବିନେଟ୍ ମନ୍ତ୍ରୀ ଉଦୟନିଧୀ ଷ୍ଟାଲିନ୍ ଏକ ଜନ ସଭାରେ ସନାତନ ଧର୍ମକୁ ଡେଙ୍ଗୁ ଓ ମ୍ୟାଲେରିଆ ସହ ତୁଳନା କରି ବିବାଦୀୟ ମନ୍ତବ୍ୟ ଦେଇଥିଲେ । ଏହାପରେ ଅଯୋଧ୍ୟର ସନ୍ଥ ପରମହଂସ ଆଚାର୍ଯ୍ୟ ଏକ ଭିଡିଓ ଜାରି କରିଛନ୍ତି । ସନ୍ଥ ଗୋଟିଏ ହାତରେ ଉଦୟନିଧୀଙ୍କ ପ୍ରତିକାତ୍ମକ ଫଟୋ ଧରିବା ସହ ଆଉ ଏକ ହାତରେ ଖଣ୍ଡା ଧରିଛନ୍ତି । ଖଣ୍ଡାରେ ପ୍ରତୀକାତ୍ମକ ଚିତ୍ରର ମୁଣ୍ଡ କାଟିବାର ଦେଖିବାକୁ ମିଳିଛି । ଏହାସହ ଉଦୟନିଧିଙ୍କ ମୁଣ୍ଡ ଯିଏ କାଟି ଆଣିବ ତାକୁ ୧୦ କୋଟି ପୁରସ୍କାର ଦେବାକୁ ଘୋଷଣା କରିଛନ୍ତି ସନ୍ଥ ।
ଏଥିରେ ପ୍ରତିକ୍ରିୟ ପ୍ରକାଶ କରିଛନ୍ତି ଉଦୟନିଧୀ ଷ୍ଟାଲିନ୍ । କହିଛନ୍ତି ‘ ଦେଶର ଜଣେ ସ୍ୱାମୀ ମୋ ମୁଣ୍ଡ କାଟିବା କଥା କହିଛନ୍ତି । ସେ ଅସଲି ନା ଡୁପ୍ଲିକେଟ୍ ସନ୍ଥ? ମୋ ମୁଣ୍ଡ ତାଙ୍କୁ ଏତେ ଭଲ ଲାଗୁଛି ଯେ କାଟିବାକୁ କହିଛନ୍ତି । ପୁରସ୍କାର ଦେବାକୁ ୧୦ କୋଟି ଟଙ୍କା କେଉଁଠୁ ଆଣିବେ? ଯଦି ମୋ ମୁଣ୍ଡରେ ଥିବା ଚୁଟିକୁ କୁଣ୍ଡାଇବାକୁ ୧୦ ଟଙ୍କାର ପାନିଆ ସେ ମୋତେ ଦିଅନ୍ତି ତାହେଲେ ମୁଁ ନିଜେ ମୋ ମୁଣ୍ଡ କାଟିଦେବି’ ।
ଉଦୟନିଧୀ ସନାତନ ଧର୍ମକୁ ନେଇ ବିବାଦୀୟ ମନ୍ତବ୍ୟ ଦେସବା ପରେ ବିଭିନ୍ନ ମହଲରେ ପ୍ରକିକ୍ରିୟା ଦେଖାଦେଇଛି । ବିଶେଷ କରି ହିନ୍ଦୁ ସନ୍ଥଙ୍କ ମଧ୍ୟରେ ଘୋର ଅସନ୍ତୋଷ ପ୍ରକାଶ ପାଇଛି ।