ବାରକୋଟରେ ମିଶନ ଶକ୍ତି ଋଣ ମେଳା ଅନୁଷ୍ଠିତ : ୨୫୭ଟି ଏସଏଚଜି ଗ୍ରୁପକୁ ୮କୋଟି ୩୬ଲକ୍ଷ ଟଙ୍କାର ଋଣ ପ୍ରଦାନ
କନକ ବ୍ୟୁରୋ : ମିଶନ ଶକ୍ତି ବିଭାଗ ପକ୍ଷରୁ ଦେବଗଡ ବାରକୋଟ ବ୍ଲକ ଠାରେ ମିଶନ ଶକ୍ତି ଋଣ ମେଳା ଅନୁଷ୍ଠିତ ହୋଇଯାଇଛି । ଜିଲ୍ଲାପାଳ ସୋମେଶ କୁମାର ଉପାଧ୍ୟାୟଙ୍କ ଅଧ୍ୟକ୍ଷତାରେ ଆୟୋଜିତ ଏହି ଋଣ ମେଳାରେ ମୁଖ୍ୟ ଅତିଥି ଭାବେ ମିଶନ ଶକ୍ତି ଓ ମହିଳା ଶିଶୁ ବିଭାଗ ମନ୍ତ୍ରୀ ବାସନ୍ତୀ ହେମରମ ଯୋଗଦେଇ ବାରକୋଟ ବ୍ଲକର ୨୫୭ ଏସଏଚଜିଙ୍କ ଆର୍ôଥକ ମେରୁଦଣ୍ଡକୁ ସୁଦୃଢ କରିବା ଉଦ୍ଦେଶ୍ୟରେ ୮ କୋଟି ୩୬ ଲକ୍ଷ ଟଙ୍କା ଋଣ ପ୍ରଦାନ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ଚଳିତ ବର୍ଷ ଦେବଗଡ଼ ଜିଲ୍ଲାରେ ଥିବା ତିନୋଟି ବ୍ଲକର ମୋଟ ୬୭୫ ଏସଏଚଜି ଗ୍ରୁପକୁ ମିଶନ ଶକ୍ତି ବିଭାଗ ବିଭିନ୍ନ ବ୍ୟାଙ୍କ ଜରିଆରେ ୨୪ କୋଟି ୫୩ ଲକ୍ଷ ଟଙ୍କା ଋଣ ଯୋଗାଇଛି । ସେଥି ମଧ୍ୟରୁ ବାରକୋଟ ବ୍ଲକର ୨୫୭ ମହିଳା ଏସଏଚଜିକୁ ୮ କୋଟି ୩୬ ଲକ୍ଷ, ରିଆମାଳ ବ୍ଲକର ୨୨୦ ଏସଏଚଜି ଗ୍ରୁପକୁ ୮ କୋଟି ୩୯ ଲକ୍ଷ ଓ ତିଳେଇବଣି ବ୍ଲକର ୧୯୮ ଏସଏଚଜି ଗ୍ରୁପକୁ ୭ କୋଟି ୭୮ ଲକ୍ଷ ଟଙ୍କାଋଣ ଯୋଗାଇ ଦିଆଯାଇଛି । ଏସଏଚଜି ଗ୍ରୁପଙ୍କୁ ଯୋଗାଇ ଦିଆଯାଇଥିବା ଏହି ଋଣ ସହାୟତା ଆଗାମୀ ଦିନରେ ସେମାନଙ୍କ ବିକାଶରେ ନୂଆ ଫର୍ଦ୍ଦ ଯୋଡିବ ବୋଲି ମିଶନ ଶକ୍ତି ବିଭାଗ ପକ୍ଷରୁ ଆଶା କରାଯାଇଛି ।