କନକ ବ୍ୟୁରୋ : ବେଦାନ୍ତ ଆଲୁମିନିୟମ, ଭାରତର ସର୍ବବୃହତ ଆଲୁମିନିୟମ ଉତ୍ପାଦକ ବ୍ୟାପକ ଗ୍ରୀଷ୍ମ ପ୍ରଭାବ ଜନିତ ସଚେତନତା କାର୍ୟ୍ୟକ୍ରମ ଆୟୋଜନ କରିଥିଲା । ଗୋଷ୍ଠୀର ଲୋକମାନଙ୍କୁ ଉତାପର ପ୍ରଭାବରୁ ନିଜକୁ ସୁରକ୍ଷିତ ରଖିବା ବିଷୟରେ ଉପଯୁକ୍ତ ସତର୍କ କରାଯାଇଥିଲା । ଏଥିପାଇଁ ବଢେଇମୁଣ୍ଡା ଛକ, ଘରୋଇ ବସଷ୍ଟାଣ୍ଡ, ରେଳ ଷ୍ଟେସନ, ସରବାହାଲ ଛକ, ବିଟ.ମ ଛକ ସହିତ ୨୮ ଟି ଗ୍ରାମରେ ଲୋକମାନଙ୍କୁ ସଚେତନ କରାଇଥିଲା । ଲାଇଭ ଅଧିବେଶନ, ଲିଫଲେଟ ବଂଟନ ଓ ଓଆରଏସ ପାଉଡର ବିତରଣ ମାଧ୍ୟମରେ ଏକ ସପ୍ତାହବ୍ୟାପୀ ଏହି କାର୍ୟ୍ୟକ୍ରମ ସଫଳତାର ସହ ୬୫୦୦ରୁ ଅଧିକ ଲୋକଙ୍କ ପାଖରେ ପହଁଚିଥିଲା ।
Kanak News is now on WhatsApp
Join and get latest news updates delivered to you via WhatsApp
ଅଂଶୁଘାତ ହେଉଛି ଏକ ଗରୁତର ସମସ୍ୟା ଯେତେବେଳକି ଶରୀରରୁ ଜଳୀୟ ଅଂଶ ହ୍ରାସ ପାଇ ଲୋକ ଅସୁସ୍ଥ ହୋଇ ଯାଏ । ତାପମାତ୍ରା ବୃଦ୍ଧି ଓ ଜଳବାୟୁ ପରିବର୍ତନ ସହିତ ଅଂଶୁଘାତ ବିଷୟରେ ଲୋକମାନଙ୍କୁ ସଚେତନ କରାଇବା ଓ ପ୍ରତିଷେଧକ ବିଷୟରେ ବୁଝାଇବା ଉପରେ ସଚେତନ କରାଯାଇଥିଲା । ଅଂଶୁଘାତକୁ ଚିହ୍ନିବା କ୍ଷଣି ତୁରନ୍ତ ଉପଚାର ବ୍ୟବସ୍ଥା କିପରି ଗ୍ରହଣ କରାଯିବ ସେ ବିଷୟରେ ଲୋକମାନଙ୍କୁ ବୁଝାଯାଇଥିଲା । ଏହି ସମୟରେ ବିଶେଷ ଶାରୀରିକ ପରିଶ୍ରମ ନକରିବା ପାଇଁ ଲୋକଙ୍କୁ ବୁଝାଯାଇଥିଲା ।
ଠିକ ସମୟରେ ଲୋକମାନଙ୍କୁ ସଚେତନ କରିବାକୁ ଉଦ୍ୟମ କରୁଥିବାରୁ କମ୍ପାନିକୁ ଧନ୍ୟବାଦ ଜଣାଇ ଜିଲ୍ଲା ମୁଖ୍ୟ ଚିକିତ୍ସା ଅଧିକାରୀ, ଝାରସୁଗୁଡ଼ା ଡ. ଦୋଳମଣି ପଟେଲ କହିଛନ୍ତିଯେ- ଗୋଷ୍ଠୀ ସ୍ୱାସ୍ଥ୍ୟ ଅଭିବୃଦ୍ଧି ପାଇଁ ମୁଁ ବେଦାନ୍ତ ଆଲୁମିନିୟମକୁ ଧନ୍ୟବାଦ ଜଣାଉଛି । ଲୋକଙ୍କୁ ପ୍ରାଥମିକ ପର୍ୟ୍ୟାୟରେ ସଚେତନ କରାଇ ଆମେ ବିପଦକୁ ସଫଳତାର ସହ ମୁକାବିଲା କରିପାରିବା ।
ସଂପ୍ରତି ଝାରସୁଗୁଡ଼ାର ଲୋକମାନଙ୍କୁ ଗ୍ରୀଷ୍ମ ପ୍ରବାହରୁ ସୁରକ୍ଷା ଦେବା ପାଇଁ କମ୍ପାନି ପକ୍ଷରୁ ଜଳ ସେବା ଶିବିର ଆୟୋଜନ କରାଯାଇ ବାସିନ୍ଦା ତଥା ଯାତ୍ରୀମାନଙ୍କୁ ମାଗଣା ଜଳ, ଓଆରଏସ, ଲେମ୍ବୁପାଣି ଓ ବଟରମିଲକ ଯୋଗାଇ କଂପାନି ପ୍ରାୟ ୮୦୦୦ ଲୋକଙ୍କ ପାଖରେ ପହଁଚିଥିଲା । ଝାରସୁଗୁଡ଼ାର ୧୧ଟି ୱାର୍ଡ଼ର ୧୭ଟି ସ୍ଥାନରେ ଗୋଷ୍ଠୀକୁ ପାନୀୟ ଜଳ ଯୋଗାଇବା ପାଇଁ କମ୍ପାନି ପାଣି ଟାଙ୍କି ବ୍ୟବସ୍ଥା କରିଥିଲା । ଏହା ଦ୍ୱାରା ୨୫,୦୦୦ ଲୋକ ବିଶୁଦ୍ଧ ପାଣି ପାଇ ପାରୁଛନ୍ତି । କମ୍ପାନି ପକ୍ଷରୁ ଆଉ କେତେକ ପଦକ୍ଷେପ ଜରିଆରେ ବର୍ଷା ଜଳ ଅମଳ ପାଇଁ ପ୍ରସ୍ତୁତି, ପୋଖରୀ,ନଳକୂପର ପୁନରୁଦ୍ଧାର , ପାଶ୍ୱର୍ବର୍ତି ଗ୍ରାମ ଗୁଡ଼ିକରେ ଜଳ ଭିତିଭୂମିର ବିକାଶ କାର୍ୟ୍ୟ ଜାରୀ ରହିଛି ।
ବେଦାନ୍ତ ଆଲୁମିନିୟମ ବ୍ୟବସାୟ ହେଉଛି ବେଦାନ୍ତ ଲିମିଟେଡ଼ର ଏକ ଅଂଶ ଯିଏକି ଭାରତର ଅଗ୍ରଣୀ ଆଲୁମିନିୟମ ନିର୍ମାତା ପ୍ରାୟତଃ ଏହା ଭାରତର ଅର୍ଦ୍ଧେକ ଆଲୁମିନିୟମ ଉତ୍ପାଦନକାରୀ ଓ ଆର୍ଥିକ ବର୍ଷ ୨୩ ରେ ୨.୨୯ ନିୟୁତ ଟନ୍ ଆଲୁମିିନିୟମ ଉତ୍ପାଦନ କରିଥିବା ସଂସ୍ଥା । ବେଦାନ୍ତ ଆଲୁମିନିୟମର ର୍ୟାଙ୍କ ଡାଓ ଜୋନସ ସସଟାନବିଲିଟି ଇଣ୍ଡେକ୍ସ ୨୦୨୨ରେ ୨ୟ ର୍ୟାଙ୍କ ଧାରୀ ଓ ସ୍ଥାୟୀ ବିକାଶ ଅବଲମ୍ବନକାରୀ ସଂସ୍ଥା । ବେଦାନ୍ତ ମୂଲ୍ୟଯୁକ୍ତ ଆଲୁମିନିୟମ ଉତ୍ପାଦ ନିର୍ମାଣ କରିବାରେ ଅଗ୍ରଣୀ ଭୂମିକା ନିର୍ବାହ କରିବା ସହ ଔଦ୍ୟୋଗିକ କ୍ଷେତ୍ରରେ ସର୍ବବୃହତ ଜ୍ଞାନକୌଶଳକୁ ଆପଣାଇ ବିଶ୍ୱ ଶ୍ରେଣୀୟ ସ୍ମେଲ୍ଟର, ପାୱାର ପ୍ଲାଂଟ ଓ ଆଲୁମିନା ରିଫାଇନାରୀ କାର୍ୟ୍ୟ କରୁଛି । ଏକ ସବୁଜ ଭବିଷ୍ୟତ ପାଇଁ ମେଟାଲ ଅଫ୍ ଦି ଫ୍ୟୁଚର ଭାବରେ ଆଲୁମିନିୟମର ପ୍ରୟୋଗକୁ ପ୍ରସାରିତ କରିବା ପାଇଁ କମ୍ପାନୀ ତାର ଲକ୍ଷ୍ୟ ପୂରଣ କରୁଛି ।