ଏଥର ବୁଥ ମୁହାଁ ହେଲେ ରାଜଧାନୀବାସୀ । ୩ଟି ନିର୍ବାଚନ ପରେ ଭୋଟ ହାର ଟପିଲା ୫୦ ପ୍ରତିଶତ
କନକ ବ୍ୟୁରୋ : ଭୁବନେଶ୍ୱର ସହରବାସୀ ପୁରୁଣା ଦାଗକୁ ଲିଭାଇବାକୁ ଚେଷ୍ଟା କରିଛନ୍ତି । ଭୋଟ ସମୟରେ ଘରେ ନ ରହି ବୁଥକୁ ଆସି ଭୋଟ ଦେଇଛନ୍ତି । ଲଗାତାର ଭାବେ ୨୦୦୯, ୨୦୧୪, ୨୦୧୯ରେ ଭୁବନେଶ୍ୱର ୩ ନିର୍ବାଚନ ମଣ୍ଡଳୀରେ ଭୋଟ ହାର ୫୦ ପ୍ରତିଶତ ଡେଉଁ ନଥିବା ବେଳେ ଏଥର ସବୁଠି ୫୦ ପ୍ରତିଶତ ପାର କରିଛିା ସେହିପରି ୨୦୧୯ରେ ସଂସଦୀୟ କ୍ଷେତ୍ରରେ ୫୯.୧୭ ପ୍ରତିଶତ ଭୋଟ ହାର ହୋଇଥିବା ବେଳେ ଏଥର ଏହା ୩ ପ୍ରତିଶତ ବଢି ୬୨ ପ୍ରତିଶତରେ ପହଂଚିଛି ।
ନିର୍ବାଚନମଣ୍ଡଳୀ ୨୦୧୯ ୨୦୨୪
ଉତ୍ତର ଭୁବନେଶ୍ୱର ୪୭. ୯୦ ୫୧
ମଧ୍ୟ ଭୁବନେଶ୍ୱର ୪୩.୨୦ ୫୧.୧୯
ଏକାମ୍ର ଭୁବନେଶ୍ୱର ୪୯.୬୮ ୫୫.୬୦
ରାଜଧାନୀର ଭୋଟ ପ୍ରତିଶତ ବଢ଼ିବା ପରେ ଭିନ୍ନ ଭିନ୍ନ ଚର୍ଚ୍ଚା ହେଉଛି । ଭୋଟ ପ୍ରତିଶତ କାହିଁକି ବଢ଼ିଲା? ଏହା କାହାକୁ ସୁହାଇବ ସେ ନେଇ ରାଜନୈତିକ ଦଳର ନେତାମାନେ ମତ ରଖିଛନ୍ତି ।
ରାଜନୈତିକ ସମୀକ୍ଷକଙ୍କ ମତରେ ଭୋଟ ପ୍ରତିଶତ ବଢ଼ିବା ଗଣତନ୍ତ୍ର ପାଇଁ ଶୁଭଙ୍କର । ନୂଆ ଭୋଟର ସଂଖ୍ୟା ବଢ଼ିଥିବାରୁ ଓ ନିର୍ବାଚନ କମିଶନଙ୍କ ସଚେତନତା ଯୋଗୁଁ ଭୋଟ ପ୍ରତିଶତ ବଢ଼ିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ଭୋଟ ପ୍ରତିଶତ ବଢ଼ିବା, ନିର୍ବାଚନ ଫଳାଫଳକୁ କେତେ ପ୍ରଭାବିତ କରୁଛି, ତାହା ଆସନ୍ତା ଚାରି ତାରିଖରେ ସ୍ପଷ୍ଟ ହେବ ।