ନବ ଦାସଙ୍କ ହତ୍ୟା ମାମଲା : ଆଉ ମୁହଁ ଖୋଲିବେନି ନରସିଂହ ମିଶ୍ର; ଟିପ୍ପଣୀକୁ ନେଇ ଦୀପାଳି ଦାସଙ୍କ ଆପତ୍ତି ପରେ କଂଗ୍ରେସ ବିଧାୟକ ଦଳ ନେତାଙ୍କ ବୟାନ
କନକ ବ୍ୟୁରୋ : ନବ ଦାସଙ୍କ ହତ୍ୟା ମାମଲାରେ ଆଉ ମୁହଁ ଖୋଲିବେନି କଂଗ୍ରେସ ବିଧାୟକ ଦଳ ନେତା ନରସିଂହ ମିଶ୍ର । ସେ ଏନେଇ ମନୋରଞ୍ଜନ ମିଶ୍ର ଲାଇଭ୍ କାର୍ଯ୍ୟକ୍ରମରେ କହିଛନ୍ତି । ନବ ଦାସଙ୍କ ଉପରେ ତାଙ୍କର ଟିପପଣୀକୁ ନେଇ ନବଙ୍କ ଝିଅ ଦିପାଳି ଦାସ ଆପତ୍ତି ଉଠାଇବା ପରେ ଏକଥା କହିଛନ୍ତି ନରସିଂହ । ସେ କହିଛନ୍ତି ଯେ, ସ୍ୱର୍ଗତଃ ନବ ଦାସ ତାଙ୍କର ଅତି ଘନିଷ୍ଠ ଥିଲେ, ଏଥିରେ କୌଣସି ସନ୍ଦେହ ନାହିଁ ।
Kanak News is now on WhatsApp
Join and get latest news updates delivered to you via WhatsApp
ସେ ତାଙ୍କ ବିରୋଧରେ କୌଣସି ଟିପ୍ପଣୀ ଦେଇ ନାହାନ୍ତି, ବରଂ କେମିତି ହତ୍ୟକାରୀ ଧରାପଡ଼ିବ, ଦଣ୍ଠିତ ହେବ, ସେ ସମ୍ପର୍କରେ ଯାହା କିଛି ମତ ରଖିଥିଲେ । କୌଣସି ଜାଗାରେ ସେ ନବ ବାବୁଙ୍କର ଚରିତ୍ର ସଂହାର କରି ନାହାନ୍ତି, ହେଲେ ଯଦି ତାଙ୍କର ଟିପପଣୀ ଯୋଗୁଁ ନବ ଦାସଙ୍କ ଝିଅ ଦିପାଳୀ ଓ ପରିବାର ଲୋକଙ୍କୁ କଷ୍ଟ ଦେଇଛି, ତାହେଲେ ସେ ଦୁଃଖ ବାଲି ନରସିଂହ କହିଛନ୍ତି । ଏହାସହ ନବଙ୍କ ସମ୍ପର୍କରେ ଆଉ କୌଣସି କଥା କହିବି ନାହିଁ ବୋଲି କହିଛନ୍ତି ନରସିଂହ । ଏହାପୂର୍ବରୁ ନରସିଂହ, ମନ୍ତ୍ରୀ ନବ ଦାସଙ୍କୁ ଗୋପାଳ କାହିଁକି ମାରିଲା ତାକୁ ନେଇ ପ୍ରଶ୍ନ ଉଠାଇଥିଲେ । ନବ ଦାସଙ୍କ ଚରିତ୍ର ପ୍ରତି ସେ ଅଙ୍ଗୁଳି ଉଠାଇଥିବାର ଅଭିଯୋଗ ହୋଇଥିଲା ।
ନରସିଂହ କହିଥିଲେ ଯେ, ବ୍ୟକ୍ତିଗତ ଶତ୍ରୁତାରୁ ଷଡଯନ୍ତ୍ର କରି ଗୋପାଳ ମନ୍ତ୍ରୀଙ୍କୁ ମାରିଥାଇ ପାରେ । ଏଥିସହ ବ୍ୟବସାୟିକ ଓ ରାଜନୈତିକ ଶତ୍ରୁତା ମଧ୍ୟ ହତ୍ୟାକାଣ୍ଡର କାରଣ ହୋଇପାରେ ବୋଲି ସନ୍ଦେହ କରିଥିଲେ ନରସିଂହ । ଏହାକୁ ନେଇ ତୀବ୍ର ପ୍ରତିକ୍ରିୟା ପ୍ରକାଶ କରିଥିଲେ ନବଙ୍କ ଝିଅ ଦୀପାଳି ଦାସ । ସେ କହିଥିଲେ, ନରସିଂହଙ୍କ ବୟାନ ତାଙ୍କ ପରିବାରକୁ ଶକ୍ତ ଆଘାତ ଦେଇଛି । ତେଣୁ ଏଭଳି ଆପତ୍ତିଜନକ ଟିପଣୀ ନଦେବାକୁ ସେ ଅପିଲ କରିଥିଲେ । ଏଥିସହ ହତ୍ୟାକାଣ୍ଡକୁ ନେଇ ଯଦି ନରସିଂହଙ୍କ ପାଖରେ କିଛି ପ୍ରମାଣ ଅଛି ତାକୁ କୋର୍ଟରେ ଦେବାକୁ ଦିପାଳୀ ଆହ୍ୱାନ ଦେଇଥିଲେ ।