ପୋଲସରା ପୋକସୁଙ୍ଗା ନିକଟ ଜଙ୍ଗଲରେ ଗୁଳିକାଣ୍ଡ, ଦୁଇଜଣ ବ୍ୟକ୍ତି ଗୁରୁତର
କନକ ବ୍ୟୁରୋ : ପୋଲସରା ନିକଟ ପୋକସୁଙ୍ଗା ଜଙ୍ଗଲରେ ଗୁଳିକାଣ୍ଡ ହୋଇଛି । ଏହି ଗୁଳିକାଣ୍ଡରେ ଦୁଇଜଣ ବ୍ୟକ୍ତି ଗୁରୁତର ହୋଇଛନ୍ତି । ଜଣଙ୍କର ମୁଣ୍ଡ ଓ ଅନ୍ୟ ଜଣଙ୍କ ଦେହରେ ଗୁଳି ବାଜିଛି । ଏହି ଦୁଇଜଣ ବ୍ୟକ୍ତି ଜଙ୍ଗଲକୁ ଯାଇଥିବା ବେଳେ ସେମାନଙ୍କ ଊପରେ ଗୁଳିମାଡ ହୋଇଛି । ଏନେଇ ସ୍ଥାନୀୟ ଲୋକ ଦୁଇଜଣ ଗୁରୁତରଙ୍କୁ ମେଡିକାଲରେ ଭର୍ତ୍ତି କରିଛନ୍ତି । ଏନେଇ ବୁଗୁଡା ପୋଲିସ ତରଫରୁ ତଦନ୍ତ ଆରମ୍ଭ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଜଙ୍ଗଲ ଭିତରେ ଏହି ଦୁଇଜଣଙ୍କ ଉପରକୁ କିଏ ଗୁଳି ଚଳାଇଲା ତାହା ସ୍ପଷ୍ଟ ହୋଇନାହିଁ । ହେଲେ ଗଞ୍ଜାମ ଜିଲ୍ଲାରେ ନିର୍ବାଚନ ପରବର୍ତ୍ତୀ ହିଂସା ଜାରି ରହିଥିବାରୁ ଏହି ଗୁଳିକାଣ୍ଡ ପଛପରେ ରାଜନୈତିକ ଶତ୍ରୁତା ଥାଇପାରେ ବୋଲି ଅନୁମାନ କରାଯାଉଛି । ଗୁଳିମାଡରେ ଗୁରୁତର ହୋଇଥିବା ଦୁଇ ବ୍ୟକ୍ତିଙ୍କ ନାମ ହେଉଛି ଅବକାଶ ଜାନୀ ଓ ରଘୁନାଥ ଜାନୀ । ସେମାନେ ଜଙ୍ଗଲକୁ କାଜୁ ତୋଳିବାକୁ ଯାଇଥିବା ବେଳେ ସେମାନଙ୍କ ଉପରକୁ ଅଜଣା ବ୍ୟକ୍ତି ଗୁଳି ଚଳାଇଥିଲେ । ହେଲେ ଏହି ଗୁଳିକାଣ୍ଡ ପଛରେ ରାଜନୈତିକ ଶତ୍ରୁତା ନା କାଜୁ ତୋଳିବା ନେଇ ଏଭଳି ଆକ୍ରମଣ ହୋଇଛି ତାହା ସ୍ପଷ୍ଟ ହୋଇପାରି ନାହିଁ ।