କନକ ବ୍ୟୁରୋ : ଛତିଶଗଡ ବେସେତରା ଜିଲ୍ଲାରେ ଶନିବାର ଦିନ ଭୟଙ୍କର ବିସ୍ଫୋରଣ ହୋଇଛି । ଏଠାରେ ବେରଲା ଠାରେ ଥିବା ବାରୁଦ କାରଖାନାରେ ଭୟଙ୍କର ବିସ୍ଫୋରଣ ହୋଇଛି । ଏହି ବିସ୍ଫୋରଣରେ ୧୦ ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ମୃତକଙ୍କ ସଂଖ୍ୟା ବୃଦ୍ଧି ପାଇପାରେ ବୋଲି ଆକଳନ କରାଯାଉଛି । ଏହାସହ ଅନେକ ଲୋକ ଏବେ ମଧ୍ୟ କୋଠାତଳେ ଚାପି ହୋଇ ରହିଥିବା କୁହାଯାଉଛି ।
![](https://cdn-icons-png.flaticon.com/512/2504/2504957.png)
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ ଛତିଶଗଡର ବେସେତରା ଜିଲ୍ଲା ବେରଲା ନିକଟରେ ଥିବା ବାରଦୁ କାରଖାନାରେ ବିସ୍ଫୋରଣ ହୋଇଛି । ଏହି ବିସ୍ଫୋରଣର ଶବ୍ଦ ୧୦ କିଲୋମିଟର ପର୍ଯ୍ୟନ୍ତ ଲୋକଙ୍କୁ ଆତଙ୍କିତ କରିଥିଲା । ବିସ୍ଫୋରଣର ଶବ୍ଦ ଶୁଣିବା ପରେ ସ୍ଥାନୀୟ ଲୋକ ବାରୁଦ କାରଖାନା ନିକଟରେ ପହଂଚି ଲୋକଙ୍କୁ ଉଦ୍ଧାର କରିବା ସହ ସ୍ଥାନୟ ପ୍ରଶାସନକୁ ଖବର ଦେଇଥିଲେ । ହେଲେ ଖବର ପାଇବାର ୩ ଘଂଟା ପରେ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଂଚିଥିଲେ । ଉଦ୍ଧାରକାରୀ ଦଳ ଆହାତ ଓ ଗୁରୁତରମାନଙ୍କୁ ରାୟପୁର ହସ୍ପିଟାଲରେ ଭର୍ତ୍ତି କରାଇଛନ୍ତି । ସ୍ଥାନୀୟ ଲୋକଙ୍କ କହିବା କଥା ଯେଉଁ କାରଖାନାରେ ବିସ୍ଫୋରଣ ହୋଇଛି ସେଠାରେ ୧୫-୨୦ ଜଣ ଲୋକ କାମ କରୁଥିଲେ ।