ମମତା ବାନାର୍ଜୀଙ୍କ ମିଶନ୍ ଗୋଆ : ପଶ୍ଚିମବଙ୍ଗରେ ପରେ ଗୋଆରେ ସରକାର ଗଢିବା ପାଇଁ ଅଂଟା ବିଢିଛନ୍ତି ଦିଦି
ନିର୍ବାଚନୀ ସଭାରେ ଯୋଗ ଦେଇ କହିଲେ, ସବୁ ଧର୍ମ ଏକ; ଟିଏମସିର ପ୍ରକୃତ ଅର୍ଥ ଟେମ୍ପଲ, ମସ୍କ, ଚର୍ଚ୍ଚ
କନକ ବ୍ୟୁରୋ : ଗଡ ସଜାଡୁଛି କଂଗ୍ରେସ । ଟାର୍ଗେଟ ୨୦୨୪ ଲୋକସଭା ନିର୍ବାଚନ । ଜୟପୁରରେ ବିଶାଳ ସମାବେଶ ସହିତ ଏହାର ମୂଳଦୁଆ ପକାଇ ଦେଲାଣି କଂଗ୍ରେସ । ଦେଶରେ ୨୦୧୪ରେ ଯେତେବେଳେ କେନ୍ଦ୍ରରେ ଏନଡିଏ ସରକାର ଆସିଲା ତା ପରଠାରୁ କଂଗ୍ରେସର ପତନ ଆରମ୍ଭ ହୋଇଯାଇଛି । ୟୁପିଏ ମେଂଟରେ କେନ୍ଦ୍ରରେ ସରକାର ଗଠନ କରିଥିବା କଂଗ୍ରେସ ଆଜି ଦେଶରେ ସତା ଖୋଜୁଛି ।
Kanak News is now on WhatsApp
Join and get latest news updates delivered to you via WhatsApp
ରାଜସ୍ଥାନ, ଛତିଶଗଡ, ପଂଜାବ ପରି ରାଜ୍ୟରେ କଂଗ୍ରେସ ହାତରେ କ୍ଷମତା ରହିଛି, କିନ୍ତୁ କଥା ଯେତେବେଳେ କେନ୍ଦ୍ରରେ ସରକାର ପାଇଁ ଆସୁଛି , ଦଳର ଚିତ୍ର ସ୍ପଷ୍ଟ ରହୁନି । ଏମିତି ଅବସ୍ଥାରେ କଂଗ୍ରେସର ନେତୃତ୍ୱ କାହା ହାତରେ ରହିବ, ଆଉ ଦଳକୁ କିଏ ୨୦୨୪ ଭୋଟ୍ ପାଇଁ ମାର୍ଗଦର୍ଶନ କରିବ, ଦଳର ପୁରୁଖା ନେତାଏ ଚିନ୍ତାରେ ଅଛନ୍ତି । ଏପରିକି କଂଗ୍ରେସର ଜି ୨୩ କୁହାଯାଉଥିବା ବରିଷ୍ଠ ନେତା ମଧ୍ୟ ଆଗରୁ କଂଗ୍ରେସ କେନ୍ଦ୍ର କ୍ଷମତାକୁ ନେଇ ପ୍ରଶ୍ନ ଉଠାଇ ସାରିଛନ୍ତି ।
କାହା ନେତୃତ୍ୱରେ କଂଗ୍ରେସ ବଢିବ ଆଗକୁ? ୨୦୨୪ରେ କିଏ ରୋକିବ ମୋଦୀଙ୍କୁ? କଂଗ୍ରେସ ମୁକ୍ତ ବିରୋଧୀ ପାଇଁ ମମତାଙ୍କ ରଣନୀତି । ଏଥିପାଇଁ ବିରୋଧୀ ଏବେ ଠାରୁ ମୋର୍ଚା ଖୋଲିବା ଆରମ୍ଭ କଲେଣି । ଏସବୁ ଭିତରେ ପଶ୍ଚିମବଙ୍ଗରେ ବିଜେପିକୁ ଚେକ୍ ଦେଇଥିବା ମମତା ବାନାର୍ଜୀ, ଡିସେମ୍ୱର ପ୍ରଥମ ସପ୍ତାହରେ ଦିଲ୍ଲୀ ଗସ୍ତ କରି ଶରଦ ପାୱାରଙ୍କୁ ଭେଟି ଏକ କଂଗ୍ରେସ ମୁକ୍ତ ବିରୋଧୀ ମୋର୍ଚାର ମୂଳଦୁଆ ପକାଇଥିବା ଚର୍ଚା ଆସିଥିଲା । ମମତା ମଧ୍ୟ ସ୍ପଷ୍ଟ କରିଦେଇଛନ୍ତି , ଯେଉଁ ଦଳ କୌଣସି ସଫଳତା ପାଉନି ତାକୁ ସାଥିରେ ନେଇ କଣ କରାଯିବ । କଂଗ୍ରେସକୁ ବାଦ୍ ଦେଇ ଏକ ବିକଳ୍ପ ବିରୋଧୀ ମୋର୍ଚା ଜରିଆରେ ୨୦୨୪ରେ ମୋଦୀଙ୍କୁ ଘେରିବାକୁ ମମତା ରୋଡମ୍ୟାପ୍ ତିଆରି କରିଛନ୍ତି । ଏମିତି ଅବସ୍ଥାରେ କେବଳ ବିଜେପି ନୁହଁ ମମତା ବି ହେବେ କଂଗ୍ରେସ ପାଇଁ ବଡ ଚ୍ୟାଲେଂଜ ।
୨୦୨୪ରେ ଦେଶ ଦେଖିବ ଲୋକସଭା ଭୋଟ୍ । ଦିନେ ମମତା ୟୁପିଏ ମେଂଟରେ ରହି କେନ୍ଦ୍ରରେ ମନ୍ତ୍ରୀ ପଦ ପାଇଥିଲେ । ଟିଏମସିର ୬ ଜଣଙ୍କୁ ସେତେବେଳେ କେନ୍ଦ୍ରରେ ମିଳିଥିଲା ମନ୍ତ୍ରୀ ପଦ । କିନ୍ତୁ କେନ୍ଦ୍ରରେ ମୋଦୀ ସରକାର ଆସିବା ପରେ ଦୁର୍ବଳ ଦିଶୁଥିବା କଂଗ୍ରେସ ସହିତ ଆଗକୁ ବଢିବାକୁ ଚାହୁଁନାହାନ୍ତି ଦିଦି । ୨୦୧୪ରେ ଭୋଟ୍ ପ୍ରଚାର ସମୟରୁ ବିଜେପି ଏହି କଂଗ୍ରେସ ମୁକ୍ତ ଭାରତ ନାରା ଦେଇ ଆସୁଛି । ଆଜି ଦିଦି କଂଗ୍ରେସ ମୁକ୍ତ ଭାରତ ପାଇଁ ବାଟ ତିଆରି କରିଦେଲେଣି । ଏଥିପାଇଁ ଦିଦି ମହାରାଷ୍ଟ୍ରରେ ଶିବସେନା ଓ କଂଗ୍ରେସ ସହିତ ମେଂଟରେ ଥିବା ଏନସିପି ନେତା ଶରଦ ପାୱାରଙ୍କୁ ସାମ୍ନାକୁ ଆଣିଛନ୍ତି ।
ଡିସେମ୍ୱର ପ୍ରଥମ ସପ୍ତାହରେ ମମତା ଉଠାଇଥିଲେ କଂଗ୍ରେସର ସତାକୁ ନେଇ ପ୍ରଶ୍ନ । ଏହାର ନେତୃତ୍ୱକୁ ନେଇ ପ୍ରଶ୍ନ । ଡିସେମ୍ୱର ଦ୍ୱିତୀୟ ସପ୍ତାହରେ ଜୟପୁରରେ କଂଗ୍ରେସ ଆୟୋଜନ କରିଛି ବିଶାଳ ରାଲି । ହଜାର ହଜାର ଜନତାଙ୍କ ସମାବେଶରେ ସାମିଲ ହୋଇଛନ୍ତି ସୋନିଆ, ରାହୁଲ, ପ୍ରିୟଙ୍କା । ଏହା ଗୋଟିଏ ବାର୍ତା ଦେବାକୁ ଉଦ୍ୟମ, କଂଗ୍ରେସ ଏବେ ବି ସାଂଗଠନିକ ଭାବରେ ଶକ୍ତିଶାଳୀ ରହିଛି । ଦେଶରେ ମୋଦୀ ସରକାରକୁ ଘେରିବାକୁ କଂଗ୍ରେସ ବଳ ଗୋଟାଇବା ଭଲ ଭାବରେ ଜାଣିଛି ।