ଗୋଧ୍ରାକାଣ୍ଡରେ ଆଜୀବନ ଜେଲ ଦଣ୍ଡରେ ଦଣ୍ଡିତ ହୋଇଥିବା ଦୋଷୀକୁ ଜାମିନ, ଗୁଜରାଟ ସରକାରଙ୍କ ବିରୋଧ
କନକ ବ୍ୟୁରୋ : ୨୦୦୨ ଗୋଧ୍ରାକାଣ୍ଡ ମାମଲାରେ ଆଜୀବନ ଜେଲ ଦଣ୍ଡରେ ଦଣ୍ଡିତ ହୋଇଥିବା ଦୋଷୀଙ୍କୁ ସୁପ୍ରିମକୋର୍ଟ ଜାମିନ ପ୍ରଦାନ କରିଛନ୍ତି । ଏହି ଜାମିନକୁ ଗୁଜରାଟ ସରକାର ତୀବ୍ର ବିରୋଧ କରିଛନ୍ତି । କୋର୍ଟ ତରଫରୁ ଜାମିନ ପ୍ରଦାନ କରାଯିବା ପରେ କହିଛନ୍ତି କି, ଦୋଷୀ ଫାରୁକ୍ ୨୦୦୪ରୁ ୧୭ ବର୍ଷଧରି ଜେଲରେ ଅଛନ୍ତି , ଏବେ ତାଙ୍କୁ ଜାମିନ ମିଳିବା ଆବଶ୍ୟକ । ଏହାସହ ଏହି ମାମଲାରେ ଅନ୍ୟ ୧୭ ଜଣ ଦୋଷୀ ଜାମିନ ପାଇଁ ଆବେଦନ କରିଥିଲେ ବି ସେମାନଙ୍କ ଆବେଦନ ଉପରେ ଛୁଟି ପରେ ଶୁଣାଣି କରାଯିବ ବୋଲି କୁହାଯାଇଛି । ଏ ସମସ୍ତଙ୍କ ଉପରେ ପଥରମାଡ କରିଥିବା ଅଭିଯୋଗ ରହିଛି ।
Kanak News is now on WhatsApp
Join and get latest news updates delivered to you via WhatsApp
ଏହି ଶୁଣାଣି ବେଳେ ଗୁଜରାଟ ସରକାରଙ୍କ ତରଫରୁ ସଲିସିଟର ଜେନରାଲ ତୁଷାର ମେହେଟା କହିଥିଲେ କି ଏମାନେ କେବଳ ପଥରମାଡ କରିନଥିଲେ । ଏମାନେ ଜଘନ୍ୟ ଅପରାଧରେ ସାମିଲ ଥିଲେ । କାରଣ ଜଳୁଥିବା ଟ୍ରେନରୁ ଲୋକମାନେ ଯେତେବେଳେ ବାହାରକୁ ବାହାରିବାକୁ ଚେଷ୍ଟା କରୁଥିଲେ ସେତେବେଳେ ଏମାନେ ପଥରମାଡ କରି ସେମାନଙ୍କୁ ବାହାରକୁ ବାହାରିବାକୁ ଦେଇନଥିଲେ ।
ତୁଷାର ମେହେଟାଙ୍କ ଯୁକ୍ତି ଉପରେ କୋର୍ଟ କହିଥିଲେ କି, ଏମାନଙ୍କ ମଧ୍ୟରୁ କିଛି ଲୋକ ପଥରମାଡ କରିଥିଲେ, ହେଲେ ଦୀର୍ଘଦିନ ଧରି ସେମାନେ ଏହି ଦୋଷରେ ଜେଲରେ ରହିଲେଣି । ଏଣୁ ସେମାନଙ୍କୁ ଜାମିନରେ ଛଡାଯାଇପାରେ । ଏହାପରେ ଯାଂଚ କରି କୋର୍ଟରେ ରିପୋର୍ଟ ଦାଖଲ କରିବାକୁ ତୁଷାର ମେହେଟା ଡିସେମ୍ବର ୧୫ ଅର୍ଥାତ ଆଜି ପର୍ଯ୍ୟନ୍ତ ସମୟ ନେଇଥିଲେ ।