କନକ ବ୍ୟୁରୋ: ଭୋପାଳ ମଦର ଇଣ୍ଡିଆ କଲୋନୀରେ ଗ୍ୟାସ୍ ଲିକ୍ ହେବାରୁ ହଇଚଇ ସୃଷ୍ଟି ହୋଇଛି । ଏଠାରେ ଥିବା ୱାଟର ପ୍ଲାଣ୍ଟରୁ କ୍ଲୋରିନ୍ ଗ୍ୟାସ୍ ଲିକ୍ ହେବାରୁ ସ୍ଥାନୀୟ ଲୋକେ ଭୟରେ ଘରୁ ବାହାରି ଦୂର ସ୍ଥାନକୁ ପଳାଇବାକୁ ଲାଗିଥିଲେ । ଏହାସହ ସେମାନଙ୍କ ଆଖିରେ ଯନ୍ତ୍ରଣା ହୋଇଥିଲା । କେବଳ ଏତିକି ନୁହେଁ ଅଣନିଶ୍ୱାସୀ ହୋଇ ଅଚେତ ହୋଇପଡିଥିବା ୧୧ଜଣ ଲୋକଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ରାଜ୍ୟ ଚିକିତ୍ସା ଶିକ୍ଷା ମନ୍ତ୍ରୀ କୈଳାଶ ସାରଙ୍ଗ ହସ୍ପିଟାଲରେ ପହଞ୍ଚି ସେମାନଙ୍କୁ ଚିକିତ୍ସା ଅନୁଧ୍ୟାନ କରିବା ସହ ଘଟଣାସ୍ଥଳରେ ପହଞ୍ଚି ସ୍ଥିତି ଅନୁଧ୍ୟାନ କରିଥିବା ଜଣାପଡିଛି ।
Kanak News is now on WhatsApp
Join and get latest news updates delivered to you via WhatsApp
ଭୋପାଳ ଜିଲ୍ଲାପାଳ ଅବିନାଶ ଲାଭାନିଆ କହିଛନ୍ତି ଯେ କ୍ଲୋରିନ୍ ଗ୍ୟାସ୍ ଲିକେଜ୍ ବିଷୟରେ ସୂଚନା ପାଇବା ପରେ ଆମ୍ବୁଲାନ୍ସ ଘଟଣାସ୍ଥଳରେ ପହଞ୍ଚିଥିଲା। ୩ ଜଣ ରୋଗୀଙ୍କୁ ଆମ୍ବୁଲାନ୍ସରେ ହମିଦିଆ ଡାକ୍ତରଖାନାକୁ ନିଆଯାଇଥିଲା। ହମିଡିଆ ଡାକ୍ତରଖାନାରେ ଭର୍ତ୍ତି ହୋଇଥିବା ଲୋକଙ୍କ ମଧ୍ୟରେ ୩୫ ବର୍ଷବୟସ୍କା ସଂଗୀତା, ୪୦ ବର୍ଷବୟସ୍କା ପୁଷ୍ପା ଏବଂ ୬୫ ବର୍ଷବୟସ୍କା ପରଭେଜ୍ ମଧ୍ୟ ଥିଲେ। ମଧ୍ୟପ୍ରଦେଶ ଚିକିତ୍ସା ଶିକ୍ଷା ମନ୍ତ୍ରୀ ବିଶ୍ୱାସ କୈଳାସ ସାରଙ୍ଗ ଏକ ଟ୍ୱିଟରେ କହିଛନ୍ତି ଯେ ହମିଦିଆ ଡାକ୍ତରଖାନାରେ ଭର୍ତ୍ତି ହୋଇଥିବା ଲୋକଙ୍କ ସ୍ୱାସ୍ଥ୍ୟରେ କ୍ରମାଗତ ଉନ୍ନତି ହେଉଛି। ଡାକ୍ତର ଏବଂ ଡାକ୍ତରଖାନା ପରିଚାଳନା ଉପଯୁକ୍ତ ଚିକିତ୍ସା ପାଇଁ ତୁରନ୍ତ କାର୍ୟ୍ୟ କରୁଛନ୍ତି ।
ସାରଙ୍ଗ କହିଛନ୍ତି ଯେ ମଦର ଇଣ୍ଡିଆ କଲୋନୀରେ କ୍ଲୋରିନ୍ ଟ୍ୟାଙ୍କରେ ଲିକେଜ୍ ଘଟଣାର ସମୀକ୍ଷା କରିବା ଏବଂ ଏକ ବିସ୍ତୃତ ଅନୁସନ୍ଧାନ କରିବାକୁ ନିର୍ଦ୍ଦେଶ ଦିଆଯାଇଛି। ଏହାର ପୁନରାବୃତ୍ତିକୁ ରୋକିବା ପାଇଁ ଠୋସ୍ ପଦକ୍ଷେପ ମଧ୍ୟ ନିଆଯିବ ।