କନକ ବ୍ୟୁରୋ : ଭାରତୀୟ କ୍ରିକେଟ ଦଳର ଷ୍ଟାର ବୋଲର ମହମ୍ମଦ ଶାମୀ ଏବେ ଆଇପିଏଲ ମ୍ୟାଚରେ ବ୍ୟସ୍ତ ରହିଛନ୍ତି । ସେପଟେ ତାଙ୍କ ପତ୍ନୀ ହସିନା ଜହାଁ ଏବେ ହାଇକୋର୍ଟରୁ ଯାଇ ସିଧାସଳଖ ସୁପ୍ରିମ କୋର୍ଟରେ ପହଂଚିଛନ୍ତି । ୨୦୧୮ ରେ ହସିନା ଜହାଁ ସ୍ୱାମୀ ମହମ୍ମଦ ଶାମୀଙ୍କ ବିରୋଧରେ ବିଭିନ୍ନ ପ୍ରକାରର ଅଭିଯୋଗ ଆଣିଥିଲେ । ହେଲେ ଶାମୀ ସେସବୁ ଅଭିଯୋଗକୁ ଖଣ୍ଡନ କରିଥିଲେ । ଏହାପରେ ହାଇକୋର୍ଟଙ୍କ ରାୟରେ ଅସନ୍ତୁଷ୍ଟ ହୋଇ ଶାମୀଙ୍କ ସ୍ତ୍ରୀ ଏବେ ସୁପ୍ରିମ କୋର୍ଟରେ ପହଂଚିଛନ୍ତି । ଏବେ ସେ ଶାମୀଙ୍କୁ ଗିରଫ କରାଯାଉ ବୋଲି ଦାବି କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏବେ ମହମ୍ମଦ ଶାମୀଙ୍କ ସ୍ତ୍ରୀ ହାସିନା ଜହାଁ ସୁପ୍ରିମକୋର୍ଟରେ ଅଭିଯୋଗ କରିଛନ୍ତି ଯେ, ଶାମୀଙ୍କର ପରକୀୟା ପ୍ରିତି ରହିଛି । ଏହାସହ ସେ ତାଙ୍କୁ ଯୌତୁକ ନିର୍ଯାତନା ଦେଉଛନ୍ତି । ଏହାସହ ହସିନା ଜହାଁ କହିଛନ୍ତି କି କୌଣସି ତାରକାଙ୍କୁ ଆଇନରେ ସ୍ୱତନ୍ତ୍ର କୋହଳ ନମିଳୁ ।
ସୂଚନା ଥାଉକି, ୨୦୨୩ ମସିହାରେ କୋଲକତା ହାଇକୋର୍ଟ ଶାମୀଙ୍କ ବିପକ୍ଷରେ ରାୟ ଦେଇଥିଲେ । କୋର୍ଟ କହିଥିଲେ କି ଶାମୀ ତାଙ୍କ ସ୍ତ୍ରୀଙ୍କୁ ପ୍ରତିମାସ ଭରଣ ପୋଷଣ ବାବଦରେ ୧.୩୦ଲକ୍ଷ ଟଙ୍କା ଦିଅନ୍ତୁ । ଯାହା ମଧ୍ୟରୁ ଶାମୀଙ୍କ ଝିଅ ପାଇଁ ମାସିକ ୮୦ ହଜାର ଓ ତାଙ୍କ ପୂର୍ବ ପତ୍ନୀଙ୍କ ବ୍ୟକ୍ତିଗତ ଖର୍ଚ୍ଚ ପାଇଁ ମାସିକ ୫୦ ହଜାର ଟଙ୍କା ଦେବାକୁ କୋର୍ଟ ଆଦେଶ ଦେଇଥିଲେ । ହେଲେ ହସିନା ଜହାଁ ଏତିକି ଅର୍ଥ ନେବାକୁ ରାଜି ନୁହଁନ୍ତି । ସେ ମାସିକ ୧୦ ଲକ୍ଷ ଟଙ୍କା ଦାବି କରିଛନ୍ତି ।