କନକ ବ୍ୟୁରୋ : ଦାଦା ସାହେବ୍ ଫାଲକେ ଫିଲ୍ମ ଫେଷ୍ଟିଭାଲରେ ପୁରସ୍କୃତ ହେଲା ଓଡ଼ିଆ ଚଳଚ୍ଚିତ୍ର ମୀନା । ୨ଟି ବର୍ଗରେ ଚଳଚ୍ଚିତ୍ରକୁ ପୁରସ୍କୃତ କରାଯାଇଛି । ଆୟୋଜିତ ଫେଷ୍ଟିଭାଲରେ ମୀନାକୁ ଉତ୍କର୍ଷ ନିର୍ମାତା ପ୍ରମାଣପତ୍ର ଏବଂ ୬୦ ଶ୍ରେଷ୍ଠ ପ୍ରତିଯୋଗୀ ଚଳଚ୍ଚିତ୍ର ଭାବେ ପୁରସ୍କୃତ କରାଯାଇଛି । ମୀନାର ଚଳଚ୍ଚିତ୍ରର ପ୍ରଯୋଜକ, କାହାଣୀ, ଚିତ୍ରନାଟ୍ୟ ନିର୍ଦ୍ଦେଶକ ଓ ସଂଳାପକାର ନବକିଶୋର ଦାସ ଏହି ସମ୍ମାନ ହାତେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏପ୍ରିଲ ୩୦ ତାରିଖରେ ଦିଲ୍ଲୀ ଏନସିଆର ନଏଡାର ହୋଟେଲ ହାଇଡ୍ ଆୱେ ସୁଟସ୍ରେ ଅନୁଷ୍ଠିତ ହୋଇଯାଇଛି ଦାଦା ସାହେବ ଫାଲକେ ଫିଲ୍ମ ଫେଷ୍ଟିଭାଲ ପୁରସ୍କାର ବିତରଣ ଉତ୍ସବ । ଚଳଚ୍ଚିତ୍ର ମୀନା, କନ୍ୟା ସନ୍ତାନର ଗୁରୁତ୍ୱକୁ ନେଇ ନିର୍ମାଣ କରାଯାଇଛି । ୬୮ ମିନିଟର ଏହି ଚଳଚ୍ଚିତ୍ରରେ ଜଣେ କନ୍ୟା ସନ୍ତାନ କିପରି ସବୁ ପ୍ରତିବନ୍ଧକକୁ ପ୍ରତିହତ କରି ନିଜ ଉତ୍କର୍ଷତା ପ୍ରମାଣିତ କରିପାରିଛି ତାହା ଦର୍ଶାଯାଇଛି ।