ଦ୍ୱିତୀୟ ଥର ମୁଖ୍ୟମନ୍ତ୍ରୀ ଭାବେ ଶପଥ ନେଲେ ମନୋହର ଲାଲ ଖଟ୍ଟର : ଜେଜେପି ସହ ମେଂଟ ପରେ ଉପମୁଖ୍ୟମନ୍ତ୍ରୀ ଭାବେ ଶପଥ ନେଲେ ଦୁଶ୍ୟନ୍ତ ଚୌତାଲା
କନକ ବ୍ୟୁରୋ : ହରିୟାଣାରେ ଦ୍ୱିତୀୟ ଇଂନିସ୍ ଖେଳିଲେ ଖଟ୍ଟର । ଦ୍ୱିତୀୟ ଥର ପାଇଁ ଆଜି ହରିୟାଣାରେ ମୁଖ୍ୟମନ୍ତ୍ରୀ ଭାବେ ଶପଥ ନେଲେ ବିଜେପି ନେତା ମନୋହରଲାଲ ଖଟ୍ଟର । ରାଜଭବନରେ ରାଜ୍ୟପାଳ ତାଙ୍କୁ ପଦ ଓ ଗୋପନୀୟତାର ଶପଥପାଠ କରାଇଛନ୍ତି । ଏହାସହ ଜେଜେପି ନେତା ଦୁଷ୍ୟନ୍ତ ଚୌତାଲା ଉପମୁଖ୍ୟମନ୍ତ୍ରୀ ଭାବେ ମଧ୍ୟ ଶପଥ ଗ୍ରହଣ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଶପଥ ଗ୍ରହଣ ଉତ୍ସବରେ ମୁଖ୍ୟମନ୍ତ୍ରୀଙ୍କ ସହ ମନ୍ତ୍ରୀମଣ୍ଡଳର କିଛି ସଦସ୍ୟ ମଧ୍ୟ ଶପଥ ଗ୍ରହଣ କରିବେ ବୋଲି ଆଶା କରାଯାଉଥିଲା । ହେଲେ ଆଜି ନୂଆ ମନ୍ତ୍ରୀମଣ୍ଡଳର କୌଣସି ସଦସ୍ୟ ଶପଥ ଗ୍ରହଣ କରିନାହାନ୍ତି । ଏହି ଶପଥ ଗ୍ରହଣ ଉତ୍ସବରେ ସାମିଲ ହୋଇଛନ୍ତି ବିଜେପି କାର୍ଯ୍ୟକାରୀ ସଭାପତି ଜେପି ନଡ୍ଡା ।
ସୂଚନାଯୋଗ୍ୟ ଜନନାୟକ ଜନତା ପାର୍ଟି ସମର୍ଥନରେ ହରିୟାଣାରେ ସରକାର ଗଢ଼ିଛି ବିଜେପି । ବିଜେପି କୁ ହରିୟାଣା ବିଧାନସଭାରେ ବହୁମତ ମିଳି ନ ଥିବା ବେଳେ ସେ ଜନନାୟକ ଜନତା ପାର୍ଟି ସହ ମେଣ୍ଟ କରି ଏବେ ସରକାର ଗଠନ କରିଛି।