ବେଲାରୁସ ପହଞ୍ଚିଲା ଋଷର ପରମାଣୁ ଅସ୍ତ୍ର । ରାଷ୍ଟ୍ରପତି ଲୁକାଶେଂକୋ କହିଲେ, ଏହା ହିରୋସୀମା ଓ ନାଗାସାକି ଉପରେ ପଡିଥିବା ବୋମା ଠାରୁ ୩ଗୁଣା ଶକ୍ତିଶାଳୀ
କନକ ବ୍ୟୁରୋ : ଋଷ ତାର ପରମାଣୁ ଅସ୍ତ୍ରକୁ ଏବେ ବେଲାରୁସରେ ପହଂଚାଇଛି । ଏନେଇ ବେଲାରୁସର ରାଷ୍ଟ୍ରପତି ଆଲେକଜାଣ୍ଡର ଲୁକାଶେଂକୋ ସୂଚନା ଦେଇଛନ୍ତି । ଋଷର ଏକ ଟିଭି ଚ୍ୟାନେଲକୁ ସାକ୍ଷାତକାର ଦେଇ ଲୁକାଶଂକୋ କହିଛନ୍ତି କି ଏବେ ଆମକୁ ଋଷ ତରଫରୁ ମିଜାଇଲ ଓ ବୋମା ମିଳିଛି । ଏହି ବୋମା ୧୯୪୫ ମସିହାରେ ଜାପାନର ହିରୋସୀମା ଓ ନାଗାସାକି ଉପରେ ପକାଯାଇଥିବା ବୋମା ଠାରୁ ୩ ଗୁଣା ଶକ୍ତିଶାଳୀ । ସୂଚନା ଥାଉକି ୧୯୯୧ ମସିହା ପରେ ପ୍ରଥମଥର ଋଷ ତରଫରୁ ବିଦେଶୀ ମାଟିରେ ପରମାଣୁ ଅସ୍ତ୍ର ଠୁଳ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଲୋକଶେଂକୋ କହିଛନ୍ତି କି, ଏହି ପରମାଣୁ ଅସ୍ତ୍ର ରଖିବା ପାଇଁ ସୋଭିଏତ ସଂଘର ୬ଟି ପରମାଣୁ କେନ୍ଦ୍ର ସ୍ଥିର କରାଯାଇଥିଲା । ପାଶ୍ଚାତ୍ୟ ଦେଶଗୁଡିକୁ ୨୦୨୦ ରୁ ଆମକୁ ଅନେକ ଭାଗରେ ବିଭକ୍ତ କରିବାକୁ ଚେଷ୍ଟା କରାଯାଉଛି । ହେଲେ ଏବେ ଏହାର ସ୍ଥିତି ବଦଳିଯିବ ବୋଲି ସେ କହିଛନ୍ତି ।
କେବଳ ସେତିକି ନୁହେଁ ପାଶ୍ଚାତ୍ୟ ଦେଶଗୁଡିକୁ ବେଲାରୁସର ରାଷ୍ଟ୍ରପତି ଧମକ ମଧ୍ୟ ଦେଇଛନ୍ତି । ସେ କହିଛନ୍ତି କି ଆବଶ୍ୟକ ହେଲେ ଆମେ ଏହି ଅସ୍ତ୍ରଗୁଡିକୁ ବ୍ୟବହାର କରିବାକୁ ପଛାଇବୁ ନାହିଁ । ଏହି ପରମାଣୁ ଅସ୍ତ୍ର ବ୍ୟବହାର ପାଇଁ କେବଳ ପୁଟିନଙ୍କୁ ଗୋଟିଏ ଥର ଫୋନ କରିବାକୁ ପଡିବ ବୋଲି ଲୋକାଶେଂକୋ କହିଛନ୍ତି । ଏବେ ବେଲାରୁସରେ ଠୁଳ କରାଯାଇଥିବା ପରମାଣୁ ଅସ୍ତ୍ର ଉପରେ କେବଳ ଋଷର ଦଖଲ ରହିବ ବୋଲି ସେ ସ୍ପଷ୍ଟ କରିଛନ୍ତି ।
ଲୋକାଶେଂକୋ କହିଛନ୍ତି କି ଋଷ ତାର ପରମାଣୁ ଅସ୍ତ୍ରକୁ ନିଜ ଦେଶର ସୀମାରେ ନିୟୋଜିତ କରିବ । ବେଲାରୁସର ସୀମା ୩ ନାଟୋ ଦେଶକୁ ଲାଗିଛି । ଯାହା ମଧ୍ୟରେ ଲିଥୁଆନିୟା, ଲାତାବିୟା ଓ ପୋଲାଣ୍ଡ ସାମିଲ ଅଛି ।